Fofozir Gumazim 11:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ia igiamra itir dughiam, a ruarazir puvatɨ. Kamaghɨn amizɨ, bizir osɨmtɨziba ia ganɨdiba, ia puv dagh nɨghnɨghan markɨ. Egh ia, bizir mɨzazir ian mɨkarzibagh anɨdibar gɨntɨghan markɨ. Kɨ datɨrɨghɨn fo, ia igiamɨn itir ikɨrɨmɨrim uaghan, mati an mɨngariba mongezɨ e dagh fozir puvatɨgha okam nɨghnɨsi.

Fofozir Gumazim 11:10 ပူးပေါင်းရင်းမြစ်များ

2 Korin 7:1

Nan namakar aghuiba, Godɨn e bagha inabazɨ itir bizir kaba e da inigha gɨfa. Kamaghɨn, e inivafɨzim ko duam gami aning mɨzezir biziba, bar da batuegh, Godɨn damazimɨn bar zuegham. Egh e Godɨn atiating an apengan ikiam. Egh uari isɨ bar God danigh, egh Godɨn arazir zuezim zuraram an gɨn mangam.

2 Timoti 2:22

Kamaghɨn amizɨ, ifongiar kurar gumazir igiabar navibar otiviba nɨ akɨrim ragh dagh asaragh. Egh nɨ, arazir aghuiba, ko nɨghnɨzir gavgavim, ko igharaz darazigh ifongezir arazim, ko navir amɨrizimɨn arazim, arazir kabanang nɨ bar pamtem dar suiragh dar gɨn mangɨ. Gumazamizir Godɨn damazimɨn zueziba, me Ekiamɨn ziam fer gumazamiziba, ezɨ nɨ me ko ikɨva arazir kabar amu.

Fofozir Gumazim 12:1

God bar en ingari, kamaghɨn, ia igiamra itir dughiamɨn, ia a gɨnɨghnɨgh. Ia kamaghɨn a gɨn amadagh gɨn ghurightɨ, dughiar kuram ia batoghtɨ, ia vaghvagh kamaghɨn mɨkɨmam, “Kɨ uan ikɨrɨmɨrim gakongezir puvatɨ.”

Fofozir Gumazim 1:14

Overiamɨn apengan otivir biziba bar, kɨ deraghavɨra dar ganigha egha kɨ kamaghɨn fo, bar guizbangɨra, gumazamiziba amir biziba bar, dar mɨngariba bar mongezɨ, e dagh fozir puvatɨgha okam nɨghnɨsi. Da mati gumazim amɨnimɨn suighasa ivegha ghua, an suighan ibura.

Fofozir Gumazim 1:2

Bar fofozir gumazir kam kamaghɨn mɨgɨa ghaze, “Biziba bar, dar mɨngariba bar mongezɨ, bar guizbangɨra, e dagh fozir puvatɨgha bar okam nɨghnɨsi.”

Onger Akaba 39:5

Nɨ ti nan ikɨrɨmɨrimɨn dughiabagh amizɨ da bar otefe. Nan ikɨrɨmɨrimɨn dughiar kam nɨn damazimɨn a pura bizimɨn oto. Gumazamiziba bar, men ikɨrɨmɨrim mati gumazim akamɨn amɨnim giverazɨ a zui. (Ighiam gamua an suiam atugha avughsegha ua ighiam gami.)

Jopɨn Akɨnafarim 20:11

Egh me igiabara uan gavgaviba sara ikɨ, egh zuamɨra puram ovengam.

Jopɨn Akɨnafarim 13:26

Kɨ igiamra ikiava amizir arazir kuraba, nɨ ti dagh nɨghnɨghavɨra iti, egha nɨ arazir kurar kaba ikarvagha osɨmtɨzir ekiam na garɨsi.

Onger Akaba 25:7

Kɨ uan igiamra ikiava amizir arazir kuraba, ko nan arazir akaba batoziba, nɨ dagh nɨghnɨghan markɨ. O Ikiavɨra Itir God, nɨ deragha na gamua bar nan apangkufi, kamaghɨn amizɨ nɨ na gɨnɨghnɨgh.

Aghuzir Akaba 22:15

Boriba onganigha arazir igharagha garibagh ami. Ezɨ kamaghɨn nɨ me akɨrsɨ me mɨsueghtɨ, me arazir kam ategham.

Jopɨn Akɨnafarim 11:12

Nɨ gantɨ, donkin amebam gumazir boritam bateghan kogham. Kamaghɨra nɨ gantɨ gumazir nɨghnɨzir aghuim puvatɨzim, manmaghɨn fofozir aghuim ko nɨghnɨzir aghuim iniam? Bar puvatɨgham.

Onger Akaba 39:6

Gumazamiziba bar, men ikɨrɨmɨrim mati aruem temem gisirazɨ an nedazim otogha iti. Egha me bizir avɨriba iniasa puvɨra ingari, ezɨ men ingangarir kaba pura zui. Gumazamiziba angamɨra ikia bizir avɨriba uari bagha da akuva, egha fozir puvatɨ, men ovevemɨn gɨn tinara da iniam.