Hibru 6:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Amozim dughiar avɨribar izava nguazimɨn aven zui. Eghtɨ nguazim daghebar amutɨ dagher aghuiba otivam, egh gumazir me me bagha da oparizibar akurvagham. Eghtɨ God nguazir kam deragh a damuam.

Godɨn Akar Aghuim; Akar Dɨkɨrɨzir Gavgavir Igiam

⁷ Amozim dughiar avɨribar izava nguazimɨn aven zui. Eghtɨ nguazim daghebar amutɨ dagher aghuiba otivam, egh gumazir me me bagha da oparizibar akurvagham. Eghtɨ God nguazir kam deragh a damuam.

Hibru 6:7 ပူးပေါင်းရင်းမြစ်များ

Hosea 10:12

Kɨ kamaghɨn Israelia ko Judabav gei, ‘Ia arazir kurar kam ategh, arazir aghuibar amu, egh guizbangɨra nan ziam fɨ, mati gumazim azenir igiamɨn nguazim abigha dagheba oparima, da deravɨram aghua dagher avɨriba bati. Datɨrɨghɨn ia ua Ikiavɨra Itir God bagh izɨ. Ia ua na bagh izɨtɨ, kɨ bar deravɨra ia damuam.’

Aisaia 44:3

Kɨ mati gumazim dɨpam isɨ nguazir dɨpaba puvatɨzibagh ingɨva, egh dɨpam damightɨ, a nguazir mɨdiaribar ivemaram. Kamaghɨra, kɨ uan Duam isɨ ian boribagh ingɨva, ian ovavir boriba deragh me damuam.

Onger Akaba 126:6

Guizbangɨra, gumazir aravɨra dagher ovɨziba atera ghua da opariba, me dar dagheba inigh uamategh ighiabar amu da ater izam.

Jems 5:7

Kamaghɨn amizɨma, nan adarasi, ia tuivigh gavgavigh osɨmtɨziba aterɨva Ekiam mɨzuamtɨ a ua izam. Ia fo, gumazim o amizir azenim itim, a dagher aghuiba an azenimɨn aghungasa an adav zuai. Egha a gavgavim uan navim ganɨga aghumra ikiava amozim ko aruem mɨzuai, aning uan ingangarim faragh a damuam. Eghtɨ a gɨn dagheba iniam.

Esekiel 34:26

“Kɨ deravɨra uan gumazamiziba ko nguazir nan mɨghsɨam avɨnizibar amuam. Egh amozir dughiamɨn, kɨ amozir avɨribar amutɨ da nguazim girɨ a damightɨ a bar deragham.

Onger Akaba 24:5

Kamagh amir darasi, Ikiavɨra Itir God deragh me damu, ua me inigh men akuragh me dɨpon suam, me nan damazimɨn dera, egha osɨmtɨziba puvatɨ.

Ofa Gami 25:21

Markɨ, ia mɨghɨn nɨghnɨghan markɨ. Kɨ Ikiavɨra Itir God, kɨ namba 6ɨn azenimɨn bar deragh nguazim damightɨ, dagher avɨriba otivtɨma ia damɨ mangɨ 3plan azenibar tugham.

Malakai 3:10

Ia uan biziba 10plan pozibar arigh egh dar pozir tam inigh izɨ nan dɨpenim datɨgh. Eghtɨ nan ingangarir gumaziba, dagher avɨriba ikiam. Ia kamaghɨn damightɨ, kɨ Ikiavɨra Itir Godɨn Gavgaviba Bar Itim, kɨ uan Nguibamɨn tiar akaba kuigh, uan bizir aghuiba isɨ amozimɨn mɨn da ingegham, eghtɨ ia bizir aghuir avɨrim ikɨ egh ua bizitamɨn oteveghan kogham. Ia tuavir kamɨn gɨn mangɨ damu ganigh, egh fogh suam, nan akam a bar guizbangɨra.

Jenesis 27:27

Ezɨ an an torima Aisak an korotiabar mughuriam baregha deravɨrama a gami. Egha ghaze: “Aia, nan otarimɨn mughuriam mati dagher azenimɨn mughuriam! Azenir kam deraghasa Ikiavɨra Itir God deraghavɨram a gami.

Jenesis 1:11

Egha gɨn God kamaghɨn mɨgei, “Nguazim, temer guar avɨriba ko nguazimɨn aver beniba ko dagheba a gisɨn aghung.” Ezɨ bizir kaba otifi.

Matyu 7:8

Gumazir Godɨn azaiba, me biziba isi. Ezɨ gumazir biziba bagha ruim, da batifi. Ezɨ gumazir itiam gafughafuzim, God a bagh tiam kuigham.

2 Timoti 2:6

Eghtɨ gumazitam o amizitam puvɨra uan azenimɨn ingarɨva an oparɨva an ganam, a gumazamizir mabagh itaghɨva faragh uan daghebar amam.