Fofozir Gumazim 5:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Egh nɨ akar dɨkɨrɨzɨ tamɨn God damighɨva, zuamɨram an gɨn mangɨ a damigh. Egh nɨ uan akar dɨkɨrɨzimɨn gɨn mangɨ damighan kogh, nɨ mati gumazir onganim. God kamaghɨn amir gumazamizibagh ifongezir puvatɨ. Kamaghɨn nɨ akar dɨkɨrɨzim gami, egh nɨ an gɨn mangɨ a damigh.

Fofozir Gumazim 5:4 ပူးပေါင်းရင်းမြစ်များ

Dɨboboniba 30:2

“Gumazitam bizitam Ikiavɨra Itir God danɨngasa akar dɨkɨrɨzim gami, o a Godɨn ziam dɨpon, bizitam damuan koghamin akar dɨkɨrɨzim gami, egh a uan akar dɨkɨrɨzir kam abɨghan kogham. Puvatɨ, a mɨkemezir bizim, a guizbangɨra a damigh.

Matyu 5:33

Egha Iesus ua kamaghɨn mɨgei, “Mɨgɨrɨgɨar mam ian ovaviba a inizɨ ia a baraki, a kara, ‘Ia ifarɨva Godɨn Nguibamɨn akakagh mɨkɨman markɨ. Ia Ekiamɨn damazimɨn mɨgeir akamɨn mɨrara mangɨ, arazir kam deragh a damu.’

Onger Akaba 76:11

Ikiavɨra Itir God a nɨn God, nɨ a ko Akar Gavgavim akɨrigh, egh guizbangɨra akar dɨkɨrɨzir kamɨn gɨn mangɨ. Egh ifaran markɨ. E Ikiavɨra Itir Godɨn atiatingam, kamaghɨn, gumazamiziba bar a bagh bizir aghuiba inigh mangɨ.

Onger Akaba 50:14

“Kamaghɨn deragham, ia bar God mɨnabagh. Kamaghɨn garir ofa ia a damu. Kɨ Godɨn Bar Pɨn Itim, bizir aghuir ia na danɨngasa mɨkemegha gɨvaziba, ia da isɨ na danɨng.

Onger Akaba 116:14

An gumazamiziba izɨ uari akuvamin dughiam, kɨ a koma amizir Akar Dɨkɨrɨzir Gavgavir kam, kɨ a damuam.

Hibru 10:6

Ofan bar isia mɨghɨriba ko, arazir kuraba gɨn amadir ofaba, da nɨ gamima nɨ dar agorogem itir puvatɨ.

Malakai 1:10

Ezɨ Ikiavɨra Itir Godɨn Gavgaviba Bar Itim ghaze, “Kamaghɨn ti deragham, gumazitam nan Dɨpenimɨn tiar akaba asegham, eghtɨ gumazitam aven mangɨ ofan mɨngariba puvatɨzir kabar amusɨ ofa gamir dakozimɨn avim arɨghan kogham. Kɨ ian arazir kabagh ifongezir puvatɨ. Egh ofan ia na bagha inigha iziba, kɨ da inian kogham.

Jona 2:9

Ezɨ kɨ uabɨ, ighiam bangɨva nɨn ziam fɨva asɨzitam mɨsuegh ofa isɨ nɨ danɨngasa. Bizir kɨ nɨ ko akam akɨrigha gɨvaziba, kɨ dar amuam. O Ikiavɨra Itir God, nɨ uabɨra en akurvazima, e angamɨra nɨ ko iti.”

Onger Akaba 119:106

Kɨ nɨ ko akam akɨra ghaze, kɨ guizbangɨra bizir nɨ damuasa e mɨkemezibar gɨn mangam.

Jenesis 35:3

Egh e nguibar kam ategh Betelɨn mangam. Eghtɨ kɨ God bagh ofa damuamin danganitamɨn ingaram. Godɨn kam, kɨ osɨmtɨzibar aven itir dughiamɨn, a nan akura. Ezɨ kɨ managh zui, a na ko zurara iti.”

Jenesis 35:1

Ezɨ God Jekop mɨgɨa ghaze, “Nɨ dɨkavigh Betelɨn mangɨ egh magh ikɨ. Egh na bagh ofa damuamin danganitamɨn ingarigh. Kɨ God, nɨ uan avebam Ison arir dughiamɨn kɨ nɨ bato.”

Aisaia 19:21

Eghtɨ Ikiavɨra Itir God uabɨ isɨ Isipian akaghtɨ, me a gɨfogh suam, a uabɨ Ikiavɨra Itir God. A kamaghɨn damightɨ, Isipia bar deragh a gɨfogh, an ziam fɨ, uan asɨziba tuer ofaba ko witɨn ovɨziba tuamin ofaba, da inigh a bagh mangam. Egh me akar dɨkɨrɨzibar a damuva, egh me damuasa mɨkemezir bizibar amuam.

Jenesis 28:20

Ezɨ Jekop bar guizbangɨra mɨgɨa, God ko akar gavgavim akɨra ghaze, “Nɨ na ko ikɨ egh tuavir ruarir kɨ mangamin kamɨn na geghuv, egh dagheba ko korotiaba na danɨng,

Gumazir Dapaniba 11:35

Ezɨ Jepta uan guivimɨn ganigha, bar dɨgavir kuram gamigha uan korotiam abigha kamaghɨn mɨgei, “O nan guivim, noka! Nɨ bar nan dɨghorim abɨki. Kɨ bar oseme. Nɨ tizim bagha faragha iza na batogha osɨmtɨzir ekiam na ganɨngi? Kɨ Ikiavɨra Itir Godɨn damazimɨn akar dɨkɨrɨzim gamigha gɨfa, egh kɨ anebighan kogham.”

Onger Akaba 22:25

Gumazamiziba uari akuvagh nɨn ziam famin dughiamɨn, kɨ nɨ amizir biziba bagh nɨn ziamra fam. Egh gumazamizir nɨn atiatia nɨn apengan itibar damazimɨn, kɨ fomɨra nɨn ofa damuasa akam akɨrizir biziba, kɨ nɨ bagh dar damuam.

Aghuzir Akaba 20:25

Nɨ faragh deraghvɨra nɨghnigh, egh ofa isɨ God danɨngɨsɨ akar dɨkɨrɨzir gavgavim damigham. Nɨ akar dɨkɨrɨzir gavgavim zuamɨram a damigh, nɨ gɨn akar kam puvɨram a gɨnɨghnɨgham. Egh nɨ kamaghɨn damuva, uabɨ gasɨghasigham.