Fofozir Gumazim 8:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Guizbangɨra God biziba bar dar ingari, ezɨ kɨ dar ganigha fo, e nguazimɨn otivizir bizir kabar mɨngariba buriva avegham. Egh e dagh foghsɨ, ingar mangɨ amɨragham. Eghtɨ fofozir gumazamiziba suam, e dar mɨngaribagh fogha gɨfa, me guizbangɨra mɨgeir puvatɨ. Me dagh foghan kogham.

Fofozir Gumazim 8:17 ပူးပေါင်းရင်းမြစ်များ

Fofozir Gumazim 3:11

God, biziba bar otivamin dughiabar akɨri, egha dagh amizɨ da uan dughiar aghuimɨn otivigha bar deragha ganganir aghuibagh ami. Ezɨ God uaghan en nɨghnɨzibagh amizɨ, e uan navibar aven nɨghnɨgha, bar fomɨra itir bizir otiviziba ko bar gɨn otivamibagh fofoghasa nɨghnɨsi. Egh God fomɨram amizir biziba ko gɨn damuamin biziba, e deraghvɨra dagh foghan kogham.

Akɨnafarir Pol Romɨn Nguibar Ekiamɨn Itir Sios Bagha Osirizim 11:33

Ame! Godɨn bizir aghuiba ko an fofozim ko an nɨghnɨzim, da guizbangɨra bar ekevegha bar pɨn iti! Egha ongarimɨn mɨn bar kone! Gumazitam o amizitam an nɨghnɨzimɨn mɨngarim manmaghɨn deravɨram a geghanam? Puvatɨ. A zuraram amir araziba, gumazitam o amizitam manmaghɨn dagh fogham? Bar puvatɨ!

Onger Akaba 73:16

Kɨ mɨghɨgha osɨmtɨzir kabagh nɨghnɨgha, dar mɨngaribagh foghfoghasa amuava avenge.

Aisaia 40:28

Ia ti kamaghɨn oregha fozir puvatɨ, Ikiavɨra Itir God, a Godɨn zurara ikia mamaghɨra itim. A nguazir kam ko an itir biziba bar moghɨra dar ingari. An amɨragha amɨrazir puvatɨ. Egha an gavgavim gevir puvatɨ. Eghtɨ gumazitam an nɨghnɨzim gɨfofoghsɨ damuva avegham.

Jopɨn Akɨnafarim 5:9

A dɨgavir kuram gamir bizibagh amima e da tuisɨghan asa. Da bar en nɨghnɨzibagh afirazɨ, e deragha dagh fozir puvatɨ.

Fofozir Gumazim 11:5

God biziba bar dar ingari, ezɨ e kamaghɨn fozir pu, manmagh amizɨ, borir igiam, amebamɨn navimɨn aven iti, ezɨ an duam iza an aven ghuzɨma an angamɨra iti. Kamaghɨra God amir biziba, e dagh foghan kogham.

Onger Akaba 40:5

O Ikiavɨra Itir God, nɨ nan God, nɨ bizir aghuir bar avɨriba e bagha dagh ami. Gumazitam nɨn mɨn amir puvatɨ, nɨ bar me gafira. Nɨ e bagha bizir aghuir avɨribagh ami. Dar dɨbobonim bar ghuavanabozɨ, kɨ da mengan ibura.

Onger Akaba 104:24

O Ikiavɨra Itir God, nɨ bizir bar avɨrimɨn ingari! Nɨ bar fofozir ekiam ikia bizir avɨrir kaba bar dar ingari. Ezɨ bizir nɨ ingarizir kaba nguazim bar a gizɨfa.

Fofozir Gumazim 1:13

Kɨ overiamɨn apengan otivir bizibar fofozim iniasa dagh nɨghnɨsi, egh kɨ deraghvɨra dagh nɨghnɨgh dar mɨngarim gɨfoghasa. Guizbangɨra, ingangarir God e gumazamiziba en boribagh anɨngizir kam, a bar oseme.

Fofozir Gumazim 7:13

God amizir biziba, ia bar deraghvɨra, dagh nɨghnɨgh. Egh God bizitam damightɨ a ikɨzɨrɨghtɨ, tinara uam anemɨnegham?