Hibru 8:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Eghtɨ kɨ men apangkuvigh men arazir kuraba gɨn amangɨva, egh ua dagh nɨghnɨghan kogham.”

Godɨn Akar Aghuim; Akar Dɨkɨrɨzir Gavgavir Igiam

¹² Eghtɨ kɨ men arazir kuraba gɨn amadagh, egh ua dagh nɨghnɨghan kogham.”

Hibru 8:12 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 11:27

Kɨ men arazir kuraba bar da agɨvaghɨva, egh dughiar kamɨn uan Akar Dɨkɨrɨzir Gavgavir kam me ko a damuam.”

Aisaia 43:25

Kɨrara, kɨ God, kɨ uan ziar ekiam baghavɨra nɨghnɨsi, kamaghɨn kɨ ian arazir kuraba bar da gɨn amada. Egh kɨ ua ian arazir kurar kabagh nɨghnɨghan kogham.

Maika 7:19

Nɨ uam en apangkufigh. Egh uan suemɨn biziba dɨka da abɨri moghɨn, en arazir kuraba dɨkɨ da abɨnigh, da akunightɨ da ongarir konim bar an aven magɨrɨgh.

Jeremaia 50:20

Ezɨ kɨ Ikiavɨra Itir God, kɨ kamaghɨn mɨgei: Dughiar kamɨn kɨ Israelia ko Judan ikiavɨra itir varazira, kar kɨ taghizɨ deravɨra itiba, kɨ men arazir kuraba gɨn amadagham. Eghtɨ arazir kuratam ko osɨmtɨzir tam men ikian kogham. Eghtɨ gumazitam akatam me gasɨsɨ damuva avegham.”

Jeremaia 33:8

Me na batuegha, arazir kuram gami. Ezɨ kɨ men arazir kuraba gɨnamadagham, egh men arazir kurabar osɨmtɨzim agɨvagh me damightɨ, me nan damazimɨn zuegham.

Aisaia 44:22

Ian arazir kuraba, kɨ da adegha da isa pɨn da akunizɨ, amɨnim da inigha ghu. Nɨn arazir kuraba gɨvagham, mati ghuariaba aruem mɨzaraghara anadi, da a sara ghuegha gɨfa. Kɨ ian akurvagha deravɨra ian gari, kamaghɨn amizɨ, ia uamategh na bagh izɨ.”

Efesus 1:7

E fo, Kraisɨn ovevemɨn God uam e inigha en arazir kuraba gɨn amada. Godɨn apangkuvim guizbangɨra bar ekevegha izɨfa. Kamaghɨn a uan apangkuvim e gufusfuzima an e girava, fofozir aghuim ko nɨghnɨzir aghuim e ganɨdi.

Akar Mogomem 1:5

Krais Iesus, a gumazir Godɨn akaba guizbangɨra dav geim. Egha a gumazir bar uabɨra faragha ovevemɨn ua dɨkavizim. Egha a nguazimɨn atriviba bar men ekiam. A uaghan ian apangkuv egh navir amɨrizim ia danɨng. A bar e gifonge, egha a uabɨ uan ghuzimɨn en arazir kuraba agɨvazɨ e fɨriaghɨre.

Onger Akaba 25:7

Kɨ uan igiamra ikiava amizir arazir kuraba, ko nan arazir akaba batoziba, nɨ dagh nɨghnɨghan markɨ. O Ikiavɨra Itir God, nɨ deragha na gamua bar nan apangkufi, kamaghɨn amizɨ nɨ na gɨnɨghnɨgh.

Onger Akaba 65:3

E uan arazir kuraba bagh nɨ bagh mangam. En arazir kurabar osɨmtɨziba e abɨrima e bar iraghue, ezɨ nɨrara en arazir kuraba gɨn amadi.

Jeremaia 31:34

Kɨ Ikiavɨra Itir God, kɨ guizbangɨra mɨgei, dughiar kamɨn gumazamiziba vaghvagh uan namakaba ko uan adarazir sure damuan kogh suam, ‘Ia Ikiavɨra Itir God gɨfogh.’ Puvatɨ. Me bar moghɨra na gɨfogham, gumazamizir kɨniba ko ziaba itir gumazamiziba. Eghtɨ kɨ men arazir kuraba gɨn amadaghɨva ua dagh nɨghnɨghan kogham.”

Maika 7:18

O Ikiavɨra Itir God, ua godɨn igharazitam nɨn mɨn itir puvatɨ. Nɨn gumazamizir ikiavɨra itir varazira, nɨ men arazir kuraba gɨn amadi. Nɨn adariba dughiar ruaribar itir puvatɨ. Nɨ zurara en apangkuvigha, arazir aghuibar e damuasa bar akonge.