Fofozir Gumazim 7:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Nɨghnɨzir aghuim ko dagɨam, aning uaghara dughiar kurabar en akurvasi. Egha nɨghnɨzir aghuim ko fofozim, dagɨam gafira, egha deravɨram en akurvazima, e deravɨra ikɨ mamaghɨra ikiam.

Fofozir Gumazim 7:12 ပူးပေါင်းရင်းမြစ်များ

Aghuzir Akaba 8:35

Na inizir gumazamiziba, me ikɨrɨmɨrir aghuim isi. Ezɨ Ikiavɨra Itir God bar me gakonge.

Aghuzir Akaba 3:18

Nɨghnɨzir aghuim, mati temer ikɨrɨmɨrir aghuim anɨdimɨn mɨn iti. Kamaghɨn, gumazir nɨghnɨzir aghuimɨn suiraziba, me ikɨrɨmɨrir aghuimɨn ikia egha bar akonge.

Aghuzir Akaba 2:7

Egha a gumazamizir arazir aghuibar gɨn zuiba, nɨghnɨzir aghuiba me ganɨdi. Gumazamizir deraghavɨram aruiba, a bar deraghavɨra men garima me osɨmtɨziba puvatɨ.

Jon Osirizir Akar Aghuim 17:3

Ezɨ zurara itir ikɨrɨmɨrir aghuarim, a kamakɨn: Gumazamizir ikɨrɨmɨrir aghuarir kam iniziba, me nɨ gɨfo, nɨ uabɨra nɨ guizbangɨn God. Egha me Krais Iesus gɨfo, nɨ anemadazɨ a ize.

Jon Osirizir Akar Aghuim 12:50

Ezɨ kɨ fo, Afeziamɨn akam gumazamizibar amutɨ, me zurara itir ikɨrɨmɨrir aghuarim iniam. Kamaghɨn amizɨ, akar kɨ mɨkemezir kaba bar, Afeziam na mɨkemezɨ moghɨn kɨ dar gun mɨgei.”

Aghuzir Akaba 11:4

Ikiavɨra Itir God nɨn arazir kuraba ikarvaghamin dughiamɨn, nɨn dagɨar avɨriba nɨn akuraghan kogham. Eghtɨ nɨ arazir aghuimɨn gɨn mangam, nɨn arazir kam nɨn akuraghtɨ nɨ zuamɨram aremeghan kogham.

Gumazir Dapaniba 9:15

Ezɨ temer dozir dɨkoniba itim kamaghɨn mɨgei, ‘Kɨ ian atrivimɨn otivsɨ, ia guizbangɨra ifongegh, bar moghɨra izɨ nan aguabar apengan orangtɨzimɨn ikɨ. Ia aghuaghtɨ, avim nan aguabar otogh izɨva Lebanonɨn sidan temer ruariba bar dar isigham.’ ”

Filipai 3:8

Kɨ Judan bizibara mɨgeir pu. Puvatɨ. Kɨ Krais Iesus gɨfo a nan Ekiam, ezɨ kɨ fofozir kam gɨnɨghnɨgha ghaze, a guizbangɨn bizim, ezɨ nguazir kamɨn biziba bar pura mɨneghmɨnezir kɨniba. Kɨ Kraisra gɨn mangasa ifonge. Egha bizir igharaziba bar da ategh, kɨ Kraisɨn suiragh,

Aisaia 33:6

Egh ia Ikiavɨra Itir Godɨn gumazamiziba, a zurara deragh ian ganɨva, ia damutɨ ian dabirabim deragh gavgavigh ikiam. Egh a bizir aghuiba ia danɨngtɨ ia deraghvɨra ikiam. A nɨghnɨzir aghuiba ko, fofozir avɨriba ko, arazir an atiatiava an apengan itiba, da bizir bar aghuibar mɨn, an ada isa ia ganɨdi.

Aisaia 32:2

Gumazamiziba akurvazim bagh izɨtɨ, gumazir dapanir kaba deravɨra vaghvagh bar deravɨra men akurvagham. Gumazir dapanir kaba, gumazamizibar danganir mogomemɨn mɨn ikiam, eghtɨ dughiar amozir ekiaba ko amɨnir ekiaba izɨtɨ, me mangɨ men uari mongam. Eghtɨ me mati dɨpaba puvatɨzir danganimɨn, dɨpam ivemara an zui moghɨn ikɨ, egh mati dagɨar ekiam aruem apazagha, danganir orangtɨzimɨn mɨn iti. Aruem bar gavgavightɨ, gumazamiziba mangɨ an apazangɨn dapiagh ikɨ avughsam.

Aghuzir Akaba 9:11

Nɨghnɨzir aghuim nɨ damutɨ nɨ dughiar ruarimɨn nguazimɨn ikɨva, nɨ azenir avɨribar ikiam.

Aghuzir Akaba 2:11

Nɨ deragh tuaviba tuisɨghamin arazim gɨfoghɨva egh tuavir aghuimɨn gɨn mangam. Eghtɨ arazir kam, deravɨra nɨn ganam, mati nɨ dɨvazimɨn aven deravɨra iti. Eghtɨ fofozir aghuim nɨ geghuvam.

Onger Akaba 57:1

O God, nɨ nan apangkuvigh nan akuragh. Kɨ nɨn boroghɨra ikia bar deragha iti, mati tuarir nguziba uan amebamɨn avɨzibar apengan modoghav ikia deraghavɨra iti. Kɨ kamaghɨra deravɨra ikɨ mangɨtɨ, bizir na gasɨghasɨghamin kaba mangɨ gɨvagham.

Jopɨn Akɨnafarim 1:10

Nɨ zuraram a ko, an amuiroghboriba ko, an biziba deravɨra dar gari. Mati, gumazim dɨvazir bar gavgavimɨn aven iti. Nɨ zurara deravɨram a gamua bulmakauba ko asɨzir avɨriba a ganɨngizɨ, da a itir nguazim bar a gizɨfa.

Godɨn Araziba 32:47

Godɨn akar kam an akar kɨnim pu. Bar puvatɨ. A ian ikɨrɨmɨrimɨn mɨngarim. Ia deragh an gɨn mangɨva, ia Jordanɨn Fanemɨn vongɨn itir nguazir ia datɨrɨghɨn mangɨ dapiamin kam, ia dughiar ruarimɨn an ikiam.”

Aisaia 30:2

Me Isipia ko akam akɨrasa nan nɨghnɨzim bagha nan azarazir puvatɨ, eghtɨ Isipian atrivim men akuragh men gantɨ, apaniba me gasɨghasighan kogham.

Aghuzir Akaba 14:20

Gumazamizir biziba puvatɨziba, gumazamiziba ko men namakaba sara bar men aghua. Ezɨ dagɨaba itir gumazamiziba, me namakar avɨriba iti.

Fofozir Gumazim 2:13

Kɨ nɨghnigha gɨvagha, kamaghɨn fo, nɨghnɨzir aghuim, an arazir onganiba bar dagh afira, mati aruemɨn angazangarim mɨtarmem gafira.

Fofozir Gumazim 7:19

Eghtɨ gumazir dapanir ekiar 10pla, nguibar ekiar mamɨn akuragh a damutɨ, a tugh gavgavigham. Ezɨ nɨghnɨzir aghuim, a gumazitamɨn akuraghtɨ, a bar gavgavigh nguibar ekiar kamɨn gavgavim gafiragham.

Fofozir Gumazim 9:16

Ezɨ kɨ kamaghɨn mɨkɨmasa, nɨghnɨzir aghuim, gavgavir ekiam gafira. Ezɨ gumazamiziba kamaghɨn nɨghnɨsi, gumazir biziba puvatɨzim, an nɨghnɨzir aghuim pura bizir kɨnimɨn mɨn iti. Kamaghɨn me an akaba barazir puvatɨ.

Fofozir Gumazim 9:18

Nɨghnɨzir aghuim, a mɨdorozimɨn bizibagh afira. Eghtɨ gumazitam arazir kurar tam damightɨ, an arazir aghuir avɨrim gasɨghasigham.

Fofozir Gumazim 10:19

Daghem a gumazim gamima, a bar akonge, ezɨ wainɨn dɨpam gumazim gamima, an navim bar nuira. Ezɨ dagɨaba da ingangarir guar avɨrim damuamin bizir aghuim.