Hibru 11:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ E nɨghnɨzir gavgavim ikia, egha e fo, God uan akamɨn overiam ko nguazim ingarizɨ da otifi. Ezɨ kamaghɨn, e garir biziba, God bizir e ganighan koghamiba, bar dar ingari.

Godɨn Akar Aghuim; Akar Dɨkɨrɨzir Gavgavir Igiam

³ E nɨghnɨzir gavgavim ikia, egha e fo, God uan akamɨn overiam ko nguazim ingarizɨ da otifi. Ezɨ kamaghɨn, e garir biziba, God bizir e ganighan koghamimɨn, bar dar ingari.

Hibru 11:3 ပူးပေါင်းရင်းမြစ်များ

Onger Akaba 33:6

Ikiavɨra Itir God fomɨra mɨkemezɨ, aruem ko iakɨnim ko mɨkoveziba, ko overiamɨn pɨn itir biziba bar otivigha iti.

2 Pita 3:5

Me bizir kam gɨfogha, a gɨnɨghnɨghan aghua. Fomɨra God mɨkemezɨ overiam ko nguazim oto. Ezɨ God dɨpabav kemezɨ da iraghuezɨ nguazim oto. Ezɨ God dɨpamra nguazimɨn ingari.

Jon Osirizir Akar Aghuim 1:3

Ezɨ Akar kamɨn, God biziba bar dar ingarizɨma, da otifi. Ezɨ bizitam tuavir igharazitamɨn otozir puvatɨ. Akam uabɨ bizibagh amizɨma, da otifi.

Akɨnafarir Pol Romɨn Nguibar Ekiamɨn Itir Sios Bagha Osirizim 4:17

Kamaghɨn amizɨ Godɨn Akɨnafarim kamaghɨn mɨgei, “Kɨ nɨ damightɨ nɨ kantrin avɨribar afeziamɨn otogham.” Akar dɨkɨrɨzir kam, God uabɨ a gamizɨ an an damazimɨn gavgafi. Godɨn kamra, Abraham nɨghnɨzir gavgavim an iti. Egha Godɨn kamra, a gumazamizir ovengezibagh amima me ua dɨkafi, egha a pura mɨgeima bizir faragha itir puvatɨziba, da otifi.

Aposel 17:24

“Godɨn mam iti, a nguazir kam ko an itir biziba bar dar ingari, anarɨra overiam ko nguazimɨn Ekiam. Egha a gumaziba dafaribar ingarir dɨpenibar itir puvatɨ.

Akar Mogomem 4:11

“Nɨ en Ekiam, en God. Nɨ biziba bar dar ingari. Egha nɨ uan ifongiamɨn, biziba bar dar ingarizɨma da otifi, ezɨ datɨrɨghɨn biziba bar iti. Kamaghɨn amizɨ, nɨrara e uari nɨn torogha nɨn ziam bar pɨn anetɨ. Gumazamiziba bar nɨ bagh bar akuegh, egh nɨn ziam fɨva, nɨn gavgavimɨn apengan ikiam.”

Hibru 1:2

Ezɨ datɨrɨghɨn dughiar kam, kar dughiar abuananaba, God e mɨkɨmasa uan akam isa uan Otarim ganɨngi. God biziba bar da iniasava Otarir kam amɨsefe. Otarir kamɨn agharimɨn, God fomɨra overiam ko nguazimɨn ingari.

Jeremaia 10:11

“Israelia, ia kamaghɨn nɨghnɨzir gavgavim Godɨn itir puvatɨzir gumazamizibav kɨm, ‘Ian aseba overiam ko nguazimɨn ingarizir puvatɨzɨ, da ua nguazim ategh an ikian kogham, egh overiamɨn apengan ikian kogham.’ ”

Jenesis 1:1

Bar faraghavɨra God overiam ko nguazimɨn ingarigha aningɨn itir biziba bar dagh amizɨma, da otifi.

Aisaia 40:26

Ia pɨn overiamɨn gan! Tinara mɨkoveziba ko overiamɨn itir bizibar ingarizɨ, da otifi? Bizir kaba, Godɨn mɨdorozir gumazibar mɨn iti. A ziaba dagh arɨgha dar pone. An adar dɨbobonim gɨfogha, vaghvagha dar ziabagh fo. A gavgaviba bar iti, kamaghɨn amizɨ, bizir pɨn itir katam ovengan kogham.

Aposel 14:15

“Maia! Gumazamiziba, ia tizim bagha arazir kam gami? Ga pura gumazir kɨnimning, egha uaghan ian mɨrara gari. Ga kamaghsua Akar Aghuir kam ia mɨgei. Ia pura bizir kɨnir kabar ziaba fan markɨ. Ia uari isɨ Ekiam danɨng, an Angamɨra Itir God. A Godɨn overiam ko nguazim ko ongarimɨn ingarizim, egha dar itir biziba bar adar ingari.

Jeremaia 10:16

Ezɨ Ikiavɨra Itir God, a Jekopɨn ovavir boribar God, a uabɨ biziba bar adar ingari. Egha bizir kabar mɨn garir puvatɨ. A Israelia amɨsevezɨ me an adarazira iti. An ziamra kara: Ikiavɨra Itir Godɨn Gavgaviba Bar Itim.

Onger Akaba 33:9

A mɨkemezɨ nguazir kam puram oto. An Akar Gavgavim mɨkemezɨ, biziba bar nguazir kamɨn otifi.

1 Korin 2:7

Fofozir aghuir e ia ganɨdir kam, a Godɨn nɨghnɨzir mogomem. Fomɨra, God tɨghar nguazimɨn ingaramin dughiamɨn, a uan fofozir aghuimɨn a kamaghɨn ifonge, e an Nguibamɨn ikɨ, ziar ekiam ko dabirabir aghuim a ko a iniam. Ezɨ dughiar kamɨn ikegha iza datɨrɨghɨn an fofozir aghuir kam en modo.

1 Timoti 4:5

E fo, e daghebar amɨsɨ, e God ko mɨgeir arazim ko Godɨn akamɨn gun mɨgeir arazim damutɨ, God arazir kamɨn daghebar amutɨ, da Godɨn bizibar mɨraram otogham.