Fofozir Gumazim 12:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Eghtɨ ia danganir pɨn itibar atiatingɨva, tuavibar aruan buraghburegham. Ian dapanarɨziba ghurghurightɨ, ia daruan asaghasegham. Eghtɨ biziba ia damutɨ, ian naviba da bagh dɨkavan kogham. Eghtɨ ia aremegh mangɨ nguibar ia zurara ikiamimɨn ikiam. Eghtɨ ian nguibamɨn iti darasi, me arang azir akabar amu ikiam.

Fofozir Gumazim 12:5 ပူးပေါင်းရင်းမြစ်များ

Jopɨn Akɨnafarim 17:13

Kɨ Gumazamizir Oveaghuezibar Nguibam baghavɨra mɨzua iti, eghtɨ a nan dɨpenimɨn mɨn ikiam. Egh kɨ nguibar kamɨn dakutɨ mɨtarmem na avaragham.

Jopɨn Akɨnafarim 30:23

Kɨ fo, kɨ aremeghtɨ nɨ na amadaghtɨ, kɨ magɨrɨ danganir nɨ gumazamizir oveaghueziba bagha inabazimɨn ikiam.

Aghuzir Akaba 16:31

Gumazamiziba, gumazir ghuribar dapanir arɨzir ghurghuribar gari, me fo, gumazir ghuriba me arazir aghuibar gɨn ghua, dughiar ruarimɨn nguazimɨn iti. Kamaghɨn, me ziar ekiam me ganɨdi.

Onger Akaba 71:18

Kɨ datɨrɨghɨn ghurigha gɨvagha bar ghurapani. God, nɨ na ataghɨraghan markɨ. Nɨ na ko ikɨtɨ, kɨ nɨn gavgavir ekiamɨn gun gumazamizir gɨn otivamibav kɨmam.

Jopɨn Akɨnafarim 15:10

Gumazir ghurir ghurapaniba e ko iti. Ezɨ men azeniba nɨn afeziamɨn azeniba bar dagh afira.

Ofa Gami 19:32

“Ia gumazamizir ghuribar apengan ikɨ, egh deraghvɨra me damu. Egh ia nan atiating nan apengan ikɨ. Kɨ Ikiavɨra Itir God, ian God, kɨ kamaghɨn mɨkeme.

Hibru 9:27

Gumaziba bar dughiar vamɨran ovegh egh gɨn Godɨn kotiamɨn otivam.

Jeremaia 1:11

Ezɨ Ikiavɨra Itir God gɨn kamaghɨn nan azara, “Jeremaia, nɨ tizimɨn gari?” Ezɨ kɨ a ikaragha ghaze, “Kɨ amonɨn temer aguamɨn gari.”

Aisaia 46:4

Kɨ ian God, kɨ ian ganvɨra ikɨ mangɨ, ia bar ghurigh dapanir arɨzir ghurghuriba otivighamin dughiam otogham. Kɨ fomɨra uabɨ ian ingara ia gamizɨ, ia gumazamizir ikɨzir vamɨran oto, egh kɨ zurara ia aterɨva, ian gan ian akurvagham.

Fofozir Gumazim 9:10

Egh nɨ ingangaritam damusɨ, bar uan gavgavim sara a damu. Nɨ fo, Oveaghuezibar Nguibar nɨ mangamim, nɨ ingangarir tam ko nɨghnɨzitam damuan kogham. Danganir kamɨn, nɨ nɨghnɨzir aghuitam ko fofozir aghuitam inian kogham.

Aghuzir Akaba 20:29

Gumazir igiaba me gavgaviba iti, ezɨ bizir kam gumazamizibagh amima, me me bagha bar akonge. Ezɨ gumazir ghuriba dapanir arɨzir ghurghuriba iti, ezɨ gumazamiziba bizir kam gɨnɨghnɨgha ziar ekiam me ganɨdi.

Jenesis 44:29

Kɨ ghurigha gɨfa, ezɨ ia datɨrɨghɨn uaghan otarir kam inigh nan saghon mangasa. Kamaghɨn osɨmtɨzitam tuavimɨn a batoghtɨ, ia osɨmtɨzir dafam na danightɨ, kɨ aremegh Gumazamizir Oveaghuezibar Nguibamɨn magɨram.’

Jenesis 42:38

Ezɨ Jekop kamaghɨn mɨgei, “Nan otarir kam ia ko mangan kogham. An avebam ovengezɨ, a uabɨra iti. Kɨ ghurigha gɨfa. A mangɨ tuavimɨn osɨmtɨzitam batoghtɨ, ia na damightɨ nan nɨghnɨziba ikuvigham, eghtɨ kɨ aremegh Gumazamizir Oveaghuezibar Nguibamɨn magɨram.”

Jeremaia 9:16

Kɨ me batuegh me amadaghtɨ, me mangɨ tintinibar kantrin fomɨra men inazir afeziaba ko me fozir puvatɨzibar tongɨn me ko ikiam. Eghtɨ kɨ apanibar amamangatɨghtɨ, me men gɨntɨgh mangɨ dughiar kɨ me gasɨghasɨghamim otogham.”