Hibru 12:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

^5-6 God gavgavim ian navibar anɨngasa, ia ganɨngizir mɨgɨrɨgɨaba, ia ti da bakɨnɨghnɨghiz, o? A ia dɨbora ghaze, ia an boribara, egha ghaze: “Nan boriba, ia fo, gumazamizir Ekiam ifongeziba a me akɨrmɨsi. A gumazitam inigh uan borimɨn mɨn a dɨponɨva, egh uaghan a fozorogham. Kamaghɨn amizɨ, Ekiam nɨ akɨrsɨ bizitam nɨ damightɨ, nɨ kamaghɨn nɨghnɨghan markɨ, kar pura bizim. Egh nɨ uaghan osɨman markɨ.”

Godɨn Akar Aghuim; Akar Dɨkɨrɨzir Gavgavir Igiam

^5-6 Ia ti God ian naviba gavgavim dar anɨngasa ia ganɨngizir mɨgɨrɨgɨaba da bakɨnɨghnɨghiz, o? A ia dɨbora ghaze, ia an boribara, egha ghaze, “Nan boriba, ia fo, Ekiam gumazir a ifongeziba a me akɨrmɨsi. Egh a gumazitam inigh egh uan borimɨn mɨn a dɨponɨva, egh uaghan a fozorogham. Kamaghɨn, Ekiam nɨ akɨrsɨ bizitam nɨ damightɨma, eghtɨ nɨ kamaghɨn nɨghnɨghan markɨ, kar pura bizim. Egh uaghan osɨman markɨ.”

Hibru 12:5 ပူးပေါင်းရင်းမြစ်များ

Akar Mogomem 3:19

“Gumazamizir kɨ ifongeziba, kɨ men atar men arazibar kɨram. Kamagh amizɨ, ia uan araziba akɨrsɨ gavgavigh uan navibagh iragh.

1 Korin 11:32

Ekiam kamaghɨn ifonge, e nguazimɨn itir gumazamiziba ko ovengan kogham. Egha kamaghɨn a en arazir kuraba akɨrasa osɨmtɨziba e ganɨdi.

Onger Akaba 94:12

O Ikiavɨra Itir God, nɨ uan Akar Gavgavimɨn gumazitamɨn sure damightɨ, gumazir kam bar akuegham.

Jems 1:12

Gumazim osɨmtɨziba aterɨva, egh uaghan osɨmtɨziba bar dar aven tugh gavgavigh, uan nɨghnɨzir gavgavim ateghan koghtɨ, God ivezir aghuim a danɨngtɨma a zurara itir ikɨrɨmɨrir aghuim iniam. Ivezir aghuir kam, God akar dɨkɨrɨzim gamua ghaze, gumazir bar a gifongeziba, a me danɨngam. Kamaghɨn, gumazir kam bar akongegh.

Onger Akaba 119:109

Kɨ uabɨ zurara atam ovia taghɨrasi. Ezɨ nɨn Arazim, kɨ a bakɨnɨghnighan kogham.

Jeremaia 31:18

“Kɨ Efraimɨn adarazir azir akam baregha gɨfa. Me azia kamaghɨn mɨgei: ‘Ikiavɨra Itir God, nɨ e akɨrasa, mɨzazim e ganɨngi, mati gumazim bulmakaun igiar orazir puvatɨgha akaba batozim mɨsosi. Ikiavɨra Itir God, nɨrara en God, kamaghɨn nɨ ua e ateghtɨ, e uamategh nɨ bagh izam.

Onger Akaba 119:75

O, Ikiavɨra Itir God, kɨ fo bizir nɨ damuasa mɨkemeziba da bar guizbangɨra. Nɨ bar na gifuegha, nan araziba akɨrmɨghasa osɨmtɨzim na ganɨngi.

Onger Akaba 118:18

Kɨ fo, Ikiavɨra Itir God nan arazir kuraba akɨrasa mɨzazir ekiam na gase, egha na ataghizɨ kɨ aremezir puvatɨ.

Hibru 12:7

Ia tuivigh gavgavigh, egh Godɨn amamangatɨghtɨ a ia akɨrmɨgh. Osɨmtɨzim ia batoghtɨ ia kamaghɨn fogh, mati afeziam uan boribagh amir arazimra, God uaghan ia gami. Borir manatam itima an afeziam ti anekɨrɨmɨzir pu? Puvatɨ.

Aghuzir Akaba 3:1

Nan borim, kɨ nɨn sure damuamin akar gavgavir kam nɨ a bakɨnɨghnɨghan markɨ. Nɨ zurara a gɨnɨghnɨgh a damu.

Aghuzir Akaba 4:5

Nɨ nɨghnɨzir aghuim ko fofozir aghuiba inigh. Egh nɨ nan akam batogh a bakɨnɨghnɨghan markɨ.

Onger Akaba 119:83

Kɨ memen nir me dɨpaba tuasa isamizir ghurimɨn mɨn ikuvizɨ, me a makuni. Ezɨ arazir nɨ ifongeziba, kɨ dar suiraghavɨra iti.

Onger Akaba 119:16

Nɨ ifongezir araziba, kɨ dar gɨn mangasa bar akonge. Egh da gɨn amangan kogham.

Jopɨn Akɨnafarim 34:31

“Ian tinara orazi Jop kamaghɨn God mɨkeme, ‘God osɨmtɨziba na garɨzima kɨ da ateri, egh kɨ uam arazir kuratam damighan kogham.

Luk Osirizir Akar Aghuim 24:6

A kagh itir puvatɨ; a ua dɨkafi! A ia ko Galilin ikia mɨkemezir bizim, ia a gɨnɨghnɨgh,

Luk Osirizir Akar Aghuim 24:8

Ezɨ a mɨkemezir akaba, me dagh inɨrɨ.

Onger Akaba 119:67

Kɨ fomɨra tɨghar mɨzaziba iniamin dughiam, kɨ nɨn gɨn zuir tuavim ataki. Kɨ datɨrɨghɨn nɨn akaba baragha dar gɨn zui.

Galesia 6:9

Egh e ingangarim damusɨ amɨrvaghan kogh, dagheba iniamin dughiamɨn, e dagher bar aghuiba iniam. Kamaghɨn e arazir aghuibar amusɨ amɨrvaghan kogham.

1 Timoti 1:20

Ezɨ men tongɨn Himeneus ko Aleksander kamaghɨn ami. Ezɨ kɨ kamaghɨn ifonge, aning ua Godɨn ziam gasɨghasɨghan markiam. Aning kamaghɨn foghasa, kɨ aning isa Satanɨn agharim gatɨ.

Hibru 13:22

Nan adarasi, akar kɨ ia bagha osirizir kam, a ruarazir puvatɨ. Kamaghɨn amizɨ, ia nɨmɨra ikɨ, egh akar kɨ gavgavim ian navibar anɨngasa osirizir kam, ia deravɨram a baragh.