Fofozir Gumazim 3:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Egha e aziamin dughiaba iti, egh e akamɨn dughiaba iti. Egha e bizibagh nɨghnɨgh navim ikuvamin dughiaba iti, egh e bar akongegh ighiabar amuamin dughiaba iti.

Fofozir Gumazim 3:4 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 12:15

Ia igharaz darazi bar akongeghtɨ ia me ko bar akongegh. Egh igharaz darazi osemeghtɨ, ia me ko osemegh.

Jems 4:9

Ia naviba bar osemegh egh pamtem arangɨva aziam. Ia gumazamizir datɨrɨghɨn atiba, ia uan akazim ategh, egh ia arang. Ia gumazamizir bar akongeziba, ia uan agoroger kam ategh, naviba bar osemegh azi ikɨ.

Onger Akaba 30:5

Guizbangɨra, a en atarir adariba, da dughiar otevimra iti. Ezɨ dughiar e nguazir kamɨn itimɨn, a uan navim sara e gifongegha deragha e gami. Dɨmangan en temeriba iregham, egh amɨmzaraghan e deragh ikɨ bar akuegham.

Ua Me Ini 15:20

Gɨn Godɨn akam inigha izir amizim Miriam, an Aronɨn amezemebam, a buar mam uan dafarimɨn an suira. Amiziba bar moghɨra uan buaba inigha, Miriamɨn gɨn zui. Egha me buabav sogha onger akabagh amua ighiam gizi.

2 Korin 7:10

E fo, Godɨn otivir osɨmtɨziba ko aghumsɨzir araziba, da gumazamizibagh amima, me uan navibagh iraghɨrasi. Arazir kamɨn God uam en akura. Kamaghɨn, e arazir kam bagh uan navibagh isɨn nɨghnɨzir avɨribara amuan markiam. Ezɨ nguazir kamɨn osɨmtɨziba ko aghumsɨzir araziba, da gumazamizibagh amima ovevem otifi.

Luk Osirizir Akar Aghuim 1:58

An boroghɨra itir darazi ko an anababa kamaghɨn oraki, Ekiam an apangkuvigha bizir aghuimɨn a gamizɨ, me a ko bar akonge.

Matyu 11:17

“ ‘E ia bagha marvibagh ivima, ia ighian aghua. Ezɨ e ongerakar amɨrizibagh amima, ia azir puvatɨ.’

Matyu 9:15

Ezɨ Iesus men akam ikaragha ghaze, “Gumazir amuimɨn ikiamim, a ia ko ikɨtɨ, ia a bagha izezir gumazibav kɨmtɨ, me ti amughamugh, dagheba ataghɨraghan kogham? Puvatɨ. Me dagheba ataghɨrazir dughiam iti. Gɨn dughiam izɨtɨma gumazir amuimɨn ikiamim, me me dama a inigh mangɨtɨma, dughiar kabar me dagheba ataghɨragham.

2 Samuel 6:16

Me Akar Dɨkɨrɨzir Gavgavimɨn Boksiam atera Devitɨn Nguibar Ekiamɨn aven izir dughiamɨn, Solɨn guivim Mikal winduan tughav ikia men gari. A uan pam Atrivim Devitɨn garima, a ighiabagh amuava Ikiavɨra Itir Godɨn damazimɨn tintinibar uabɨ fakurava, Ikiavɨra Itir Godɨn ziam fe. Devit amir arazir kam, Mikal bar a gifongezir puvatɨ, kamaghɨn amizɨ a navir kuram Devitɨn ikia a baseme.

Jenesis 21:6

Egha Sara kamaghɨn mɨgei, “God arazir aghuim na gamizɨ kɨ bar akuegha ati. Eghtɨ gumazamiziba gɨn bizir kam baregh, na ko bar akuegh akam.”

Onger Akaba 30:11

Nɨ nan navir osɨmtɨzim batoghezɨ kɨ bar akuegha ighiabagh ami. Kɨ faragha azirakar korotiaba aghui, ezɨ datɨrɨghɨn nɨ nan azirakar korotiaba suegha, nan azirakam oteghavkɨnizɨ nan navim derazɨ kɨ bar akonge.

Fofozir Gumazim 3:5

Ezɨ paba uan amuiba ko dakuamin dughiaba iti, egh aning uaning ko dakuan koghamin dughiaba iti. Egha paba uan amuibar suighamin dughiaba iti, egh an suighan koghamin dughiaba iti.

Fofozir Gumazim 7:14

Nɨn ikɨrɨmɨrimɨn biziba bar deravɨram otivtɨ, nɨ bar akuegh ikɨ. Eghtɨ dughiar kuram nɨ batoghtɨ, nɨ kamaghɨn fogh suam, God dughiar aghuiba ko dughiar kuraba e bagha da amadi. Kamaghɨn, e fozir pu, bizir manam gɨn otivam.

Aisaia 40:1

Ian God ghaze: “Ia gavgavim isɨ nan gumazamizibar anɨngtɨ, me navir amɨrizimɨn ikɨ.

Aisaia 40:2

Ia apangkuvim itir akar aghuir kam isɨ, Jerusalemɨn nguibamɨn gumazamiziba me mɨkɨm gavgavim me danɨng. Egh kamaghɨn nan gun me mɨkɨm suam, kɨ Ikiavɨra Itir God, kɨ uan dafarimɨn men arazir kuraba ikaragha bar dughiar ruarimɨn me ataghizɨ me kalabusɨn ike. Ezɨ datɨrɨghɨn kɨ men mɨzaziba ko ingangarir ekiam agɨvagha men arazir kuraba gɨn amadazɨ, me fɨriaghɨre.”