Hibru 1:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Bizir kaba bar gɨvagham, eghtɨ nɨ ikɨvɨra ikiam. Overiam ko nguazim, aning bar ikuvigham, mati inim ghurigha bar bɨaghire.

Godɨn Akar Aghuim; Akar Dɨkɨrɨzir Gavgavir Igiam

¹¹ Bizir kaba bar gɨvagham, eghtɨ nɨ ikɨvɨra ikiam. Overiam ko nguazim, aning bar kuvigham, mati inim ghurigha bar bɨaghire.

Hibru 1:11 ပူးပေါင်းရင်းမြစ်များ

Aisaia 51:6

Ia kogh pɨn overiamɨn ganɨva, egh vɨn nguazimɨn gan! Overiar kam, mɨgharimɨn mɨn mangɨgh gɨvagham, eghtɨ nguazim, inimɨn mɨn bɨghiregh gɨvagham. Eghtɨ gumazamiziba, itibar mɨn pura tintinibar bar arɨghiregham. Ezɨ nan arazir gumazamizibar akurvagha ua me isim, a zurara ikɨ gɨvaghan kogham.

Mak Osirizir Akar Aghuim 13:31

Overiam ko nguazim gɨvagham, eghtɨ nan mɨgɨrɨgɨaba gɨvaghan kogham.”

Aisaia 34:4

Aruem ko, iakɨnim ko mɨkoveziba bar moghɨra kuarigh iregh gɨvagham. Eghtɨ overiam mati akɨnafarim me a irigha a nomke. Mɨkoveziba ko bizir overiamɨn ikia isiba, mati wainɨn ikarɨzibar dafarir mɨdiariba ko fighɨn temebar ovɨzir mɨdiariba, mɨsigha ira nguazim girezɨ moghɨn nguazim giram.

Akar Mogomem 21:1

Ezɨ kɨ datɨrɨghɨn overiar igiam ko nguazir igiamɨn gari, aning iti. Overiar ghurim ko nguazir ghurim, aning bar moghɨra arav ghugha ua itir puvatɨ. Ezɨ ongarim uaghan ua itir puvatɨ.

Luk Osirizir Akar Aghuim 21:33

Overiam ko nguazim gɨvagham, eghtɨ nan mɨgɨrɨgɨaba gɨvaghan kogham.”

Matyu 24:35

Overiam ko nguazim gɨvagham, eghtɨ nan mɨgɨrɨgɨaba gɨvaghan kogham.”

Hibru 12:27

God dughiatam uam a damuasa mɨkeme, kamaghɨn e fo, God nguazim ko overiam gɨnobaghtɨ mɨkɨmkɨzim aning batoghtɨma, bizir a ingariziba ua ikian kogham. Eghtɨ bizir akongan koghamiba, darara ikɨvɨra ikiam.

Aisaia 65:17

Ikiavɨra Itir God kamaghɨn mɨgei, “Ia ganigh! Kɨ overiar igiam ko nguazir igiamɨn ingarasava ami. Eghtɨ gumazamiziba ua fomɨram otivizir bizibagh nɨghnɨghan kogham. Guizbangɨra, ia bar da bakɨnɨghnigham.

Onger Akaba 90:2

Nɨ tɨghar mɨghsɨaba ko nguazir kamɨn ingaram, nɨ Godɨn ikia kamaghɨra iti. Nɨ uaghan gɨn ikɨ kamaghɨra ikiam.

Onger Akaba 10:16

Ikiavɨra Itir God atrivimɨn ikɨ mamaghɨra ikiam. Egh a uan nguazimɨn, Kantrin Igharazibar Gumazamizir kuraba batueghtɨ, me bar moghɨra gɨvagham.

Akar Mogomem 20:11

Egha kɨ atrivir dabirabir ghurghurir ekiamɨn garima a iti, ezɨ gumazir a gapiaghirim, kɨ an garima a iti. Ezɨ nguazim ko overiam aning arav ghu, eghtɨ gumazitam uam aningɨn ganan kogham.

Akar Mogomem 2:8

Gumazir kam ua kamaghɨn mɨgei, “Nɨ Smernan nguibar ekiamɨn itir siosɨn garir ensel bagh akataba osirigh. Akar kaba kamakɨn: “Kɨ gumazir bar faraghavɨra ikia, egh abuan ikɨvɨra ikiamim. Kɨ fomɨram areme, egha ua dɨkavigha datɨrɨghɨn kɨ angamɨra iti. Egha kɨ nɨ bagha akar kam amadazɨma a izi.

Akar Mogomem 1:11

Tiarir kam kamaghɨn mɨgei, “Bizir nɨ garir kaba bar, nɨ akɨnafarimɨn ada osirigh, egh 7plan siosba bagh da amangigh. Siosɨn Efesusɨn nguibamɨn itim, ko Smernan nguibamɨn itim, ko Pergamum ko Taiataira ko Sardis ko Filadelfia ko Laodisian nguibamɨn itiba.”

Aisaia 50:9

Ia gan! Ikiavɨra Itir God, nan Ekiam, a uabɨra nan akurvasi. Ezɨ ua tina na mɨkɨm suam, kɨ arazir kuram iti? Puvatɨ. Akaba na gasi darasi, me mati korotiaba barareba da api, da okozokoregha bar ikuvizɨ moghɨn, me bar moghɨra ikuvigham.

Aisaia 41:4

Tinara bizir kabagh amizɨ da otifi? Kɨ Ikiavɨra Itir Godra, kɨ dagh ami. Kɨ nguazim gamizɨ an otozir dughiamɨn, kɨ zurara bizibagh amima, da nan ifongiamɨn nguazir kamɨn otifi. Kɨ Ikiavɨra Itir God, kɨ bar faraghavɨra iti. Egh kɨ ikɨvɨra ikɨ mangɨ bar gɨn dughiar abuananamɨn, uaghan ikiam.

Onger Akaba 29:10

Ikiavɨra Itir God uan atrivir dabirabim gaperagha ongarir konibagh ativagha dar gari. A en atrivimɨn ikia, egh mamaghɨra ikiam.

Aisaia 51:8

Barareba inim apa bar anegɨvazɨ moghɨn, me bar gɨvagham. Eghtɨ nan arazir gumazamizibar akurvagha ua me isim, gɨvaghan kogham. Bar puvatɨ. A zurara ikɨ mamaghɨra ikiam.”

Aisaia 44:6

Ikiavɨra Itir God, a Israelian atrivim, a men Akurvazir Gumazim, a Ikiavɨra Itir Godɨn Gavgaviba Bar Itim, A kamaghɨn mɨgei, “Kɨ Ikiavɨra Itir God, kɨrara kɨ bar faraghavɨra ikia, egh bar gɨn ikɨva abuan ikɨvɨra ikiam. Ezɨ godɨn tam ua itir puvatɨ. Kɨrara, kɨ God.

Onger Akaba 102:26

Overiam ko nguazim bar ikuvigh gɨvagham, eghtɨ nɨ zurara ikiam. Guizbangɨra, aning bar ikuvigham, mati inim ghurigha bar bɨaghire. Nɨ aning damightɨ aning gɨvagham, mati gumazim korotiar ghurim suegha a makuni. Eghtɨ aning bar gɨvagh ua ikian kogham.

Hibru 8:13

Akar Dɨkɨrɨzir Gavgavir Igiar kam, God an gun mɨgɨa egha maghɨra Akar Dɨkɨrɨzir Gavgavir faragha zuim gamizɨma a ghurigha bar gɨfa. E fo, bizitam ghurighɨva a bar dughiar otevimɨn ikegh bar gɨvagham.