Dɨboboniba 7:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Moses Ikiavɨra Itir Godɨn Purirpenim asaragha gɨfa. Egha aruer kamra, a olivɨn borem isa Purirpenim ko an aven itir biziba, ko ofa gamir dakozim ko an biziba bar, dagh ingegha, da isa God ganɨngizɨ, da God baghavɨra iti.

Dɨboboniba 7:1 ပူးပေါင်းရင်းမြစ်များ

Dɨboboniba 7:84

Gumazir dapanir 12plan kaba, ofa gamir dakozim God baghvɨra a danɨngasa, inigha izezir ofa damuamin biziba, ofa gamir gumaziba bar moghɨra da mengezɨ, dar dɨbobonim kamaghɨn ghu: 12plan silvan itarir ekiaba ko 12plan silvan itarir doziba. Dar osɨmtɨzim bar moghɨra, 28 kilogrem.

Matyu 23:19

Ia damazir okavɨrɨziba, bizir manam Godɨn damazimɨn ekefe, ti ofa gamir dakozimɨn itir ofaba, o ofa gamir dakozim uabɨ? Ia fo, ofaba ofa gamir dakozimɨn iti, egha tuavir kamɨn ofan kam Godɨn bizimɨn oto.

1 Atriviba 8:64

Aruer kamra atrivim nguazir Godɨn Dɨpenimɨn guamɨn boroghɨn itir danganir uari akuvim, a Ikiavɨra Itir God bagha anemɨsevezɨ, an a baghavɨra iti. Egha nguazir asɨzir kamɨn, an ofan bar isia mɨghɨriba ko, wit tuamin ofaba ko, God ko navir vamɨran ikiamin ofa bagha asɨzibar oviba isa ofabagh ami. Ikiavɨra Itir Godɨn damazimɨn tughav itir ofa gamir dakozir kam, me faragha brasɨn an ingarizɨ, a mong suvizɨ me an ofan avɨrir kabar amuan iburagha, danganir arozir gumazamiziba uari akuvir kamɨn ofabagh ami.

Dɨboboniba 7:88

Egha God ko navir vamɨran ikiamin ofa damuasa, 24plan bulmakaun apuriba, ko 60plan sipsipɨn apuriba, ko 60plan memen apuriba, ko 60plan sipsipɨn nguzir azenir vamɨra itiba, me bar moghɨra da inigha ize. Me faraghavɨra ofa gamir dakozim gamizɨ, a Ikiavɨra Itir God baghavɨra itir bizimɨn oto, egha gɨn me ofan avɨrir kaba bar dagh ami.

Jenesis 2:3

Ezɨ God dughiar namba 7 gɨnɨghnɨgha deragh a damuasa ghaze, kar an dughiamra. Egha akar gavgavim arɨgha dughiar namba 7ɨn anogorogha ghaze, a biziba bar dar ingari, egha dughiar kamɨn avughse, ezɨ kamaghɨn wighɨn vamɨran vaghvagha dar namba 7ɨn dughiaba, kar an dughiar ekiaba.

Dɨboboniba 7:10

Me olivɨn borem isa ofa gamir dakozim gingegha God ganɨdima, an an bizimra otozir dughiamɨn, gumazir dapaniba uaghan uan ofaba inigha ofa gamir dakozimɨn boroghɨn izegha ofabar amuasava ami.

Ua Me Ini 29:36

Dughiabar zurara nɨ arazir kuraba gɨn amangɨsɨ, bulmakaun vamɨran ofan mɨn ofa damu. Eghtɨ ofan kam ofa gamir dakozim damightɨ a nan damazim bar zuegham. Egh olivɨn borem isɨ ofa gamir dakozimɨn a fugh, anemɨseveghtɨ a nan ofa gamir dakozimra ikiam.

Ua Me Ini 40:11

Egh kamaghɨra soroghafariba ruer itarir ekiam ko anefamin dakozim damigh, eghtɨ bizir kaba uaghan na baghvɨra ikiam.

Dɨboboniba 17:2

“Nɨ Israelian gumazamizibav kemeghtɨ, me 12plan asadivir aghoriba nɨ danɨngightɨ, nɨ 12plan anababar gumazir dapaniba vaghvagh men asadivir aghoriba inigh. Egh 12plan gumazir dapanir kabar ziaba asadivir aghorir kabar da osirigh.