Fofozir Gumazim 7:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ God amizir biziba, ia bar deraghvɨra, dagh nɨghnɨgh. Egh God bizitam damightɨ a ikɨzɨrɨghtɨ, tinara uam anemɨnegham?

Fofozir Gumazim 7:13 ပူးပေါင်းရင်းမြစ်များ

Fofozir Gumazim 1:15

Bizir ikɨzɨrigha gɨvaziba, e da amɨnan iburagham. Ezɨ bizir puvatɨziba, e da mengan kogham.

Jopɨn Akɨnafarim 12:14

“God bizitam gasɨghasightɨ, gumazitam uam an ingarighan kogham. God gumazitam kalabus datɨghtɨ, gumazitam ua a inighan kogham.

Aisaia 5:12

Ia isabagh amua, wain apava, gitaba ko buabav sogha, marvibagh ivia, ighiar guar avɨribagh ami. Egha ia arazir kaba bar dagh fo. Egha Ikiavɨra Itir God amir biziba, ia fofozim dar itir puvatɨ.

Fofozir Gumazim 3:11

God, biziba bar otivamin dughiabar akɨri, egha dagh amizɨ da uan dughiar aghuimɨn otivigha bar deragha ganganir aghuibagh ami. Ezɨ God uaghan en nɨghnɨzibagh amizɨ, e uan navibar aven nɨghnɨgha, bar fomɨra itir bizir otiviziba ko bar gɨn otivamibagh fofoghasa nɨghnɨsi. Egh God fomɨram amizir biziba ko gɨn damuamin biziba, e deraghvɨra dagh foghan kogham.

Efesus 1:11

God uan ifongiam ko nɨghnɨzimɨn gɨn ghua, bizibagh amima da otifi. A faraghavɨra uan nɨghnɨzimɨn gɨn ghua, e Krais ko porogh an gumazamizibar mɨn ikiasa, an e amɨsefe.

Aisaia 14:27

Ikiavɨra Itir Godɨn Gavgaviba Bar Itim, kamaghɨn damuasa nɨghnigha gɨfa, ezɨ tina an anogoregham? A uan agharim ghufegha gɨfa, eghtɨ tav an agharim medagh magɨran iburagham.

Onger Akaba 107:43

Eghtɨ ia gumazamizir nɨghnɨzir aghuiba itiba, ia deraghvɨra bizir kabagh bar dagh nɨghnɨgh. Egh kamagh akam akarigh suam, Ikiavɨra Itir God bar en apangkuvigha ikia mamaghɨra iti.

Akɨnafarir Pol Romɨn Nguibar Ekiamɨn Itir Sios Bagha Osirizim 9:19

Ian tav ti na mɨkɨm suam, “God kamaghɨn amigha, tizimsua e mɨgɨa ghaze, ‘Ia uan arazir kurabar ivezim iniam?’ Gumazitam o amizitam Godɨn ifongiam iriaghan kogham.”

Akɨnafarir Pol Romɨn Nguibar Ekiamɨn Itir Sios Bagha Osirizim 9:15

Guizbangɨra, God kamaghɨn Moses mɨgei, “Kɨ gumazamizitabar kuarkuvighsɨ, kɨ men kuarkuvam. Kɨ gumazamizitabar apangkuvsɨ, kɨ men apangkuvam.”

Aisaia 43:13

Datɨrɨghɨn ko dughiabar zurara, kɨ guizɨn Godɨn ikiam. Kɨ gumazamizitabar suiraghtɨ me nan agharimɨn ikɨtɨ, tina nan gavgavim iriagh, nan agharimɨn me batuegham? Bar puvatɨgham. Egh kɨ ingangaritam damutɨ, gumazitam nan ingangarim tɨvaghan kogham.”

Jopɨn Akɨnafarim 37:14

“Jop, nɨ kuarim atɨgh nɨmɨra ikɨ puram oragh, egh God amir bizir ekiar igharagha garibagh nɨghnɨgh.

Daniel 4:35

A gari, nguazimɨn itir gumazamiziba mati pura biziba. An Nguibamɨn itir enselba ko nguazimɨn itir gumazamiziba an apengan iti, a bar me gatifa. Egh a bizitam damusɨ an a damuam, eghtɨ gumazitam an anogoreghan kogham. Guizbangɨra, gumazitam kamaghɨn an azangsɨghan kogham, Nɨ bizir tizim gami. Bar puvatɨ.

Onger Akaba 8:3

Kɨ kogha pɨn overiar nɨ uan dafarimɨn ingarizimɨn gara, egha uaghan iakɨnim ko mɨkovezir uan danganir nɨ me arɨghɨzibar gari,

Jopɨn Akɨnafarim 34:29

God nɨmɨra ikɨ bizitam damuan koghtɨ, tinara suam God arazir kuram gami? Egh a uan guam modoghtɨ, tina an boroghɨn mangɨ an guamɨn ganam? Bar puvatɨ. God gumazamiziba ko kantribagh ativagha bar dar gari, eghtɨ gumazir kuratam atrivimɨn otoghan kogh, egh gumazamizibagh asɨghasɨghan kogham, mati gumazim asɨzimɨn suighasa azuazimɨn ingari.

Jopɨn Akɨnafarim 11:10

God izɨ nɨ inigh kotɨn mangɨva nɨ isɨ kalabus datɨghtɨ, tinara a mɨkɨm suam, markiam?

Jopɨn Akɨnafarim 9:12

A bizir tizim gifonge, a puram a iniam, gumazitam an anogoroghan kogham. Eghtɨ tina an azangam, Nɨ tizim gami?

Fofozir Gumazim 8:17

Guizbangɨra God biziba bar dar ingari, ezɨ kɨ dar ganigha fo, e nguazimɨn otivizir bizir kabar mɨngariba buriva avegham. Egh e dagh foghsɨ, ingar mangɨ amɨragham. Eghtɨ fofozir gumazamiziba suam, e dar mɨngaribagh fogha gɨfa, me guizbangɨra mɨgeir puvatɨ. Me dagh foghan kogham.

Luk Osirizir Akar Aghuim 12:26

Nɨ bizir muziarir kam damuan iburagh, nɨ tizim bagha biziba bar a dagh nɨghnɨgha nɨghnɨzir avɨribagh ami?