Fofozir Gumazim 2:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Egha kɨ uan temer avɨrir kaba ruasa ua bagha mozir dɨpar ekiabagh kui.

Fofozir Gumazim 2:6 ပူးပေါင်းရင်းမြစ်များ

Nehemia 2:14

Ezɨ gɨn e ragha ghua notɨn amadaghan ghua Mozir Pamɨn Tiar Akam ko Atrivimɨn Dɨpar Akarer Muziarimɨn oto. Ezɨ danganir kamɨn, tuavir kam kɨrɨzɨma, donkin kɨ aperazir kam mangan ibura.

Jeremaia 17:8

Me mati temem me dɨpar mɨriamɨn anekara. Ezɨ temer kamɨn biba nguazim giraghuegha dɨpam isi. Ezɨ aruem garir dughiam, an atiatir puvatɨ. An dafariba angamɨra ikiavɨra iti. Egha amoziba izir puvatɨzir dughiabar, a nɨghnɨzir avɨribagh amir puvatɨ. A bar ikia mamaghɨra ti.”

Solomon 7:4

Nɨn fɨragharim bar dera, mati tauan ruarir ghurghurim. Nɨn damazimning bar dera, mati dɨpar akarer muziarir Hesbonɨn nguibar ekiamɨn tiar akamɨn boroghɨn itimning. Nɨn atinim bar dera, mati Lebanon geghuvir gumazibar tauan ruarim. Me an ikiava, Damaskusɨn nguibar ekiam geghufi.

Onger Akaba 1:3

Me mati temem, me dɨpar mɨriamɨn anekara. A uan dughiamra bava, dafariba mɨdir puvatɨ. Kamaghɨra, bizir me amiba bar, da deraghavɨrama otifi.

Nehemia 2:8

Ezɨ uaghan kɨ Asap bagh akɨnafaritam osirasa atrivimɨn azara, gumazir kam Atrivimɨn ruaribar gari. Akɨnafarir kam a mɨkemeghtɨ a temer taba na danightɨma kɨ da abɨgham. Eghtɨ ter ararir kabar me Jerusalemɨn dɨvazimɨn tiar akabar ingarɨva, uaghan dɨpenir dɨvazir gavgavim itimɨn tiar akamɨn ingarightɨ, mɨdorozir gumaziba an ikɨ Godɨn Dɨpenimɨn ganam. Egh uaghan nan dɨpenim sara ingaram. Dughiar kamɨn, God na ko ikia nan akurvasi. Kamaghɨn amizɨ, atrivim bizir kabar nan amamangatɨ.

Nehemia 3:15

Ezɨ Kolhosen otarim Salum, a Mispan Distrighɨn gumazir dapanim. A gumazir maba ko, ua Mozir Pamɨn Tiar Akam, an ingari. Egha ter ararir naba inigha tiar akam avasa a gisɨn ivemɨn ingari. Egha tiamning isa tiamɨn danganim garɨgha, egha tiam asamin loghɨn gavgaviba ko ainɨn ruariba isa, tiam dukumasa aning garɨsi. Egha me ghua dɨvazir nam Selan Dɨpar Akarer Muziarim boroghɨn an ingara zui. Dɨvazir nar kam atrivimɨn azenimɨn boroghɨn iti. Egha me uam an ingara ghua Atrivim Devitɨn Nguibar Ekiamɨn ghuavanadir dagɨar adɨdiamɨn oto.

Nehemia 3:16

Ezɨ Asbukɨn otarim Nehemia, a Betsurɨn Distrighɨn akuar mamɨn gumazir dapanim, a gumazir maba ko, dɨvazir nam Salumɨn adarazir boroghɨn an ingara zui. Me dɨvazimɨn ingara ghua, Atrivim Devitɨn mozimɨn otogha ghua, dɨpar akarer gumaziba ingarizim ko mɨdorozir gumazir gavgaviba itir dɨpenimɨn boroghɨn oto.