Fofozir Gumazim 4:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Overiamɨn apengan itir bizir gumazamiziba amiba, kɨ ua dagh nɨghnɨgha fo, da derazir puvatɨ. Gumazir kuraba gumazamiziba dɨkabɨra osɨmtɨziba me garɨzima, me bar puvɨram arai. Ezɨ men akurvaghan gumaziba puvatɨ. Kɨ gari, gavmanɨn gavgavim, gumazir kurabaram akurvasi. Kamaghɨn, gavman uaghan men akurvazir puvatɨ.

Fofozir Gumazim 4:1 ပူးပေါင်းရင်းမြစ်များ

Fofozir Gumazim 3:16

Ezɨ kɨ arazir mamɨn garima a uaghan overiamɨn apengan iti. E fo, jasba kotiamɨn aven arazir aghuibar gɨntɨgh deraghvɨra gumazamizibar osɨmtɨziba tuisɨgham. Ezɨ puvatɨ, me arazir aghuibar gɨntɨzir pu. Bar puvatɨ. Me dughiar maba arazir bar kurabar gɨntɨsi.

Fofozir Gumazim 5:8

Nɨ gavmanɨn gantɨ, a gumazir onganarazibagh amiba osɨmtɨziba me darɨghɨva, men kotiaba deragh da akɨran kogh, me ateghtɨ me deragh dapian koghtɨ, ia dɨgavir kuram damuan markɨ. Arazir kamɨn mɨngarim kamakɨn. Ingangarir gumazir dapaniba arazir kabagh amima, men garir gumazir ekiar maba, men ingangaribar gara osɨmtɨziba me garɨsi. Ezɨ gumazir men garir kaba, me uaghan gumazir ekiar maba ikia men gara osɨmtɨziba me garɨsi, me arazir kamra me gami.

Aisaia 5:7

Ikiavɨra Itir Godɨn Gavgaviba Bar Itimɨn wainɨn azenim, a Israelian gumazamiziba. Bar guizbangɨra, Judan gumazamiziba, an oparizir wainɨn agharir aghuir a bar ifongeziba. Me guizɨn arazir aghuibara damu ikiasa a ifonge, ezɨ puvatɨ. Me gumazibav sozi me ariaghiri. Me arazir aghuibar igharaz darazir amuasa a ifonge, ezɨ puvatɨ. Ararer kuram men danganibar otiva ghuavɨra iti.

Jems 5:4

Ia deravɨra oragh, ingangarir gumazamiziba ian azenibar dagheba isi, ezɨ ia me gifaragha men ivezir mabar anogoroke. Ezɨ ingangarir gumazamizir kaba me uan ivezibagh nɨghnɨgha, Godɨn dɨa ghaze, a ian arazir kuraba ikarvagham. Ezɨ ingangarir gumazamizibar dɨmdiam, Ekiar Gavgaviba Bar Itim, a baraki.

Matyu 26:56

Godɨn Akɨnafarimɨn Osizirim mɨkemezɨ moghɨra ia kamaghɨn na gami.” Ezɨ Iesusɨn suren gumaziba bar aneteghava are.

Malakai 3:5

Egha Ikiavɨra Itir Godɨn Gavgaviba Bar Itim ghaze, “Kɨ izɨ ian araziba tuisɨgham. Kɨ bar zuamɨra kotɨn aven gumazamizir kabar arazir kurabar gun me mɨkɨmam. Gumazamizir kabar kara: imezibagh amir gumazamiziba ko, kukunir gumaziba ko, gumazamizir poroghamibagh asɨghasɨziba ko, gumazamizir kotɨn akabagh ifariba ko, gumazir dapanir deragha uan ingangarir gumaziba ivezir puvatɨziba ko, gumazir amizir odiaribagh ifara pura men biziba isiba ko, gumazamizir afeziaba ariaghirezir boribar biziba isiba ko, gumazamizir Kantrin Igharazibar Gumazamizir men tongɨn itibar akurvazir puvatɨziba. Gumazamizir arazir kaba bar dagh amiba me nan apengan itir puvatɨ.”

Aisaia 51:23

Eghtɨ kɨ itarir kam isɨ gumazir paza nɨ gamibar agharim datɨgham. Me fomɨra akar gavgavim nɨ ganɨga ghaze, nɨ nguazim girɨghɨv ikɨtɨ, me nɨ dɨkɨ, nɨn akɨragharim gisɨn daru, mati me nguazir kɨnim gisɨn arui.”

Onger Akaba 42:9

God, a dagɨar ekiamɨn mɨn gavgavim na ganɨdi, ezɨ kɨ kamaghɨn a mɨgei, “Nɨ manmaghsua na gɨnɨghnɨzir puvatɨ? Nɨ manmaghsua nan apaniba ataghizɨ me na abɨrazɨ, nan navir averiam bar na baseme?”

Onger Akaba 42:3

Kɨ zurara arueba ko dɨmagaribar aziavɨra iti, ezɨ nan temeriba mati nan dagher kɨ zurarama apim. Dughiabar zurara gumazamiziba nan azangsɨgha ghaze, “Nɨn God managh iti?”

Onger Akaba 12:5

Ezɨ Ikiavɨra Itir God ghaze, “Gumazamizir onganarazibagh amiba, gumazamizir igharaziba paza me gamizɨ me mɨzaziba isa ara iti. Me nan akurvazim iniasa bar ifonge. Kɨ datɨrɨghɨn dɨkavigh izɨ men akurvagham.”

Jopɨn Akɨnafarim 35:9

“Gumazir gavgaviba gumazamiziba dɨka me abɨri. Ezɨ gumazir kaba uarir akurvaghasa bar pamten gumazir ekiar aghuibar diava arai.

Aisaia 59:7

Ia zuraram arazir kuram damuasa bar ifonge. Egha ia zurara atamra ghua gumazamizir arazir kurabagh amir puvatɨzibav sozi, me ariaghiri. Ia bizir kurabara damuasa nɨghnɨsi. Egha ia gumazamizibar ikɨrɨmɨrim gasɨghasɨghasava arua bizibagh ami.

Malakai 3:18

Eghtɨ dughiar kamɨn, ia gumazamizir arazir aghuibagh amiba ko arazir kurabagh amiba, kɨ me gamir arazim, ia an ganam. Arazir aghuibagh amir gumazim, a nan akamɨn gɨn zui. Ezɨ arazir kurabagh amir gumazim, a nan akam batosi.”

Malakai 2:13

Ezɨ kɨ bizir kurar igharazir ia amir mamɨn gun ua ia mɨkɨmam. Ofan ia Ikiavɨra Itir God bagha inigha zuiba a ua da isir puvatɨ. Kamaghɨn amizɨma, ia pamtemɨn aziava araima, ian temeriba Ikiavɨra Itir Godɨn ofa gamir dakozim giri.

Fofozir Gumazim 7:7

Gumazir nɨghnɨzir aghuim ikiava gumazir igharazibar biziba ko dagɨaba, pura dagh ekua da isi, a mati gumazir onganim. Eghtɨ gumazim apezeperir dagɨaba initɨ, an arazir kamɨn, a uabɨ uan nɨghnɨzir aghuim gasɨghasɨsi.

Aghuzir Akaba 28:3

Gumazir biziba puvatɨzim, dɨkavigh onganarazibagh amir gumazamiziba dɨkabɨragh, a mati amozir ekiam azenibar daghebagh asɨghasɨsi.

Onger Akaba 142:4

Kɨ uabɨn boroghɨn gari, gumazir nan akurvaghamiba puvatɨ. Ezɨ gumazir nan gan na geghuvamiba puvatɨ. Kɨ mongamin danganiba puvatɨ.

Onger Akaba 80:5

Nɨ e gamizɨ, e bretɨn mɨn uan temeriba apava, kavɨn temerir izɨvɨrɨzim, dɨpamɨn mɨn uarir guri.

Onger Akaba 69:20

Akar kurar kaba, nan nɨghnɨzim gasɨghasɨgha nan navim gamizɨ, a bar moghɨrama oseme. Ezɨ gavgaviba ua nan puvatɨ. Kɨ ghaze, gumazitaba ti tong nan apangkuvam, ezɨ bar puvatɨ.

Jopɨn Akɨnafarim 16:4

Ezɨ kɨ kamaghɨn ia mɨkɨmasa, ia nan danganim inigh, kɨ paza iti moghɨn ikɨtɨ, kɨ ia deragha iti moghɨn ikɨtɨ, arazir ia datɨrɨghɨn na gamir kamra ia damuam. Kɨ uan apangkuvim ian akakaghsɨ puvɨram akam arangam. Egh kɨ ia bativizir bizir kurar kabar dɨgavir kuram damigh dapanim rongam.

Jopɨn Akɨnafarim 6:29

Ia mɨgɨrɨgɨar kaba ko arazir derazir puvatɨziba atakigh, egh ia arazir aghuimra gɨn mangɨ nan araziba tuisɨgh. Kɨ arazir kuratam gamizir puvatɨ. Kamaghɨn amizɨ, ia pazɨ na gɨnɨghnɨghan markɨ.

Gumazir Dapaniba 4:3

Atrivim Jabin, ainɨn mɨdorozir karisɨn 900pla iti. A bar pazavɨra Israelia gamuava, tintinibar me mɨsogha me gasɨghasɨgha ghua 20plan azenibar tu. Kamaghɨn amizɨ, Israelia uarir akurvaghasa Ikiavɨra Itir God bagha arai.

Godɨn Araziba 28:48

Kamaghɨn, Ikiavɨra Itir God, apaniba ameghtɨ, me izɨ ia mɨsogh ia inigh mangɨtɨ ia pura men ingangarir gumazir kɨnibar mɨn ikɨtɨ, me ia abɨntɨ ia men ingangarim damuam. Egh mɨtiriaba sara ikɨva, dɨpaba bagh arɨmɨghirɨva, korotiaba, ko bizir igharaziba sara puvatɨgham. Eghtɨ apaniba ia dɨkabɨn mangɨ bar ia agɨvagham.

Godɨn Araziba 28:33

Egh ikɨzir igharazibar gumazamizir ia fozir puvatɨziba izɨ dagher ia puvɨra ingarava opariziba iniam. Egh me zurara pazɨ ia damu, egh mɨzaziba ia danɨngam.

Ua Me Ini 1:22

Ezɨ gɨn atrivim kamaghɨn Isipɨn gumazamiziba bar me mɨgei, “Ia Hibrun otarir iririviba isɨ, Nailɨn Fanemɨn me akunigh. Egh guivir iririviba ateghtɨ, me ikɨ.”

Ua Me Ini 1:16

“Gua Hibrun amizir otasava amibar akurvaghɨva gan, amizim otarim bateghtɨ, gua a mɨsueghtɨ an aremegh. A borir guivim bateghtɨ, gua aneteghtɨ a ikɨ.”

Aghuzir Akaba 19:7

Gumazir biziba puvatɨzim, an aveghbuaba an aghuagham. Ezɨ kamaghɨra an namakaba uaghan akɨrim ragha a gasara. A me mɨgɨa me apezeperi, ezɨ an akaba pura biziba.

Fofozir Gumazim 8:9

Kɨ bizir kabar garava, gumazamizir overiamɨn apengan ikiava amir bizibagh nɨghnɨghavɨra iti. Egha dughiar kamɨn kɨ garima, gumazir ekiar maba gumazamizir mabagh ativagha me dɨkabɨra paza me gami.

Jeremaia 16:7

Eghtɨ gumazitaba gumazir aremeziba bagh azi ikɨtɨ, gumazir me bagh dagheba ko dɨpaba ater izɨ men navibar amutɨ, me navir amɨrizimɨn ikɨ nɨmɨra ikiamiba puvatɨgham. Eghtɨ men amebaba ko afeziaba aremeghtɨ, gumazir izɨ gumazir kabagh ibua itiba bagh dagheba ko, dɨpaba ater izɨ me danɨng, me ko ikɨva gavgavim me danɨng me ko ikiamiba puvatɨgham.

Jopɨn Akɨnafarim 9:24

God gumazir kuraba ataghizɨ me nguazir kam gativagha an gari. Egha jasbar nɨghnɨzibagh amima, da onganigha deravɨra kotiabagh amir puvatɨ. God ti bizir kabar amutɨ, da otivan koghtɨ, tinara dar amutɨ da otivam?

Onger Akaba 69:21

Mɨtiriam nan azima, me aguiam daghem gatɨgha na ganɨngi. Ezɨ kuarim nan pɨrima, me pura wainɨn kuram amasa na ganɨngi.

Onger Akaba 142:5

O Ikiavɨra Itir God, nɨ nan akurvaghasa kɨ nɨn dei. Nɨrara nɨ nan eghuvir gumazim. Kɨ kamaghɨn ifonge, kɨ angamɨra ikiavɨra itir dughiam, nɨrara na ko ikiam.

Aghuzir Akaba 29:2

Gumazir aghuiba kantri gativagha an gari, gumazamiziba bar akonge. Ezɨ gumazir arazir kurabagh amim kantri gativagha an garima, gumazamiziba bar osemegha ararer kuram gami.

Amos 3:9

Ia mangɨ, gumazir Asdotɨn nguibar ekiamɨn dɨpenir gavgavibar itiba, ko Isipɨn kantrin dɨpenir gavgavibar itiba, men diagh, akar kamɨn gun me mɨkemegh, “Ia bar mangɨ Samarian mɨghsɨabar uari akuvagh ikɨ, egh Samarian gumazamizibar gan, me bar onganigha atiatim uarira uarigh anɨdi. Egh men igharaz darazi dɨkabɨrir arazir kurar me amiba ia dar ganigh.”

Amos 3:10

Ikiavɨra Itir God kamaghɨn mɨgei, “Samarian gumazamiziba okɨmakɨar arazim ko mɨdorozir arazim gamua, pura bizir avɨriba isa ghua uan dɨpenir gavgavibagh arɨzi, da bar izefe. Me guizbangɨn arazir aghuibar amuan fofoziba bar puvatɨ.”