Dɨboboniba 2:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ikiavɨra Itir God Moses ko Aron akar kaba aning ganɨngi:

Dɨboboniba 2:1 ပူးပေါင်းရင်းမြစ်များ

Dɨboboniba 1:54

Ezɨ Moses bizir kabar gun Israelia mɨkemezɨ, me Ikiavɨra Itir God Moses mɨkemezɨ moghɨn, biziba bar dagh ami.

Dɨboboniba 2:2

“Israelia uan purirpenibar ikiamin danganiba aghuva, gumaziba vaghvagh uan anababar ziaba itir fleghɨn boroghɨn uan adarazi ko dapiam, eghtɨ God bativamin Purirpenim, danganir kamɨn tongɨra ikiam. Men purirpeniba tong Godɨn Purirpenimɨn saghon ikɨ, eghtɨ dar tiar akaba an amadaghan mɨtuagh ikɨ.

Dɨboboniba 2:17

“Me tuavimɨn mangamin dughiamɨn, Judan anabamɨn adarazi faragh mangam, eghtɨ anabar igharaziba, me danganir me ikezibar mɨrara, vaghvagh uan ababaniba itir fleghbar suigh men gɨrara mangam. Me dapiamin danganiba, me uarir gɨn zui moghɨra dar ingar. Eghtɨ Livain anabamɨn adarazi na bativamin Purirpenim ater bar men tongɨra ikɨ mangam. Eghtɨ 6plan anababar adarazi Livaibar faragh mangam, eghtɨ 6plan anababar adarazi Livaibar gɨn mangam.

Dɨboboniba 7:2

Ezɨ Israelian anababar gumazir dapaniba, kar gumazir dapanir faragha gumazamizibar ziaba osirigha me mengeziba, me uan ofaba inigha Ikiavɨra Itir God bagha izi. Me 6plan karisba ko 12plan bulmakauba inigha Ikiavɨra Itir Godɨn Purirpenimɨn boroghɨn izi. Gumazir dapaniba vaghvagha bulmakaun vamɨra inigha ize. Egha gumazir dapanir pumuning uaning inigha karisɨn vamɨra inigha ize. Me bar da inigha iza ofa damuasa da arɨki.