Fofozir Gumazim 8:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Egh nɨ atrivim ko ikɨ zuamɨram anetaghɨraghan markɨ. Egh nɨn akaba ko atrivimɨn akaba uariv soghtɨ, nɨ akaba gavgavan markɨ. Nɨ kamaghɨn fogh, atrivim nɨ bareghan kogham, a uan ifongiamɨn gɨn mangam.

Fofozir Gumazim 8:3 ပူးပေါင်းရင်းမြစ်များ

Fofozir Gumazim 10:4

Eghtɨ nɨn gumazir dapanim nɨn atartɨ, nɨ uan ingangarim ataghɨraghan markɨ. A fogh suam, nɨ osɨmtɨzim iti. Egh nɨ nɨmɨra ikɨtɨ, a nɨn arazir kuram gɨnamadagham.

Daniel 5:19

A gavgavir bar ekiam iti, kamaghɨn amizɨ, nguibaba bar dar gumazamiziba ko, kantriba bar dar gumazamiziba ko, nguibabar akaba bar, me an atiatigha egha nɨsi. Eghtɨ a gumazitam mɨsueghtɨ an aremeghsɨ an aremegham. Eghtɨ a gumazitam ateghtɨ a ikɨsɨ, a ikiam. Egha a kamaghɨn ami, a gumazitamɨn ziam fɨsɨ, a fam. Eghtɨ a gumazitam dɨkabɨragh a gasɨghasɨghsɨ, ana damuam.

Daniel 4:35

A gari, nguazimɨn itir gumazamiziba mati pura biziba. An Nguibamɨn itir enselba ko nguazimɨn itir gumazamiziba an apengan iti, a bar me gatifa. Egh a bizitam damusɨ an a damuam, eghtɨ gumazitam an anogoreghan kogham. Guizbangɨra, gumazitam kamaghɨn an azangsɨghan kogham, Nɨ bizir tizim gami. Bar puvatɨ.

Aghuzir Akaba 14:29

Gumazir zuamɨram anɨngazir puvatɨzim, a nɨghnɨzir aghuim iti. Ezɨ gumazim zuamɨra anɨngazi, a uabɨ isa igharaz darazir akagha ghaze, an ongani.

Aisaia 48:4

Kɨ kamaghɨn bar fo, ian dapaniba mati dagɨaba ko ain, ezɨ ia nan akabar gɨntɨzir puvatɨ. Kamaghɨn amizɨ, kɨ fomɨra bizir gɨn otivamibar akar kam akuni, egha kɨ zuamɨra dagh amizɨ, da otifi.

Aghuzir Akaba 30:31

Ezɨ tuarir apuriba, uan dapaniba fava arui, ezɨ memen apuriba arui, ezɨ atrivim a bar gavgavigha arua fo, apanitam a gafiraghan kogham.

Jenesis 47:9

Ezɨ Jekop an azangsɨzim ikaragha ghaze, “Kɨ nguazir kamɨn aruava 130plan azenibar an ikia iza datɨrɨkɨn. A dughiar bar ruarim puvatɨ, egha kɨ uaghan osɨmtɨzir avɨriba batifi. Nan inaziba dughiar ruarimɨn nguazir kamɨn ike, ezɨ men azeniba nan azenibagh afira.”

Aghuzir Akaba 24:21

Nan borim, nɨ Ikiavɨra Itir Godɨn apengan ikɨva atrivimɨn apengan ikɨ. Egh nɨ gumazamizir Ikiavɨra Itir God ko atrivim, aningɨn akaba batoziba, men saghon ikɨ.