Daniel 9:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ “O en God, nan dɨmdiam ko azangsɨzim barakigh. Kɨ kamaghsua, nɨ uan ziar ekiam gɨnɨghnɨgh, ua uan Dɨpenir me asɨghasɨghizir kam akɨrigh, eghtɨ me bar fogh suam, nɨ Ekiam.

Daniel 9:17 ပူးပေါင်းရင်းမြစ်များ

Onger Akaba 80:19

O God, nɨ Ikiavɨra Itir Godɨn Gavgaviba Bar Itim, nɨ uamategh e inigh izɨtɨ, e ua dɨkavigh tuivigh fomɨra ikezɨ moghɨn ua ikiam. Nɨ en boroghɨn ikɨtɨ, nɨn angazangarim e gisiraghtɨ, nɨ deragh e damu. Egh en apangkuvigh en akuraghtɨ e ovengan kogham.

2 Korin 1:20

Godɨn akar dɨkɨrɨzir avɨriba iti. Ezɨ Krais “Guizbangɨra,” akar dɨkɨrɨzir kaba bar dav gei. Kamaghɨn, e Godɨn akam barazima a Kraisɨn ziamɨn ghaze, “A guizbangɨra,” ezɨ e Godɨn ziam fe.

Onger Akaba 80:7

O Ikiavɨra Itir Godɨn Gavgaviba Bar Itim, nɨ uamategh e inigh izɨtɨ, e ua dɨkavigh tuivigh, fomɨra ikezɨ moghɨn ua ikiam. Nɨ uan angazangarim e gisiragh, en apangkuvigh en akuraghtɨ e ovengan kogham.

Onger Akaba 80:3

O God, nɨ uamategh e inigh izɨtɨ e ua dɨkavigh tuivigh, fomɨra ikezɨ moghɨn ua ikiam. Nɨ uan angazangarim e gisiragh, en apangkuvigh en akuraghtɨ, e ovengan kogham.

Akar Mogomem 21:23

Godɨn angazangarir gavgavimra angazangarim nguibar ekiar kam ganɨdi. Ezɨ Sipsipɨn Nguzim uabɨ nguibar ekiar kamɨn lamɨn mɨn iti. Kamaghɨn amizɨ nguibar ekiar kamɨn angazangariba anɨngamin arueba ko iakɨniba puvatɨgham.

Jon Osirizir Akar Aghuim 16:24

Ia fomɨra ikegha iza datɨrɨghɨn, ia nan ziamɨn bizitam iniasa azarazir puvatɨ. Ia azangsɨgh biziba iniam, eghtɨ agorogem bar ian navibagh izɨvagham.”

Daniel 9:19

O Ekiam, en dɨmdiam baragh! O Ekiam en arazir kuraba gɨn amadagh! O Ekiam, e baragh egh en akuragh! Jerusalemɨn nguibar kam ko an gumazamiziba sara, e nɨn adarazira. Kamaghɨn amizɨ, nɨ suighsuighan markɨ. O nan God, nɨ uan ziar ekiam gɨnɨghnɨgh egh zuamɨra en akuragh!”

Onger Akaba 119:135

Kɨ nɨn ingangarir gumazim, nɨ nan boroghɨn ikɨtɨ, nɨn angazangarim na gisiraghtɨ, nɨ deragh na damu. Egh arazir nɨ ifongezibar nan sure damu.

Onger Akaba 80:1

O Israelia geghuvir gumazim, nɨ deravɨra e barakigh. Nɨ sipsipbar mɨn Josepɨn ovavir boribagh eghuva, deragha men gari. Nɨ uan atrivir dabirabim gaperaghav ikia, enselɨn bar gavgavibar pɨn iti. Nɨ uan angazangarim e gisiragh.

Onger Akaba 67:1

God, e kamaghɨn nɨn azai, nɨ deraghvɨra e damuva en apangkuv. Mati nɨn angazangarim e gisirazɨ moghɨn, nɨ ragh en gan en akurvagh. (Ighiam gamua an suiam atugha avughsegha ua ighiam gami.)

Onger Akaba 4:6

Gumazamizir avɨriba bizir aghuibar gan, bar akueghasa ifonge. O Ikiavɨra Itir God, nɨn guamɨn angazangarim e gisirazɨ moghɨn, nɨ bar e gifuegh en boroghɨra ikɨ, egh en apangkuvigh en akurvagh.

Nehemia 1:6

O God, kɨ nɨn ingangarir gumazim, arueba ko dɨmagariba kɨ Israelian akurvaghasa nɨn azangsɨsi, me nɨn ingangarir gumazamiziba. Kamagh amizɨ kɨ kamaghɨn ifonge, nɨ kuarim atɨgh deravɨra nan azangsɨzim baragh. Kɨ guizbangɨra kamaghɨn nɨn damazimɨn mɨgɨa ghaze, kɨ uan inazir afeziaba ko, arazir kuram gamigha gɨfa. Ezɨ erara pu. Puvatɨ, Israelian gumazamiziba bar uaghan arazir kuram gami.

Aisaia 48:11

Kɨ uan ziar ekiam gɨnɨghnɨgha arazir kamɨn ia gami. Gumazamiziba nan ziam gasɨghasɨgh a dɨkabɨn, ziar ekiam igharaz darazir anɨngan kɨ aghua. Bar guizbangɨra, me ziar ekiam narara danɨngam.”

1 Atriviba 8:28

O Ikiavɨra Itir God, nan God, kɨ nɨn ingangarir gumazim, nɨ datɨrɨghɨn nan ararem ko azangsɨzim barakigh.

Onger Akaba 67:2

Eghtɨ nguazimɨn gumazamiziba ganigh nɨn arazibagh fogham. Me kamaghɨn fogham, nɨ gavgavir bar ekiam ikia men akurvasi.

Onger Akaba 74:3

En apaniba nɨn Dɨpenim ko an itir biziba bar dagh asɨghasɨki. Nɨ dɨkavigh izi bizir me fomɨra asɨghasɨghizir kabar ganigh.

Onger Akaba 80:4

O God, nɨ Ikiavɨra Itir Godɨn Gavgaviba Bar Itim. Nɨ dughiar bar ruarimɨn uan gumazamizibar atara, me nɨ ko mɨgeir mɨgɨrɨgɨaba nɨ da barazir puvatɨ.