Hibru 2:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Godɨn Otarim ziar ekiam isi, kamaghɨn amizɨ, akar e oraghizir kamnagh, e bar mɨghvɨram an suiragham. E ireghan koghsɨ, e akar kam deraghvɨra an suiragh gavgavigh ikiam.

Godɨn Akar Aghuim; Akar Dɨkɨrɨzir Gavgavir Igiam

¹ Godɨn Otarim ziar ekiam isi, kamaghɨn amizɨ, akar e oraghizir kamnagh, e bar mɨghɨvɨram an suiragham. E ireghan koghsɨ, e akar kam deraghvɨra an suiragh gavgavigh ikiam.

Hibru 2:1 ပူးပေါင်းရင်းမြစ်များ

Luk Osirizir Akar Aghuim 8:15

Ezɨ witɨn ovɨzir nguazir aghuim gireziba mati, gumazamizir Akar Aghuim baraghiziba, me a inigha uan navir averiabagh atɨgha dar suiragha gavgavigha ikia, dagher aghuiba otifi.”

Godɨn Araziba 4:9

Ia nguazir kamɨn itir dughiam, ia uari bagh deraghvɨra gan, egh bizir ganigha gɨvaziba ia zurara dughiabar da bakɨnɨghnɨghan markɨ. Bar markiam. Ia dar uan boriba ko ovavir boribagh eghan mangɨvɨra ikɨ.

2 Pita 3:1

Nan roroaba, kar nan namba 2ɨn akɨnafarim kɨ datɨrɨghɨn ia bagha an osiri. Kɨ kamaghɨn ifonge, akɨnafarir kɨ osirizir kamning, ian nɨghnɨziba uam a da feghtɨ, ia ua bizir kabagh nɨghnɨghvɨra ikiam, egh ian nɨghnɨziba bar deravɨra ikiam.

2 Pita 1:15

Kamaghɨn amizɨ, kɨ bar deragh ia mɨkɨmasa. Kɨ gɨn oveghtɨ, ia dughiabar zurara bizir kɨ ia mɨkemezir kabagh nɨghnɨghvɨra ikiam.

Aghuzir Akaba 3:21

Nan borim, nɨ bar deragh gan, egh uan nɨghnɨzir aghuim ko tuaviba tuisɨzir arazimɨn suiragh gavgavigh, egh tuavir aghuimɨn gɨn mangɨ. Nɨ aning ataghɨraghan markɨ.

Onger Akaba 119:9

Gumazir igiam, a tuavir manamɨn Godɨn damazimɨn zuegham? A nɨn akamɨn suiragh gavgavigh an gɨn mangɨ, egh zuegham.

1 Eghaghaniba 22:13

Solomon, nɨ deravɨra uabɨ geghuv, egh Ikiavɨra Itir God Israelia e bagha Moses ganɨngizir arazir a ifongeziba, ko bizir a damuasa e mɨkemezibar gɨn mangɨtɨ, bizir nɨ damuamiba deravɨram otivam. Nɨ mɨtɨgh bar gavgavigh, egh atiatingan markɨ. Nɨ bizitam ateghtɨ, a nɨ damutɨ nɨ dɨgavir kuram damigh puram onganan markɨ.

Hibru 12:5

God gavgavim ian navibar anɨngasa, ia ganɨngizir mɨgɨrɨgɨaba, ia ti da bakɨnɨghnɨghiz, o? A ia dɨbora ghaze, ia an boribara, egha ghaze: “Nan boriba, ia fo, gumazamizir Ekiam ifongeziba a me akɨrmɨsi. A gumazitam inigh uan borimɨn mɨn a dɨponɨva, egh uaghan a fozorogham. Kamaghɨn amizɨ, Ekiam nɨ akɨrsɨ bizitam nɨ damightɨ, nɨ kamaghɨn nɨghnɨghan markɨ, kar pura bizim. Egh nɨ uaghan osɨman markɨ.”

Mak Osirizir Akar Aghuim 8:18

Ia damaziba ikia, garir puvatɨ? Ia kuariba ikia, orazir puvatɨ? Ia bizir kabagh nɨghnɨzir puvatɨ?

Matyu 16:9

Ia ti fozir puvatɨ? Ia ti okɨnɨghnɨki, kɨ bretɨn 5pla inigha gumazir 5,000pla dagheba me ganɨngi. Me amezɨ, ia akɨraba manmaghɨn dagh aghui, ia dagh nɨghnɨghavɨra iti, o puvatɨ?

Godɨn Araziba 4:23

Ia deraghvɨra uari bagh gan, egh Akar Dɨkɨrɨzir Gavgavir Ikiavɨra Itir God, ian God ia koma amizir kam bakɨnɨghnɨghan markɨ. Ia an akabar gɨn mangɨ egh uari bagh asebar marvir guabar ingaran markɨ.

Habakuk 2:16

Kamaghɨra Ikiavɨra Itir God ian ziar ekiam abɨraghtɨma, ia bar aghumsigham. A ivezir kuram ia danɨngam, mati a uabɨ ia gamima, ia uari wainɨn dɨpar avɨriba apa bar ongani. Egh gumaziba ian gantɨ ia bibiabara ikɨtɨ, ian ziar ekiam degeghirɨghtɨ, ia bar aghumsigham.

Luk Osirizir Akar Aghuim 9:44

“Ia deraghvɨra na baraghtɨ, kɨ bizitam ia mɨkɨmasa. Me Gumazamizibar Otarim isɨ gumazir kurabar dafarim darɨgham.”

Habakuk 1:6

Ia oragh! Kɨ Babilonia damightɨ me gumazamizir bar gavgavibar otivigham. Gumazamizir kaba, me gumazamizir bar kuraba, me uaghan mɨsozir gumazamiziba. Egha me datɨrɨghɨn pura tintinibar kantribar ghua, gumazamizir igharazibar dɨpeniba isa, me dɨkabɨri.

Jon Osirizir Akar Aghuim 8:59

Ezɨ me a ginivasa dagɨaba isi. Ezɨ Iesus uabɨ modogha egha Godɨn Dɨpenimɨn mɨriam ategha azenan ghu.