Hibru 4:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Godɨn Akam an angamɨra ikia, egha pamtemɨn ingara iti. A bar ghumigha, mɨdorozir sabar ghumtɨzir pumuning itim gafira. Ezɨ akar kam, sabar ghumtɨzimɨn mɨn, a bar gumazimɨn namnam okoregha bar aven ghua, duam ko navir averiam uaning bativi naghɨn oto, egha uaghan aghariba uari isasuirazir naghɨn, ko agharibar aven itir ovim, aning uaning bativi naghɨn oto. Egha a bar en nɨghnɨziba ko en navir averiabar aven itir ifongiabagh fogha da tuisɨsi.

Godɨn Akar Aghuim; Akar Dɨkɨrɨzir Gavgavir Igiam

¹² Godɨn Akam an angamra ikia, egha a pamtemɨn ingara iti. A bar ghumigha, egha a mɨdorozir sabar ghumtɨzir pumuning itim gafira. Ezɨ akar kam, sabar ghumtɨzimɨn mɨn, a bar gumazimɨn namnam okoregha bar aven ghua, duam ko navir averiam uaning bativi naghɨn oto, egha uaghan aghariba uari isasurazir naghɨn, ko agharibar aven itir ovim, aning uaning bativi naghɨn oto. Egha a bar en nɨghnɨziba ko en navir averibar aven itir ifongiabagh fogha da tuisɨsi.

Hibru 4:12 ပူးပေါင်းရင်းမြစ်များ

Jeremaia 23:29

Kɨ Ikiavɨra Itir God, kɨ guizbangɨra mɨgei, nan akam mati avim. Egha mati haman ekiam, a dagɨaba bɨgha dagh amima, da mɨnemɨniar kɨniba iri.

Aisaia 55:11

Ezɨ kamaghɨra, nan akam uaghan, pura uamategh na bagh izeghan kogham. Puvatɨ. A kɨ mɨkemezɨ moghɨra bizibar amutɨ da otivam. Eghtɨ ingangarir kɨ damuasa ifongeziba, a adar amutɨ dar dagheba otivam.

Efesus 6:17

Ia God ian akurazir arazim gɨnɨghnɨgh, egh nɨghnɨzir kam, dapanir asuar gavgavimɨn mɨn anerughtɨ a ian dapaniba avɨ. Egh Godɨn akam, an Duam ia ganɨngizir mɨdorozir sabamɨn mɨn ia an suiragh.

Onger Akaba 119:130

Gumazim igharazitavɨn akuragh nɨn akabar mɨngaribar an sure damightɨ, nɨn akamɨn angazangarim an navir averiamɨn ikiam. Akar kam nɨghnɨzir aghuiba puvatɨzir gumazamizibar amutɨ, me nɨghnɨzir aghuiba ikiam.

1 Pita 1:23

Ia datɨrɨghɨn gumazamizir igiabar otivigha gɨfa, mati ia dagher biar igiamɨn mɨn azenimɨn oto. Egha ia dagher biar pura ikuvibar mɨn aghuir puvatɨ. Ezɨ dagher ovɨzir kam, a Godɨn akam, ezɨ akar kam zurara ingar ikɨ, mamaghɨra ikiam.

Aisaia 49:2

Egha a nan akatorim gamizɨ, nan mɨgɨrɨgɨaba deravɨram otiva, mati mɨdorozir sabar bar ghumtɨzim, gumazamizibar navibagh inifi. Ezɨ a uan agharim isa deravɨra na avaragha na geghuvima, kɨ an aven modo. A barir aghuir ghumtɨzimɨn mɨn na akɨrigha, na isa danganir uan barir ghumtɨziba arɨzimɨn na modozɨ, kɨ an ingangarim damuasa mɨzua iti.

Akar Mogomem 1:16

A 7plan mɨkoveziba uan agharir guvimɨn dar suira. Ezɨ mɨdorozir sabar mam ghumtɨzir pumuning ikia bar ghumi, an an akamɨn ikegha azenimɨn ize. Ezɨ an guam aruer angazangarir gavgavimɨn mɨn pamten taghtasi.

1 Tesalonika 2:13

Ia en akam baregha Godɨn akam ini, egha gumazibar akamɨn mɨn a inizir puvatɨ, ia guizbangɨra Godɨn akamra ini. Ezɨ akar kam bar pamten ia gumazamizir nɨghnɨzir gavgavim Kraisɨn itibar navir averiabar ingari. Kamaghɨn amizɨ, e bizir kam bagha zurara God mɨnabi.

Jeremaia 17:10

Kɨ Ikiavɨra Itir God, kɨrara, kɨ gumazamizibar navir averiaba ko men nɨghnɨziba aven men gari. Egha vaghvagha gumazamizibar araziba tuisɨgha, me amir arazaraziba bar da ikarvagha ivezim me ganɨdi.”

Akɨnafarir Pol Romɨn Nguibar Ekiamɨn Itir Sios Bagha Osirizim 1:16

Kɨ fo, Godɨn gavgavim an Akar Aghuimɨn aven iti. Gavgavir kam gumazir nɨghnɨzir gavgavir an itiba bar men akurvagham. A faragh Judabar akurvagh, egh uaghan Kantrin Igharazibar Gumazamizibar akurvagham. Kamaghɨn amizɨ, kɨ Akar Aghuim akunasa aghumsɨzir puvatɨ.

Onger Akaba 149:6

Me pamtem dɨmɨva Godɨn ziam fɨ. Me mɨdorozir sabar ghumtɨziba uan dafaribar da suikigh.

Akar Mogomem 19:15

Ezɨ mɨdorozir sabar ghumtɨzir mam gumazir men faragha zuir kamɨn akamɨn ikegha, azenan izi. A mɨdorozir sabar kamɨn nguibar igharazibav sogh me abɨnam. Egh a gavgavim itir ainɨn aghorimɨn suiragh egh gumazamizibagh ativamin gavgavim ikiam. Egh a, dagɨar mɨner bar ekiamɨn aven me wainɨn ovɨziba mɨrmɨri moghɨn, Godɨn Gavgaviba Bar Itimɨn anɨngagharir arazir ekiam akagham.

Efesus 5:13

Angazangarim bizibagh isiraghtɨ, da azenim girɨghtɨ, gumazamiziba fogh suam, bizir kabar mɨngariba kamakɨn.

Luk Osirizir Akar Aghuim 8:11

Iesus ua kamaghɨn mɨgei, “Kar akar isɨn zuir kamɨn mɨngarim. Witɨn ovɨzim a Godɨn akam.

Onger Akaba 139:2

Nɨ nan saghon ikia nan nɨghnɨziba ko, kɨ amir biziba ko, kɨ apia dɨkavir araziba, nɨ bar dagh fo.

Jon Osirizir Akar Aghuim 6:51

Kɨ uabɨ dagher kam, ikɨrɨmɨrir zurara itim anɨdim, Godɨn Nguibam ategha izaghirɨ. Eghtɨ gumazitam dagher kam ameghɨva, a zurara itir ikɨrɨmɨrir aghuarim iniam. Dagher kɨ a danɨngamim, a nan inivafɨzim. Kɨ kamaghsua, nguazimɨn gumazamiziba me angamɨra ikiam, kamaghɨn kɨ me bagh uan inivafɨzim anenigham.”

Aisaia 11:4

A kotɨn aven guizɨn arazir aghuimɨn gɨn mangɨ, onganarazibar mɨgɨrɨgɨaba baragh, deraghvɨra me tuisɨgham. A nguazir kamɨn itir gumazir uari abɨra aghumra itiba, a men osɨmtɨziba baragh, me tuisɨgh men akurvagham. An akam me danɨngtɨ, nguazir kamɨn gumazir kuraba, ivezir kuram iniam. A mɨkɨmtɨ, gumazir kurar akaba batoziba arɨmɨghiram.

Onger Akaba 45:3

Nɨ atrivir bar gavgavim. Nɨ adiarir bar aghuim gamizɨ nɨn ziam bar pɨn mar iti. Nɨ uan mɨdorozir sabam inigh uan oghɨriam gikegh mɨsoghsɨ gan.

Akar Mogomem 19:21

Ezɨ aningɨn mɨdorozir gumaziba, gumazir hoziam gaperazim, uan mɨdorozir sabar an akamɨn itimɨn me mɨsoghezɨ me ariaghire. Ezɨ kuaraziba bar men kuabar tuziba amegha naviba bar izefe.

Akar Mogomem 2:16

Kamaghɨn amizɨ, ia uan navibagh iragh. Puvatɨghtɨma, kɨ kɨran oveghangɨn ia bagh izɨ, egh gumazamizir kaba uan akamɨn itir mɨdorozir sabamɨn me mɨsogham.

Hibru 13:7

Ia uan siosɨn gumazamizir dapanibagh nɨghnɨgh, me fomɨra Godɨn akamɨn gun ia mɨkeme. Ia men arazir aghuiba ko men ovevem gɨnɨghnɨgh. Egh men nɨghnɨzir gavgavimɨn arazim, ia uaghan an gɨn mangɨ.

Aposel 4:31

Egha me Afeziam ko mɨkemegha gɨvazɨma, danganir me itim ivazvazima, Godɨn Duam bar moghɨra me gizɨvazɨ, me atiatir puvatɨgha Godɨn akam akuri.

Aposel 2:37

Gumazamiziba Pitan akaba barazima, da men navibagh kuizɨ, me kamaghɨn Pita ko aposelɨn igharazibav gei, “En aveghbuaba, e manmaghɨn damuam?”

Akar Mogomem 2:23

Kɨ uaghan an boribav sueghtɨ me arɨmɨghiregham. Eghtɨ siosba bar kamaghɨn fogham, kɨ bar gumazibar naviba ko nɨghnɨzibagh fogha da tuisɨsi. Egh kɨ ia amir arazibar mɨrara ivezim isɨ vaghvagh ia danɨngam.

Akar Mogomem 20:4

Ezɨ kɨ atrivir dabirabibar garima, gumazir dagh apiaghav itiba, God gumazamizibar araziba tuisɨghamin gavgavim me ganɨngi. Ezɨ kɨ gumazamizir ariaghirezibar duabar gari, da iti. Gumazamizir kaba, nɨghnɨzir gavgavim Iesusɨn ikia egha an akam akura egha pamten Godɨn akamɨn suira, ezɨ bizir kaba bangɨn, men apaniba me mɨsogha men fɨriba aghorezɨ me ariaghire. Gumazamizir kaba asɨzir atiam ko an marvir guamɨn ziam fer puvatɨgha, an ababanim uan guaba ko uan dafaribar a inizir puvatɨ. Kɨ gari, gumazamizir kaba me ua angamɨra ikia Krais Iesus ko atrivibar mɨn 1,000plan azenibar ikiam.

1 Tesalonika 5:23

God uabɨ navir amɨrizimɨn mɨngarim, a ia damightɨma ia uari isɨ bar a danɨng, egh an damazimɨn bar zuegham. Eghtɨ a ian duaba ko, mɨkarziba ko, ikɨrɨmɨriba bar moghɨra deraghvɨra dar gantɨ, da deraghvɨra ikɨva en Ekiam Krais Iesus izamin dughiamɨn ia arazir kuratam Godɨn damazimɨn bar puvatɨgham.

2 Korin 4:2

E aghumsɨzir arazir gumazamiziba mogava amiba, e akɨrim ragha dagh asara. E ifavarir arazibagh amir puvatɨ. Egha e Godɨn akam gɨrazɨ, a igharagha otozir puvatɨ. E Godɨn guizɨn akam azenarama anekuri, eghtɨ gumazamiziba bar uan navir averiabar aven en araziba tuisɨgham. Egh me kamaghɨn fogham, e ingangarir bar aghuim Godɨn damazimɨn a gami.

Aghuzir Akaba 5:4

Eghtɨ nɨ an mɨgɨrɨgɨabar gɨn mangɨghɨva, gɨn an akabagh nɨghnɨghtɨ da bar nɨn ikuvigham. Amizir kamɨn akaba mati nɨ marasinɨn mɨsozim ame. Egha a uaghan mati mɨdorozir sabamɨn mɨn nɨ ginifi.

Jems 1:18

God kamaghsua, a biziba bar dar ingari, egha e gamizɨ e bar adar faragh mangam. Kamaghɨn God uabɨ uan ifongiamɨn gɨn ghuava en Afeziamɨn oto, a uan guizɨn akamɨn e gamizɨma e otifi.

Fofozir Gumazim 12:11

Fofozir gumazimɨn akaba mati aghorim, me anemɨnezɨ a ghumi. Aghorir kam, mati sipsipbar garir gumazim an suiragha sipsipbagh eghuva tuavim dar akakasi. Egha fofozir gumazim akar aghuiba akumakua akɨnafarimɨn aven da osiri, eghtɨ akar kaba bar dughiar ruarimɨn ikiam, mati dɨkoniba me palang gafuzɨ da gavgafi. God bar en garir gumazim, egha akar kaba e ganɨngi.

2 Korin 2:17

Ezɨ e gumazamizir mabar mɨn amir puvatɨ, me danganiba bar dagh aruava Godɨn akam mɨgɨa, mati me dagɨaba bagha biziba amadi. God uabɨ ingangarir kam e ganɨngizɨ e ifarir puvatɨ, e guizbangɨra mɨgei. E Krais ko porogha, Godɨn damazimɨn deravɨram an akaba akuri.

Onger Akaba 110:2

Ikiavɨra Itir God nɨ damightɨ, nɨ Saionɨn nguibamɨn ikɨ gavgavir ekiam ikɨ nguibar avɨribagh ativagh dar ganam. God ghaze, nɨ uan apanibagh ativagham.

1 Korin 1:24

Ezɨ e gumazamizir God diaziba, Juda ko Kantrin Igharazibar Gumazamiziba uaghara, e fo, Kraisra a Godɨn gavgavim ko Godɨn fofozim.

Aposel 5:33

Judan kotɨn aven itir gumaziba kamaghɨn aposelbar akam baregha, men naviba me bagha bar ikufi. Egha me mɨsueghtɨ me aremeghasa nɨghnɨsi.

Jon Osirizir Akar Aghuim 12:48

Ezɨ gumazim akɨrim na gasara egha nan akam inizir puvatɨ, a kot iti, eghtɨ jas a tuisɨgham. Akar kɨ mɨkemezim, a nguazim gɨvaghamin dughiamɨn an an araziba tuisɨgham.

Aposel 7:38

Ezɨ Israelia gumazamiziba puvatɨzir danganimɨn uari akuvagha itima a me ko iti, a Sainaian mɨghsɨamɨn ghuavanabozɨ ensel a mɨkeme. Ezɨ an akar angamɨra itir ikɨrɨmɨrim e danɨngasa, a ini.

Efesus 5:26

Krais kamaghɨn ifonge, an akamɨn tuavimɨn, a uan sios dɨpamɨn a rueghtɨ a Godɨn damazimɨn zuegham.

Gumazir Dapaniba 3:16

Ehut faragha ua bagha mɨdorozir sabar ghumtɨzir pumuning itir mamɨn ingarigha, an mɨriamning vɨraram aning amɨne. Mɨdorozir sabar ghumtɨzir pumuning itir kamɨn ruarim 50 sentimitan tu. Egha dughiar an Atrivim Eklon bagha mangasava amimɨn, a mɨdorozir sabar ghumtɨzir pumuning itir kam isa uan agharir guvimɨn apengan buar akɨrimɨn korotiar ruarimɨn aven a modo.