Fofozir Gumazim 8:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Egh arazir kurabagh amir gumazim, a deragh ikian kogham. A Godɨn atiatia an apengan itir puvatɨ, kamaghɨn a bar dughiar otevimɨn nguazir kamɨn ikiam.”

Fofozir Gumazim 8:13 ပူးပေါင်းရင်းမြစ်များ

Fofozir Gumazim 6:12

E dughiar bar otevimɨn nguazir kamɨn iti, ezɨ en ikɨrɨmɨrim, a dagheba puvatɨgha uaghan an mɨngariba mongezɨ e dagh fozir puvatɨgha okam nɨghnɨsi. En ikɨrɨmɨrim, mati ghuariam aruem apazazɨma, temer dughuazim zuamɨram arav ghu. Ezɨ tina kamaghɨn fo, e arazir aghuir manamɨn gɨntɨgham? Ezɨ tina kamaghɨn fo, e ovegh gɨvaghtɨ, bizir manaba overiamɨn apengan otivam?

Aisaia 3:11

Ezɨ gumazamizir kuraba, mevzika! Me bar ikuvigham! Me uan dafaribar amizir arazir kuraba, gumazir igharaziba me ikarvagh arazir kurar me amizir kabara, me danɨngam.

Jopɨn Akɨnafarim 14:2

E mati, akɨmarim mɨzarazimɨn otogha, guaratɨzimɨn mɨsɨngi. Egha uaghan e mati nedaziba, ghuariam aruem apazazɨ da zuamɨra puvarɨsi.

Malakai 3:18

Eghtɨ dughiar kamɨn, ia gumazamizir arazir aghuibagh amiba ko arazir kurabagh amiba, kɨ me gamir arazim, ia an ganam. Arazir aghuibagh amir gumazim, a nan akamɨn gɨn zui. Ezɨ arazir kurabagh amir gumazim, a nan akam batosi.”

Aisaia 57:21

Nan God kamaghɨn mɨgei, “Gumazamizir arazir kurabagh amiba, me navir amɨrizim ko dabirabir aghuim batoghan kogham.”

2 Pita 2:3

Ifavarir tisan kaba dagɨar avɨriba baka, kamaghɨn me eghaghanir ifavarir avɨribar amuva, ian dagɨaba ko biziba iniam. Fomɨra God me isɨ kot darɨghasa dughiam atɨgha, ghaze, me bar ikuvigham. Ezɨ God akuir puvatɨ. A fomɨra me mɨkemezɨ moghɨn me gasɨghasɨghasa me bagha gara iti.

Jems 4:14

Ia zurara kamaghɨn mɨgɨa, egha ia fozir puvatɨ, bizir manam gurumzaraghan otivam. Ian ikɨrɨmɨrim mati mɨgharim, a dughiar otevimra ikeghɨva bar gɨvagham.

Jon Osirizir Akar Aghuim 5:29

Egh me bar moziba ategh azenimɨn izam. Gumazamizir arazir aghuibagh amiziba, me ua dɨkavigh egh zurara angamɨra ikiam. Eghtɨ gumazamizir arazir kurabagh amiziba, me ua dɨkavighɨva kotiamɨn ikiam, eghtɨ kɨ kamaghɨn me mɨkɨmam, me bar helɨn mangɨva ivezir kuram iniam.”

Aisaia 30:13

Kamaghɨn amizɨ, ia arazir kuram gamigha gɨfa, ezɨ arazir kurar kam bar ia gasɨghasigham, mati bɨbɨzir muziarim dɨvazir ruarimɨn ghuamɨn ikia bar ekefi, egha kɨran oveghangɨn dɨpɨrasava ami. Egh dɨvazim dɨpɨrigh zuamɨra irɨgham.

Onger Akaba 144:4

E mati gumazim, uan akatorimɨn dughiar vamɨran amɨnim givera. E dughiar bar otevimra ikiam, mati aruem isirazɨ nɨn nedazim dughiar otevimra ikegha ua zuamɨra puvatɨ.

Onger Akaba 55:23

O God, gumazir gumazibav sozi me ariaghɨriba ko, gumazir ifariba, me uan igiabara ikɨvɨra ikɨtɨ, nɨ me batueghtɨ me mozir bar konimɨn magɨrɨgh bar ovengegh. Eghtɨ kɨ uabɨ nɨghnɨzir gavgavim nɨn ikɨ mamaghɨra ikiam.

Onger Akaba 39:5

Nɨ ti nan ikɨrɨmɨrimɨn dughiabagh amizɨ da bar otefe. Nan ikɨrɨmɨrimɨn dughiar kam nɨn damazimɨn a pura bizimɨn oto. Gumazamiziba bar, men ikɨrɨmɨrim mati gumazim akamɨn amɨnim giverazɨ a zui. (Ighiam gamua an suiam atugha avughsegha ua ighiam gami.)

Onger Akaba 11:5

Ikiavɨra Itir God, a gumazamizir aghuiba ko kuraba uaghara men araziba tuisɨgha men gari. Egha gumazir mɨsoghasa ifongeziba, a uan navir averiamɨn aven bar men aghua.

Jopɨn Akɨnafarim 21:30

Me guizbangɨra kamaghɨn ia mɨkɨmam, ‘God anɨngaghegh bizir kuram damightɨ, an otogh danganir mamɨn gumazamizibagh asɨghasɨghɨva, gumazamizir arazir kurabagh amibagh asɨghasighan kogham. Puvatɨ. A me ataghɨrazi me deravɨra iti.’

Jopɨn Akɨnafarim 20:5

gumazamizir arazir kurabagh amiba, dughiar otevimra, bar akuegha navir aghuim isi.

Jopɨn Akɨnafarim 18:5

Gumazamizir arazir kurabagh amiba, God me gasɨghasɨsi. A gumazamizir kaba agefi, mati gumazim lam amunge.

Fofozir Gumazim 3:14

Kɨ fo, Godɨn Araziba ikɨvɨra ikɨ, egh gɨvaghan kogham. Puvatɨ. Da kamaghɨra ikɨ mamaghɨra ikiam. Gumazitam uan arazitam Godɨn arazitam gisɨn datɨghan kogham. Egh gumazitam ua Godɨn arazitam batueghan kogham. God gumazamiziba an atiating an apengan ikiasa, a kamaghɨn ami.

Fofozir Gumazim 5:7

Nɨ gumazir zurara irebabar garim, o nɨ gumazir pura mɨgeim, arazir kaba uaghan pura biziba. Arazir kabar mɨngariba mongezɨ e dagh fozir puvatɨgha okam nɨghnɨsi. Kamaghɨn, nɨ zurara Godɨn atiating an apengan ikɨ.

Fofozir Gumazim 7:15

Kɨ nguazir kamɨn ikia arazir avɨravɨribar gara ghaze, nan ikɨrɨmɨrim, an mɨngariba mongezɨ kɨ dagh fozir puvatɨgha okam nɨghnɨsi. Egha kɨ gumazir mabar garima, me arazir aghuibar gɨntɨgha, egha ariaghire. Ezɨ kɨ gumazir mabar gari, me arazir kurabagh amua, egha dughiar ruarimɨn nguazir kamɨn iti.

Fofozir Gumazim 7:18

Nɨ uabɨ tuavir aghuimɨn gɨn mangɨ, egh arazir aghuimɨn suiragh, egh arazir kuramɨn suighan markɨ. Gumazim Godɨn atiatia an apengan iti, a bizir manam damutɨ, a bar deravɨram otogham.

Fofozir Gumazim 8:8

Gumazim ovengamin dughiamɨn, an duam an inivafɨzim ataghɨragham. Eghtɨ gumazitam an anogoreghan kogham, gavgavir kaba bar puvatɨ. Gumazitam ovevemɨn dughiam gisɨvaghan kogham. E fo, mɨdorozimɨn dughiamɨn, mɨdorozir gumazir dapanir ekiaba, mɨdorozir gumaziba ateghtɨ me uamategh uan nguibabar mangan kogham. Egha gumazim arazir kuramɨn gɨntɨsi, an arazir kam bar an porogh, anetaghɨraghan iburagham.

Aisaia 65:20

Eghtɨ borir muziariba uaghan igiabara ikɨ ovengan kogham. Eghtɨ gumazamiziba dughiar bar ruarimɨn ikɨ mangɨ bar ghurigham. Tarazi 100plan azeniba ikɨtɨ, gumazir igharaziba men ganɨva mɨkɨm suam, me ti bar gumazamizir igiabara iti. Eghtɨ men tarazi 100plan azeniba agɨvaghan kogh aremeghtɨ, igharaz darazi suam, Ekiam ti uabɨ me gamizɨ me ariaghire.

Onger Akaba 37:1

Nɨ gumazamizir kuraba amir araziba bagh nɨghnɨgh osɨman markɨ. Egh me amir bizibar gan navim dɨkavan markɨ.

Jeremaia 44:10

Fomɨra ikegha iza datɨrɨghɨn, ia arazir kurar kabar aghumsɨzir puvatɨ. Egha ia nan atiatia nan apengan itir puvatɨgha, nan Araziba ko arazir kɨ ifongeziba, kɨ da isa ia ko ian ovavibagh anɨngi, ia dar gɨn zuir puvatɨ.