Hibru 10:30 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁰ Ezɨ e fo, God kamaghɨn mɨkeme, “Arazir kuraba ikarvaghamin ingangarim, ka nan bizim. Kɨ uabɨ men arazir kuraba ikarvagh egh ivezir kuraba me danɨngam.” Egha ua kamaghɨn mɨgei, “Ekiam uabɨ uan gumazamizibar araziba tuisɨgham.”

Godɨn Akar Aghuim; Akar Dɨkɨrɨzir Gavgavir Igiam

³⁰ Ezɨ e fo, God kamaghɨn mɨkeme, “Arazir kuraba ikarvaghamin ingangarim, ka nan bizim. Kɨ uabɨ men arazir kuraba ikarvagh egh ivezir kuraba me danɨngam.” Egha ua kamaghɨn mɨgei, “Ekiam uabɨ uan gumazamizibar araziba tuisɨgham.”

Hibru 10:30 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 12:19

Nan namakar aghuiba, me arazir kuram ia damightɨ, ia men arazir kuram ikarvaghan markɨ. Ia teghtɨ, God uabɨ uan anɨngagharimɨn tuavimɨn me ikarvagham. Ia fo, Godɨn Akɨnafarimɨn aven en Ekiam kamaghɨn mɨgei, “Arazir kuraba ikarvaghamin ingangarim, kar nan bizim. Kɨ uabɨ men arazir kuraba ikarvagh egh ivezir kuraba me danɨngam.”

Nahum 1:2

Ikiavɨra Itir God uabɨra God, a gumazamiziba ateghtɨ, me asebar ziaba fan kogham. An akam batozir gumazamiziba, a mɨzazim me ganɨdi. Ikiavɨra Itir God, a uan apanibar anɨngagha, men arazir kuraba ikarvagha ivezir kuram me ganɨdi.

Onger Akaba 50:4

An overiam ko nguazimɨn diazɨ, aning izɨ uaghan ikɨ gantɨ, a guizɨn arazimɨn gɨn mangɨ uan gumazamizibar araziba tuisɨgham.

2 Korin 5:10

Guizbangɨra, e bar moghɨra Kraisɨn kotɨn otivightɨ, an en araziba tuisɨgham. Dughiar e nguazimɨn inivafɨzimɨn aven itim, e arazir aghuibagh ami, o arazir kurabagh ami, eghtɨ kotiamɨn dughiam e bar vaghvagh uan arazir amizibar ivezim iniam.

Onger Akaba 135:14

Ikiavɨra Itir God, uan gumazamizibar araziba tuisɨgh, egh suam, me osɨmtɨziba puvatɨ. Egh a uan ingangarir gumazibar kuarkuvam.

Onger Akaba 96:13

Ia bar moghɨra izɨ, Ikiavɨra Itir Godɨn damazimɨn ighiam damu. A izɨ nguazimɨn gumazamiziba bar me gativagh men ganam. Ikiavɨra Itir God, uan arazir aghuimɨn gɨn mangɨ, gumazamiziba bar me gativagh, uan guizɨn akamɨn men araziba tuisɨgham.

Akɨnafarir Pol Romɨn Nguibar Ekiamɨn Itir Sios Bagha Osirizim 13:4

E fo, gavman a mati Godɨn ingangarir gumazim, egha arazir aghuibar ian akurvaghasa ingari. Ia arazir kuram damigh gavmanɨn atiating. Ia fo, gumazamizibagh asɨghɨsɨghamin ingangarim ko gavgavim, gavmanɨn dafarimɨn iti, a puram aningɨn suirazir puvatɨ. A Godɨn ingangarir gumazim, ia te arazir kuram damightɨ, a ian arazir kuramɨn ivezim ia danɨngam.

Aisaia 61:2

A kamaghɨn akam akunasa na mɨkemegha na amada: Ikiavɨra Itir God gumazamizibagh ifongezir dughiam, an otogha gɨfa. Dughiar kamɨn, God ivezir kuram isɨ men apanibar anɨngam. Egha, a gumazamizir osemegha aziba, gavgavim men navibar anɨngasa na amada.

Onger Akaba 98:9

Ikiavɨra Itir God izɨ nguazim gativagh an ganam. An atrivimɨn ikɨ, guizɨn arazimɨn gumazamizibar araziba tuisɨgham. Kamaghɨn amizɨ, ia a bagh bar akuegh onger akabar amu.

Esekiel 18:30

“Kɨ Ikiavɨra Itir Godɨn Ekiam, kɨ kamaghɨn ia mɨgɨa ghaze, O Israelɨn ikɨzimɨn gumazamiziba, kɨ vaghvagh bar ian araziba tuisɨgham. Kamaghɨn amizɨ, ia navibagh iragh, ia amir arazir kuraba ategh, akɨrim ragh dagh asaragh. Eghtɨ ian arazir kuraba ia gasɨghasɨghan kogham.

Esekiel 34:17

Kɨ Ikiavɨra Itir Godɨn Ekiam, kɨ kamaghɨn mɨgei: Kɨ vaghvagh ian araziba tuisɨgham, egh kɨ sipsipba vongɨn dar arɨgh, memeba vongɨn dar arɨgham.

Aisaia 63:4

Kɨ uan navir averiamɨn aven uan gumazamizibar apaniba ikarvagh, me gasɨghasɨghamin dughiam gɨnɨghnɨghavɨra iti. Ezɨ datɨrɨghɨn dughiar kɨ ua gumazamiziba iniamim otogha gɨfa.

Aisaia 59:17

An arazir aghuir a zuraram amiba, evarimɨn pɨzir korotiamɨn mɨn aneru. Egha a gumazamizibar akurvaghamin gavgavim gɨnɨghnɨgha, an nɨghnɨzir kam mati a dapanir asuar gavgavimɨn mɨn aneruzɨ, an an dapanim ave. Egha gumazir kuraba ivezir kuram me ikarvaghamin gavgavim, uan mɨdorozir korotiamɨn mɨn aneru. Egha uan anɨngagharir ekiam, korotiar ruarimɨn mɨn aneru.

Onger Akaba 94:1

Ikiavɨra Itir God, nɨ gumazamizir kurabar araziba ikarvazir God. Nɨ datɨrɨghɨn uan anɨngagharim men akagh.

Ofa Gami 19:18

Nɨn namakatam arazir kuratam nɨ damightɨ, nɨ an arazim ikarvaghan markɨ, egh nɨ an ataran markɨ. Nɨ uabɨra uabɨ gifongezɨ moghɨn, nɨ gumazamizir igharazibagh ifongegh. Kɨ Ikiavɨra Itir God, kɨ kamaghɨn mɨkemegha gɨfa.

1 Samuel 25:26

Nɨ oragh. Ikiavɨra Itir God uabɨ nɨ gamizɨ gumazir nɨn apanim gamiba, nɨ uabɨ me mɨsoghezir puvatɨ. Puvatɨzɨ, men ghuzibar osɨmtɨzim nɨn ikiam. Ezɨ Ikiavɨra Itir Godɨn zurara itimɨn ziamɨn, kɨ guizbangɨra pamtemɨn mɨgɨa ghaze, mɨzazir God Nabal danɨngamim, a uaghan nɨn apaniba kamaghɨra me damuam.

1 Samuel 26:10

Egha Devit ua kamaghɨn mɨgei, “Ikiavɨra Itir Godɨn zurara itimɨn ziamɨn, kɨ kamaghɨn nɨ mɨgei, Ikiavɨra Itir God, uabɨ Solɨn mɨsuegham, o Sol uabɨ uan dughiamɨn aremegham, o an apaniba mɨdorozir tamɨn a mɨsueghtɨ an aremegham.