Daniel 9:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ezɨ nɨ Moses osirizir akabar aven mɨkemezɨ moghɨn e osɨmtɨziba isi. Ezɨ datɨrɨghɨn e uaghan arazir kuram gamir arazim ataghizir puvatɨ, egha nɨ Ikiavɨra Itir God, en God, nɨ e gakongasa e bizitam gamizir puvatɨ. Egha e nɨn guizɨn akam barazir puvatɨ.

Daniel 9:13 ပူးပေါင်းရင်းမြစ်များ

Daniel 9:11

Ezɨ e Israelia bar nɨn Akar Gavgaviba abigha, nɨn akam barazir puvatɨ. Egha akɨrim ragha nɨn akam gasara. E arazir kuram nɨ gami. Kamaghɨn amizɨ, nɨ en arazir kuraba tuisigha gɨfa. Egha Akar Gavgavir kam nɨ Moses ganɨngizɨ an an osiri. Nɨ ivezir kuram gumazamizir akɨrim ragha nɨn akam gasaraziba me danɨngam. Nɨ ivezir kurar kam e gingegha gɨfa.

Jeremaia 2:30

Ian marazi kɨ ivezir kuram me ganɨga, me mɨsoghezɨ me ariaghire, ezɨ ian avɨriba kɨ ia gamizir bizir kamɨn ganigha, me uan arazir kuraba ataghizir pu. Bar puvatɨ. Ia mati laionba asɨziba zuamɨra dar suigha dav sozi da ariaghiri moghɨn, ia nan akam inigha izir gumaziba, mɨdorozir sabamɨn me mɨsoghezɨ me ariaghire.

Aisaia 9:13

Ezɨ Israelian gumazamiziba navibagh irazir puvatɨ. Ikiavɨra Itir Godɨn Gavgaviba Bar Itim, ivezir bar kuram me ganɨngi, ezɨ me uamategha a baghavɨra izir puvatɨ.

Hosea 7:10

Israelian arazir akaba batozim me isa kot gatɨ. Ezɨ me navim gɨrazir puvatɨ, egha Ikiavɨra Itir God, men God, me uam a bagha izir puvatɨ. Bizir kurar avɨriba me batozɨ, me God baghavɨra ikian aghua.

Jeremaia 31:18

“Kɨ Efraimɨn adarazir azir akam baregha gɨfa. Me azia kamaghɨn mɨgei: ‘Ikiavɨra Itir God, nɨ e akɨrasa, mɨzazim e ganɨngi, mati gumazim bulmakaun igiar orazir puvatɨgha akaba batozim mɨsosi. Ikiavɨra Itir God, nɨrara en God, kamaghɨn nɨ ua e ateghtɨ, e uamategh nɨ bagh izam.

Jeremaia 5:3

Ezɨ kɨ Ikiavɨra Itir God ikaragha ghaze: “Kɨ fo, nɨ gumazamizir deravɨra guizɨn arazimɨn gɨn zuiba, nɨ bar me gifonge. Egha nɨ gumazamizir kabav soghezɨ, me mɨzazim baraghizir puvatɨ. Nɨ me akɨrasa me gasɨghasɨghizir bizir kam, me an ganigha fofozim inian aghua. Men dapaniba dagɨabar mɨn gavgafi, ezɨ me uan navibagh iraghan aghua.

Onger Akaba 119:27

Nɨ nan akuraghtɨ kɨ nɨn akabar aven itir akar mɨngaribagh fogham. Kɨ nɨn akar aghuiba zurara dar gan dagh nɨghnɨgham.

Jopɨn Akɨnafarim 36:13

“Gumazamizir nɨghnɨzir gavgavim Godɨn itir puvatɨziba, an osɨmtɨziba me garɨzir dughiabar, me Godɨn anɨngagha, uarir akurvaghasa an azangsɨzir puvatɨ.

Jems 1:5

Ezɨ ian tav nɨghnɨzir aghuibar otevegh, a Godɨn azangsɨghtɨma, God a danɨngam. God pura biziba gumazamiziba bar me ganɨdi, an atarir puvatɨ. Kar Godɨn bizibar anogorozir puvatɨzim, me an azangsɨzima a me danɨngasa bar ifonge.

Efesus 4:21

Ia guizbangɨra Kraisɨn akam baregha gɨfa. Ezɨ ia an gɨn zuir darasi, me guizɨn akamɨn ian sure gamigha gɨfa. Guizɨn akar kam, a Iesusɨn aven iti.

Jon Osirizir Akar Aghuim 10:35

Fomɨra God akar kamɨn gun gumazamizibav keme, egha me mɨgɨa ghaze, me godba. Ezɨ e fo, Godɨn Akɨnafarimɨn itir akam zurara ikɨva, egh ragh igharagh otoghan kogham.

Jon Osirizir Akar Aghuim 8:32

Egh ia guizɨn akam gɨfoghtɨ, guizɨn akam ia damutɨ ia fɨrighɨrɨgham.”

Jon Osirizir Akar Aghuim 6:45

Akar kam kamaghɨn Godɨn akam inigha izir gumazibar Akɨnafarimɨn iti, ‘God bar gumazamizibar sure damuam.’ Ezɨ kamaghɨn gumazamiziba Afeziamɨn akam baregha, Afeziam da fofozim isa na bagha izi.

Luk Osirizir Akar Aghuim 24:45

Egha a nɨghnɨzir aghuiba me ganɨngizɨma me Afeziar Ekiamɨn Akɨnafarimɨn akabar mɨngaribagh fo.

Hosea 7:14

Me ifara na ko mɨgei, egha gumazir na gɨfozir puvatɨzibar mɨn uan mɨsiabar irav ikia puv arai. Me dagheba ko wainɨn dɨpaba iniasa uan asebar deir dughiabar, me tintinimɨn uan mɨkarzibar ghori, mati na gɨfozir puvatɨzir gumazamiziba. Me akɨrim na gasa puvɨra nan akaba batosi.

Hosea 7:7

“Me bret tuamin danganimɨn mɨn puvɨra anɨngaghegha, gumazir dapaniba ko atriviba vaghvagha me mɨsoghezɨ me ariaghire. Men arazir kurar kam men kantrin aven itima, ezɨ gumazitam nan dia na ko mɨgeir puvatɨ.”

Jeremaia 44:27

Kɨ Ikiavɨra Itir God, kɨ guizbangɨra mɨgei, Kɨ deraghvɨra ia damuan kogham. Puvatɨ. Kɨ paza ia damuasa ian gari. Ia Judan Isipɨn iti darasi, kɨ apaniba amadaghtɨ, me izɨ ian taraziv soghɨrarigham. Eghtɨ tarazi dagheba puvatɨgh arɨmɨghiregham. Egh ia bar gevegham.

Aisaia 64:7

Gumazitam nɨn ziam dɨbora nɨ ko mɨgeir puvatɨgha, akurvazim bagha nɨn boroghɨn zuir puvatɨ. E ghaze, en arazir kuraba bangɨn, nɨ bar uan guam en modogha e ataghizɨ, en arazir kuraba e gasɨghasɨghizɨ, e bar ikuvigha iti.

Aisaia 42:9

Ia ganigh! Bizir kɨ fomɨra otivasa mɨkemeziba, da datɨrɨghɨn otivigha gɨfa. Kɨ bizir igharazir tɨghar otivamibar gun ia mɨkɨmam. Eghtɨ ia dagh foghvɨra ikɨtɨ, da gɨn otivam.”

Onger Akaba 119:73

Nɨ uabɨ nan ingarigha deragha nan gari. Nɨ datɨrɨghɨn nɨghnɨzir aghuiba na danɨng, uan Akar Gavgavibar nan sure damu.

Onger Akaba 119:18

Nɨ nan damaziba kuightɨ kɨ bizir bar aghuiba, nɨn Arazibar aven dar ganam.

Onger Akaba 85:4

O God, nɨ en Akurvazir Gumazim. E nɨn azangsɨsi, nɨ en ataran markɨ, nɨ uam e inigh ua bagh izɨ.

Godɨn Araziba 29:4

Egha fomɨra iza datɨrɨghɨn, Ikiavɨra Itir God, ia gamizɨ, ian nɨghnɨziba, ko damaziba ko kuariba pɨrighavɨra itima, ia deraghavɨra bizir kabar mɨngaribagh fozir puvatɨghavɨra iti.

Aisaia 31:1

Ia abuir gumaziba, ia kantri Isipɨn ghuava uarir akurvaghasa, men azangsɨsi, iavzika! Ia bar ikuvigham. Ia Isipian hoziaba ko men karisɨn avɨriba ko karisɨn suizir gumazir bar gavgaviba, ia nɨghnɨzir gavgavim dar iti. Ia ti ghaze, Isipia ian akuragham. Egha ia Israelian Godɨn Bar Zuezim, nɨghnɨzir gavgavim an itir puvatɨ. Egha ia uarir akurvaghasa Ikiavɨra Itir Godɨn azangsɨzir puvatɨ. Kamaghɨn amizɨ, ia bar ikuvigham. Iavzika!

2 Atriviba 22:16

‘Kɨ Ikiavɨra Itir God, kɨ atrivim garir Akɨnafarimɨn itir Akar kaba bar dar gɨn mangɨ, egh kɨ Jerusalem ko an itir gumazamiziba saram asɨghasigham.

Aisaia 43:22

Egha Ikiavɨra Itir God ua kamaghɨn mɨgɨa ghaze: O Israelia, ia Jekopɨn adarasi, ia nan ziam dɨbora, a fer puvatɨ. Manmaghɨn amizɨ ia amɨragha nan aghua?

Aisaia 64:6

E nɨn damazimɨn arazir kurabagh amigha, bar mɨze. E amir arazir kaba e ghaze, da ti derazɨ e dagh ami, arazir kaba nɨn damazimɨn bar ikuvigha, mati inir avɨzir bar pughpurizim. En arazir kurar kabara e gamima, e amɨnim ter afarir mɨdiaribagh ivarazɨ da ghuezɨ moghɨn, e bar mɨsigha atam ariaghire.

Jeremaia 30:14

Ia arazir kurar avɨribagh amigha osɨmtɨzir ekiam iti. Kamaghɨn amizɨ, kɨ ia gasɨghasɨki, mati gumazim uan apanimɨn apangkuvir puvatɨgha, a gasɨghasɨki. Kamaghɨn amizɨ, iavzika, gumazir fomɨra ian namakabagh amiziba, me ia gɨn amadagha gɨfa, egha me ua ia gɨnɨghnɨzir puvatɨ.

Jeremaia 44:23

Ia aseba bagha ofan mɨgharir mughuriar aghuim zuibagh amua, egha arazir kuraba, Ikiavɨra Itir Godɨn damazimɨn dagh ami. Egha ia an Araziba ko an arazir a ifongeziba batuegha, an akabar gɨn zuir puvatɨ. Kamaghɨn amizɨ, dughiar kurar ia batozim ikiavɨra iti.”

Esekiel 16:43

“Nɨ aghɨrimra itima, kɨ bar deravɨra nɨ gami, ezɨ nɨ bizir kam bakɨnɨghɨnigha egha arazir kurar kabagh ami. Nɨ guizbangɨra arazir kurar avɨrir kɨ aghuazibagh ami. Egha nɨ manmaghsua, tuavimɨn amizimɨn arazir kam gami. Kamaghɨn amizɨ, kɨ nɨn arazir kurar kaba ikarvagh egh ivezir kuram nɨ danɨngam. Kɨ Ikiavɨra Itir Godɨn Ekiam, kɨ kamaghɨn mɨkemegha gɨfa.”