Fofozir Gumazim 10:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Gumazir tam mozir ekiam gɨkuigh a ti uabɨ an magɨrɨgham. Eghtɨ gumazitam me dagɨabar ingarizir dɨvazir gavgavim abightɨ, kuruzim ti a givigham.

Fofozir Gumazim 10:8 ပူးပေါင်းရင်းမြစ်များ

Aghuzir Akaba 26:27

Gumazim igharazitav magɨrasa a bagha mozim gɨkuigha, a uabɨ mozir kam giraghu. Egha mati gumazim dagɨam popoegha mɨghsɨamɨn ghuavanadi, dagɨam ua puegha izaghira a gisɨn ghu.

Esta 7:10

Ezɨ me Haman inigha, a Mordekai aguasa asarazir tememram Haman agura. Me kamaghɨn amigha gɨvazɨma atrivim navir amɨrizim isi.

Amos 9:3

Me Karmelɨn Mɨghsɨamɨn orazimɨn mangɨ uari mongeghtɨ, kɨ me buri men apigham. Me magɨrɨ ongarimɨn dɨkɨnimɨn mongeghtɨ, kɨ ongarimɨn itir kuruzir aser dafam mɨkemeghtɨ, a me mɨsuegh me amegham.

Amos 5:19

Dughiar kam kamaghɨn otivam, mati gumazim laionɨn ara ghua bea batozɨ, bea a mɨsuegha aneme. Dughiar kam uaghan kamaghɨn otogham, mati gumazir mam uan dɨpenimɨn aven ghua dɨpenir bɨrimɨn suirazɨ, kuruzim bɨrimɨn ikiava a givi.

2 Samuel 17:23

Ahitofel garima Apsalom an akabar gɨn zuir puvatɨ, ezɨ a ghua uan donki gaperagha uamategha uan nguibar ekiamɨn ghu. A ghua uan biziba ko amuim ko boriba akɨrigha gɨn ghua uabɨ aguraghava areme. Ezɨ an amuim ko boriba an kuam inigha ghua, an afeziabar kuaba afezir danganimɨn anefa.

Gumazir Dapaniba 9:5

Ezɨ a gumazir kurar kaba inigha uamategha Ofran ghugha, uan afeziamɨn dɨpenimɨn ghua uan aveghbuar 70pla, dagɨar dafar mam gisɨn bar me mɨsoghezɨ, me ariaghire. Kar an aveghbuabara, Jerubalɨn otariba. Ezɨ Jotam, Jerubalɨn otarir abuananam arav ghugha modo, kamaghɨn amizɨ, Abimelek a mɨsoghezir puvatɨ.

2 Samuel 18:15

Ezɨ Apsalom aremeghasava amima, 10plan mɨdorozir gumazir Joapɨn afuziba ko biziba ateriba, ivegha Apsalomɨn boroghɨn iza bar an kuam amɨghizɨ, an areme.

Onger Akaba 57:6

Nan apaniba nan suighasa na bagha ivem agura. Mati gumazim asɨzir atiamɨn suighasa azuazim agura. Kɨ magɨramin mozim, me tuavir kɨ zuimɨn an okorezɨ osɨmtɨzir ekiam nan iti. Ezɨ puvatɨ, me atamakuigha uari torir kam giraghue. (Ighiam gamua an suiam atugha avughsegha ua ighiam gami.)

Aghuzir Akaba 11:6

Gumazir aghuiba, men arazir aghuiba, men akurvazi me deraghavɨra iti. Ezɨ gumazir ifavaribagh amiba, me bizibagh ifuer arazimra, me ikiagharɨki.

Fofozir Gumazim 10:9

Eghtɨ gumazitam mɨghsɨamɨn dagɨar dafaba abɨghɨrarɨghtɨ, dagɨaba ti a mɨsuegham. Eghtɨ gumazitam temem abightɨ, temem ti a mɨsueghtɨ a mɨzazim iniam.