Fofozir Gumazim 3:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Egha e gumazibav soghtɨ me arɨmɨghiramin dughiaba iti, egh e me damutɨ me ghuamaghamin dughiaba iti. Egha e biziba angararɨghamin dughiaba iti, egh e bizibar ingaramin dughiaba iti.

Fofozir Gumazim 3:3 ပူးပေါင်းရင်းမြစ်များ

1 Samuel 2:6

Ikiavɨra Itir God gumazamizibav sozima, me ariaghiri. Egha gumazamizir ariaghireziba, a me gamima me uam angamɨra iti. God gumazamizibagh amima, me Gumazamizir Oveaghuezibar Nguibamɨn uaghiri. Ezɨ a me gamima, me ua dɨkafi.

Jeremaia 31:28

Kɨ fomɨra da asiasa dar gara, da abigha, egha dagh asɨghasɨgha paza dagh ami. Egha datɨrɨghɨn, kɨ dar ganɨva, dar ingarɨva da opartɨ da deraghvɨra ikiam. Kɨ Ikiavɨra Itir God, kɨ kamaghɨn mɨkeme.

Godɨn Araziba 32:39

Ia oragh. Ia kamaghɨn fogh, kɨ uabɨra, kɨ guizbangɨra God. Ezɨ godɨn tam ua itir puvatɨ. Kɨ uabɨ, kɨ ikɨrɨmɨrir angamɨra itim gumazamizibagh anɨga, egha men duaba isi me ovei. Kɨ gumazim gasɨghasigh ua anekɨrightɨ a deragham. Egh kɨ bizitam damutɨ gumazitam nan anogoreghan kogham.

Aisaia 44:26

Nan ingangarir gumazim nan akam akunɨva, bizir gɨn otivamiba, kɨ a mɨkɨmtɨ, a mangɨ gumazamizibav kɨm, eghtɨ kɨ a mɨgeir akar kabar amutɨ, da guizbangɨram otivam. Kɨ kamaghɨn mɨgɨa ghaze, gumazamiziba ua Jerusalemɨn ikiam. Egh Judan nguibar ekiaba me uamategh dar ingaram. Nguibar apaniba asɨghasɨghiziba, kɨ uamategh da feghtɨ, da dɨkavigh tuivigham.

1 Samuel 2:25

Gumazitam arazir kuratam gumazir igharazir tam datɨghtɨ, tav a bagh an abuir gumazimɨn mɨn ikɨ Godɨn azangsɨghtɨ, God bizir kam gɨn amadagham. Eghtɨ tav arazir kuratam Ikiavɨra Itir God datɨghtɨ, tina an abuir gumazimɨn ikɨ an akuragham?” Dughiar kamɨn, Ikiavɨra Itir God aningɨn arazir kuraba bangɨn aning mɨsueghtɨ aning aremeghasa nɨghnigha gɨfa. Ezɨ Eli kamaghɨn aning mɨkemezɨ, God aningɨn dapanimning gamizɨma, aning gavgavigha uan afeziamɨn akaba barazir puvatɨ.

Esekiel 13:14

Dɨvazir ia penɨn ghurghurimɨn aghuizir kam, kɨ anekararigh, an dɨvazir mɨngarimɨn aven itir dagɨaba aghamsightɨ da pura tintinibar ikiam. A degeghirɨgh bar ia mɨsoghɨrarigham. Eghtɨ ia bar fogh suam, kɨrara, kɨ Ikiavɨra Itir God.

Jeremaia 33:6

“Eghtɨ kɨ gɨn nguibar ekiar kamɨn akuragham, eghtɨ nguibam ko an gumazamiziba ua deragh otivigham. Eghtɨ kɨ dughiar bar aghuim me danightɨ, me deragh dapiaghtɨ, apaniba me mɨsoghan kogham.

Sekaraia 1:12

Ezɨ Ikiavɨra Itir Godɨn enselɨn faraghavɨra zuim kamaghɨn mɨgei, “O Ikiavɨra Itir Godɨn Gavgaviba Bar Itim, nɨ 70plan azenibar Jerusalem ko, Judan nguibar ekiaba bagha atara navim bar nɨn ikufi. Nɨ bar dughiar manamra ua men apangkuvigham?”

Jenesis 9:6

Kɨ God, kɨ uabɨ gumazimɨn ingarizɨma a nan mɨrara gari. Kamaghɨn gumazir manam igharazitav mɨsoghezɨ an areme, egh a uabɨ gumazibar dafaribar ovengam.”

Aisaia 6:10

Egha a uaghan kamaghɨn mɨkeme: “Nɨ gumazamizir kabav kɨmɨva, men nɨghnɨzibar amightɨ, da pɨrigh, egh men kuaribar amightɨ, me akam baraghan aghuagh, egh men damazibar amightɨ, me ganan iburagham. Puvatɨghtɨma, me ua bizitamɨn ganigh akam baregh an mɨngarim gɨfogham. Egh me navibagh iragh egh na bagh izɨtɨ, kɨ men arazir kuraba gɨn amadaghtɨ, me ua deragham.”

Jeremaia 1:10

Ezɨ datɨrɨghɨn dughiar kamɨn, kɨ kantrin igharazir avɨribar gumazamizibav kɨmamin gavgavim nɨ ganɨdi. Eghtɨ nɨ biziba asiamin gavgavim, ko biziba apɨrarɨghamin gavgavim, ko bizibagh asɨghasɨghamin gavgavim, ko biziba dɨkabɨnamin gavgavim, ko bizibar ingaramin gavgavim, ko biziba oparamin gavgavim, kɨ bar da isa nɨ ganɨdi.”

Hagai 1:2

Egha Hagai kamaghɨn aning mɨgɨa ghaze, “Ikiavɨra Itir Godɨn Gavgaviba Bar Itim kamaghɨn mɨgei, ‘Gumazamizir kaba ghaze, “Godɨn Dɨpenimɨn ingaramim dughiam tɨghar maghɨn otivam.” ’ ”

Hagai 1:4

A ghaze, “Nan gumazamiziba, ia manmaghsua uari bagha dɨpenir bar aghuibar ingara dar itima, nan dɨpenim ikuvigha iti?