Fofozir Gumazim 3:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Amiziba otamin dughiaba iti, ezɨ e bar arɨmɨghiramin dughiaba iti. Egha e dagheba oparamin dughiaba iti, egh e dagheba asiamin dughiaba iti.

Fofozir Gumazim 3:2 ပူးပေါင်းရင်းမြစ်များ

Hibru 9:27

Gumaziba bar dughiar vamɨran ovegh egh gɨn Godɨn kotiamɨn otivam.

Jopɨn Akɨnafarim 14:5

Nɨ en ikɨrɨmɨrimɨn ababanim atɨgha gɨfa, eghtɨ e manmaghɨn dughiaba ko azenibar nguazir kamɨn ikiam? Gumazitam uan ikɨrɨmɨrim bagh ua dughiatam gisɨvaghan kogham.

Galesia 4:4

Ezɨ God kamaghɨn ifonge, e an boribar otivasa, egha Moses Osirizir Arazibar apengan itir gumazamiziba, a uam e givezasa. God fomɨra e givezasa dughiam ginaba. Ezɨ dughiar a fomɨra inabazim datɨrɨghɨn otozɨ, a uan otarim amadazɨma a ize. Ezɨ amizim a bate. Ezɨ a gumazir Moses Osirizir Arazibar apengan itimɨn mɨn oto. Egha e Moses Osirizir Arazibar apengan itir gumazamiziba, a ua e ini.

Luk Osirizir Akar Aghuim 1:20

Nɨ nan akaba baregha nɨghnɨzir gavgavim dar itir puvatɨ. Bizir kam bangɨn nɨ mɨkɨman kogh mamaghɨra ikɨtɨ, bizir kaba otivamin dughiam otogham.”

Matyu 15:13

Ezɨ Iesus me ikaragha ghaze, “Nan afeziar uan Nguibamɨn itim, an azenim iti. Egha bizir a dɨkezir puvatɨziba, a biba sara da asiam.

Jon Osirizir Akar Aghuim 16:21

Amizim borim batasava amuava, a fo, a mɨzazim iniamin dughiam otogha gɨfa. Kamaghɨn an oseme. Egha an otegha gɨvagha, a ua mɨzazir kam gɨnɨghnɨzir puvatɨ. An borim nguazimɨn otogha gɨfa, kamaghɨn amizɨ, a bar akonge.

Aisaia 38:1

Dughiar kamɨn, Asiriaba bar arazir kurabar Judabagh amima, Hesekia arɨmariam inigha atam areme. Ezɨ Emosɨn otarim Aisaia ghuava an ganigha kamaghɨn a mɨgei, “Ikiavɨra Itir God kamaghɨn mɨgei, ‘Nɨn arɨmariam gɨvaghan kogham, a ikɨvɨra ikɨtɨ nɨ ovegham. Kamaghɨn amizɨ, nɨ gumazamizir nɨn dɨpenimɨn itibav kemeghtɨ, me nɨn ingangariba bar dar amu dar kɨrigh.’ ”

Jopɨn Akɨnafarim 7:1

Egha Jop ua kamaghɨn mɨgɨa ghaze: “O God, e nguazir kamɨn itir ikɨrɨmɨrim a kamaghɨn iti, gumazamiziba bar puvɨra ingar ikiam, mati gumaziba ingangarim damuasa e amɨkɨrvagha zui. Egha mati gumazim uan ingangarir ivezim iniasa uabɨ abɨragha, bar pamten ingaravɨra iti.

Aposel 7:20

“Ezɨ dughiar kamɨn Mosesɨn amebam a bate, a Godɨn damazimɨn bar derazir borim. A iakɨnir pumuning ko mɨkezimɨn uan afeziamɨn dɨpenimɨn itima, me an gari.

Aposel 7:17

“Ezɨ God Abraham ko dɨkɨrɨzir Akar Gavgavim guizbangɨra otivasa roghɨra izima, en gumazamizir Isipɨn itiba bar avɨraseme.

Jon Osirizir Akar Aghuim 7:30

Me akar kam baregha a isɨ kalabus darɨghasa. Ezɨ an dughiam tɨgharɨ, kamaghɨn amizɨ, gumazitam an suirazir puvatɨ.

Luk Osirizir Akar Aghuim 1:36

Bizitam Godɨn aven kozir puvatɨ. Nɨn anabam Elisabet, a ghuri, egha a uaghan navim adai. Me ghaze, a navim asangan kogham, ezɨ an navir adasem datɨrɨghɨn iakɨnir 6plan tu.”

Luk Osirizir Akar Aghuim 1:13

Ezɨ ensel kamaghɨn a mɨgei, “Sekaraia, nɨ atiatingan markɨ, nɨ God ko mɨkemezir mɨgɨrɨgɨam, God a baraki. Ezɨ nɨn amuim Elisabet nɨ bagh otarim bategham. Eghtɨ nɨ ziar kam, Jon a datɨgh.

Matyu 13:41

Gumazamizibar Otarim uan enselba amadaghtɨ, me God Bizibagh Ativamin Dughiamɨn aven itir gumazamiziba, men tongɨn itir gumazir arazir kurabagh amiba ko gumazir nɨghnɨzir gavgavibagh asɨghasɨziba, enselba bar me batuegham.

Jeremaia 1:10

Ezɨ datɨrɨghɨn dughiar kamɨn, kɨ kantrin igharazir avɨribar gumazamizibav kɨmamin gavgavim nɨ ganɨdi. Eghtɨ nɨ biziba asiamin gavgavim, ko biziba apɨrarɨghamin gavgavim, ko bizibagh asɨghasɨghamin gavgavim, ko biziba dɨkabɨnamin gavgavim, ko bizibar ingaramin gavgavim, ko biziba oparamin gavgavim, kɨ bar da isa nɨ ganɨdi.”

Aisaia 54:1

Ikiavɨra Itir God kamaghɨn mɨgei, “O Jerusalem, noka! Nɨ mati amizir furabaghatim. Nɨ boritam batezir puvatɨ. Nɨ mati amizir borim batasa an mɨzazim inizir puvatɨzim. Nɨ mati amizir nɨn pam nɨ ataghizim. Egh nɨ gɨn borir bar avɨriba inightɨ, nɨn boribar dɨbobonim, amizir uan pam ko itimɨn boribar dɨbobonim gafiragham. Kamaghɨn amizɨ, nɨ bar akuegh dɨmɨva ighiabar amu.

Aisaia 38:5

“Nɨ mangɨ kamaghɨn Hesekia mɨkemegh, ‘Kɨ Ikiavɨra Itir God, nɨn inazir afeziam Devitɨn God, kɨ nɨn azangsɨzim baregha nɨn temeribar ganigha gɨfa. Kamaghɨn amizɨ, kɨ nɨ ateghtɨ, nɨ ua 15plan azenibar ikegh gɨn ovengam.

Onger Akaba 113:9

An amizir boriba batir puvatɨziba deragha me akɨrizɨ, me borir avɨriba bata bar akonge. E Ikiavɨra Itir Godɨn ziam fam!

Onger Akaba 52:5

Nɨ orakigh, God bar nɨ gasɨghasightɨ nɨ ikuvigh kamaghɨra ikiam. A nɨn dɨpenimɨn nɨn suiragh nɨ batuegh bar nɨ agɨvaghtɨ, nɨ ua nguazir kamɨn ikian kogham. (Ighiam gamua an suiam atugha avughsegha ua ighiam gami.)

2 Atriviba 4:16

Ezɨ Elisa amizim mɨgɨa ghaze, “Azenir munamɨn dughiar kamra, nɨ otaritam uan agharimningɨn a firagham.” Ezɨ amizim a ikaragha ghaze, “Ga uaning, nan gumazir aruam, nɨ Godɨn akam akurir gumazim, nɨ na gifaran markɨ.”

1 Atriviba 13:2

Ikiavɨra Itir God, an akam ofa gamir dakozir kamɨn ikia, egha akam inigha izir gumazim mɨgɨa ghaze, Nɨ kamaghɨn ofa gamir dakozir kam mɨkɨm: “O ofa gamir dakozim, kɨ Ikiavɨra Itir God, kɨ akam nɨn iti. Otarir mam, an ziam Josaia, a Devitɨn ikɨzimɨn aven otivam. An atrivimɨn ikiamim dughiamɨn, a nɨn ofa gamir gumazir nɨ gisɨn ofa gamiba inigh, nɨ gisɨn me arigh me mɨsueghtɨ me arɨmɨghiregham. Egh a gumazir kabar aghariba nɨ gisɨn da tueghtɨ, nɨ bar mɨzegham.”

1 Samuel 2:5

Gumazamizir fomɨra dagher avɨriba itiba, God datɨrɨghɨn me damightɨ me dagheba bagh ingar uan ivezim isi moghɨn da iniam. Ezɨ gumazamizir faragha dagheba puvatɨgha mɨtiriamra itiba, God datɨrɨghɨn dagher avɨriba me danɨngtɨ me ua ingaran kogham. Ezɨ amizir otir puvatɨzim, God datɨrɨghɨn an akurazɨ a borir 7pla bate. Ezɨ amizir borir avɨriba itim, an boriba ovengezɨ a uabɨra iti.

Godɨn Araziba 34:5

Ezɨ Godɨn ingangarir gumazim Moses, Ikiavɨra Itir God a mɨkemezɨ moghɨn, a Moapɨn nguazimɨn ikiava areme.

Jenesis 47:29

A fo, a gurumram ovengam, egha a uan otarim Josepɨn diazɨ, a ize. Ezɨ a kamaghɨn a mɨgei, “Nɨ guizbangɨra bar na gifuegh, uan dafarim isɨ nan buarakɨrimɨn apengan amadagh, akar dɨkɨrɨzir gavgavim damigh suam, nɨ bar arazir aghuimɨn na damuam. Nɨ Isipɨn kantrin narafan kogham.

Jenesis 17:21

Eghtɨ kɨ uan Akar Dɨkɨrɨzir Gavgavim Aisak ko a damuam, borir Sara dughiar kamran azenir munamɨn otamim.”

Aghuzir Akaba 24:27

Nɨ faragh uan azenibar ingarigh dagheba oparigh, egh gɨn dɨpenimɨn ingar.

Aisaia 28:24

Gumazitam dagher ovɨziba oparasa, zurara dughiabar akunimɨn ingaravɨra iti, o? Puvatɨ. A ti dughiabar pura nguazim gɨkuavɨra iti? Puvatɨ.