Fofozir Gumazim 7:24 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁴ Bizir otivir kabanangɨn mɨngaribagh foghamin ingangarim, bar aven ko. Mati bizim bar saghon itima e a buri, o bar vɨn mar iti. Kamaghɨn, tinara bizir kabar mɨngaribagh fogham? Bar puvatɨ.

Fofozir Gumazim 7:24 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 11:33

Ame! Godɨn bizir aghuiba ko an fofozim ko an nɨghnɨzim, da guizbangɨra bar ekevegha bar pɨn iti! Egha ongarimɨn mɨn bar kone! Gumazitam o amizitam an nɨghnɨzimɨn mɨngarim manmaghɨn deravɨram a geghanam? Puvatɨ. A zuraram amir araziba, gumazitam o amizitam manmaghɨn dagh fogham? Bar puvatɨ!

1 Timoti 6:16

A uabɨra oveghan kogham. An angazangarir ekiamɨn aven iti, ezɨ e an boroghɨn mangɨghan kogham. Tav an ganizir puvatɨ. Eghtɨ gumazitam o amizitam an ganighan kogham. Kamaghɨn amizɨ, e zurara an ziam fam, egh mɨkɨm suam, an gavgavim ikɨvɨra ikiam. Bar guizbangɨra!

Onger Akaba 139:6

Nɨn fofozir kam bar pɨn ikia, egha nan nɨghnɨzim bar a gafira.

Jopɨn Akɨnafarim 28:28

Egha God kamaghɨn gumazamizibav gei, ‘Kɨ ian Ekiam. Gumazir nan atiatia nan apengan ikiava arazir kurabar gɨn zuir puvatɨzim, gumazir kam nɨghnɨzir aghuarim ko fofozim iti.’ ”

Onger Akaba 36:6

Nɨn arazir aghuim bar ekevegha mɨghsɨar ekiabar mɨn tughav iti. Nɨn kotɨn aven itir arazimɨn mɨngarim, e deragha a gɨfozir puvatɨ. An ongarimɨn mɨn bar konegha vɨn mar iraghu. O Ikiavɨra Itir God, nɨ gumazamiziba ko asɨziba vɨrara deravɨra me geghuva men gari.

Jopɨn Akɨnafarim 37:23

Godɨn Gavgaviba Bar Itim, a bar pɨn iti, eghtɨ e an boroghɨn mangan kogham. A gavgavir ekiam iti, egha guizɨn araziba ko arazir aghuibara gɨn ghua, puram e abɨrir arazim gamir puvatɨ.

Fofozir Gumazim 8:17

Guizbangɨra God biziba bar dar ingari, ezɨ kɨ dar ganigha fo, e nguazimɨn otivizir bizir kabar mɨngariba buriva avegham. Egh e dagh foghsɨ, ingar mangɨ amɨragham. Eghtɨ fofozir gumazamiziba suam, e dar mɨngaribagh fogha gɨfa, me guizbangɨra mɨgeir puvatɨ. Me dagh foghan kogham.