Fofozir Gumazim 7:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Gumazamiziba kamaghɨn nɨghnɨgh suam, nɨ gumazir bar aghuim, nɨghnɨzir kam a dera. Egha a borer aghuir ivezim bar pɨn itim gafira. Eghtɨ dughiar nɨ ovengamim, a dughiar nɨn amebam nɨ batezim gafiragham.

Fofozir Gumazim 7:1 ပူးပေါင်းရင်းမြစ်များ

Akar Mogomem 14:13

Ezɨ kɨ Godɨn Nguibamɨn tiarir mam barazima, a kamaghɨn mɨgei, “Nɨ akam kamaghɨn an osirigh. Datɨrɨghɨn ikegh mangɨ, gumazamizir nɨghnɨzir gavgavim Ekiamɨn ikia egh gɨn ovengamiba, me bar akongegh.” Ezɨ Godɨn Duam uaghan ghaze, “Bar guizbangɨra. Me amir ingangarir osɨmtɨzir kam ategh, egh mangɨ avughsɨ. Egh me pura mangan kogham. Puvatɨ. Arazir aghuir me amiziba men gɨn mangɨtɨ God kotiamɨn dar ganam. Kamagh amizɨ, me bar akongegh.”

Aghuzir Akaba 22:1

Gumazamiziba ghaze, nɨ gumazir aghuim, ezɨ me ziar ekiam nɨ ganɨdima, arazir kam bar dera. Guizbangɨra, ziar ekiam iniamin arazim, a dagɨar avɨriba iniamin arazim, bar a gafira.

Fofozir Gumazim 4:2

Ezɨ kɨ kamaghɨn nɨghnɨsi, gumazamizir ovengeziba, me bar dera, me nguazimɨn itir gumazamizibar mɨn osɨmtɨziba aterir puvatɨ. Oveaghuezibar dabirabim, an angamɨra itir gumazamizibar dabirabim gafira.

2 Korin 5:8

Ezɨ kɨ mɨkemegha gɨfa, e uan navibar suigha ikia, egha atiatir puvatɨ. E inivafɨzir ghurir kam ategh mangɨ Ekiam ko ikɨ an Nguibamɨn ikiasa bar ifonge. Eghtɨ an Nguibar a itim, guizbangɨra en nguibamɨn mɨn ikiam.

2 Korin 5:1

E kamaghɨn fo, nguazimɨn purirpenir e datɨrɨghɨn aven itir kaba, da gɨn dɨpɨrighirɨgh ikuvigham, kar en inivafɨzimɨn ovevem. Eghtɨ dughiar kam God dɨpenir igharazir aghuim e danɨngam, kar en inivafɨzir igiam. Dɨpenir kam, gumazitam an ingarizir puvatɨ, God uabɨ an ingari. A Godɨn Nguibamɨn ikɨ zurazurara ikɨvɨra ikiam.

Solomon 1:3

Nɨn mɨkarzim mughuriar bar aghuim iti. Kɨ nɨn ziam baregha bar akonge, mati kɨ sandan aghuim bagha bar akonge. Kamaghɨn, amizir igiaba bar nɨ gifonge.

Fofozir Gumazim 10:1

E fo, bereziba mughuriar aghuim zuir boremɨn sɨvafarimɨn aven magɨrɨ arɨghireghtɨ, borer kam bar puvɨra mughagham. Kamaghɨra arazir onganir muziarim, gumazimɨn nɨghnɨzir aghuim ko ziar ekiam dɨkabɨragham.

Aghuzir Akaba 27:9

Sanda ko borer mughuriar aghuim zuiba, da e gamima e bar akonge. Ezɨ namakaba en akurvaghasa nɨghnigha, mɨgɨrɨgɨar aghuiba e ganɨdi. Me kamaghɨn e gamima, e guizbangɨra bar akonge.

Aisaia 56:5

kɨ men ziam itir ababanitam uan Dɨpenimɨn aven anetɨgham. Eghtɨ gumazamiziba zuraram an gan me gɨnɨghnɨgham. Eghtɨ men ziar ekiam, gumazir boriba itibar ziabagh afiragham. Kɨ men ziam damightɨ a gɨvaghan kogham.”

Aghuzir Akaba 15:30

Nɨ gumazimɨn guamɨn garima a bar akuegha iti, eghtɨ nɨn navim deragham. Egh nɨ akar aghuim bareghtɨ, bizir kam gavgavim nɨn mɨkarzim danɨngam.

Jopɨn Akɨnafarim 3:17

“Gumazamizir Oveaghuezibar Nguibamɨn, gumazir arazir kurabagh amiba datɨrɨghɨn arazir kabagh amir puvatɨ. Ezɨ gumazamizir amɨraziba deraghavɨram avughsi.

Jon Osirizir Akar Aghuim 13:2

Ezɨ guaratɨzir kamɨn me apa iti. Satan faragha nɨghnɨzir Iesus isɨ apanibar dafarim darɨghamim isa Judasɨn navim gatɨgha gɨfa. Judas, a Saimon Iskariotɨn otarim.

Onger Akaba 133:2

Arazir kam mati olivɨn tememɨn borer aghuim, me a isa Aronɨn dapanim ginge. Ezɨ an emɨra uaghira an ghuamasɨzimɨn uaghira, egha uaghira an evarimɨn itir korotiamɨn tu.

Hibru 11:39

Gumazamizir kaba bar, nɨghnɨzir gavgavim Godɨn iti, egha ziar aghuiba Godɨn damazimɨn da ini. Egha me nguazimɨn itir dughiamɨn, me bizir aghuir God me danɨngasa akam akɨriziba me da inizir puvatɨ.

Hibru 11:2

Gumazir fomɨra itiba, me nɨghnɨzir gavgavim Godɨn iti, ezɨ God me gakuegha, gumazir aghuiba me garɨsi.

Luk Osirizir Akar Aghuim 10:20

Eghtɨ duar kuraba ian akam mɨrara ghuzir bizim bagh akongan markɨ. God uan Nguibamɨn ian ziaba osirizir bizim baghɨva ia akong.”

Solomon 4:10

Nɨ nan amuim, egha nɨ guizɨn nan dɨghorim, nɨ bar na gifonge, ezɨ kɨ bar akonge. Nɨn ifongiar kam, a bar isɨngi, egha wainɨn isɨngtɨzim gafira. Sandan mughuriar nɨ uabɨ gazuir kam, a pauran mabar mughuriaba bar dagh afira.

Fofozir Gumazim 7:8

Eghtɨ gumazitam ingangarim foregh a damuasava ami, kar arazir aghuim. Egha an an ingarava anegɨfa, arazir kam bar deragha arazir ingangarim damuasava amim, gafira. Ezɨ gumazir navim amɨragha uabɨn asugha nɨmɨra itim, a dera. An arazim, gumazir uabɨra uabɨ femɨn arazim, bar a gafira.

Jona 4:3

Aria, Ikiavɨra Itir God, nɨ ikɨrɨmɨrir kɨ datɨrɨghɨn itim agɨfagh. Kɨ oveghtɨ, kamaghɨn deragham. Kɨ oveghan koghtɨ, kamaghɨn ti deraghan kogham.”

Rutɨn Eghaghanim 3:14

Egha Boas ghaze, “Nguibamɨn gumazamiziba foghan markɨ, nɨ danganir kamɨn ize.” Ezɨ Rut Boasɨn suanvɨrɨn irɨghav ikia ghua amɨnim bar itima a dɨkafi. Ezɨ gumazitam an ganizir puvatɨ.

Aghuzir Akaba 25:10

Nɨ kamaghɨn damutɨ, gumaziba gɨn oregh suam, nɨ akar modim aghuri, egh me aghumsɨzim nɨ danigham. Egh me nɨghnɨzir kurabar nɨ damuvɨra ikiam.