Daniel 9:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Egha nɨ en gumazir dapaniba ko e damuasa mɨkemezɨ moghɨn, nɨ bizir kam gami. Egha nɨ Jerusalem puv a gamigha, bar pazavɨram a gasɨghasɨki. Jerusalem gasɨghasɨzir arazir kam, a nguazimɨn itir nguibar igharazibagh asɨghasɨzir arazim bar a gafira.

Daniel 9:12 ပူးပေါင်းရင်းမြစ်များ

Esekiel 5:9

Ia arazir kɨ ifongezir puvatɨzir bar avɨribagh amigha gɨfa. Ezɨ kɨ ivezir kuram ia danɨngɨva arazir fomɨra amizir puvatɨzir kaba, datɨrɨghɨn ia damuam. Egh kɨ ua gɨn kamaghɨn ia damighan kogham.

Aisaia 44:26

Nan ingangarir gumazim nan akam akunɨva, bizir gɨn otivamiba, kɨ a mɨkɨmtɨ, a mangɨ gumazamizibav kɨm, eghtɨ kɨ a mɨgeir akar kabar amutɨ, da guizbangɨram otivam. Kɨ kamaghɨn mɨgɨa ghaze, gumazamiziba ua Jerusalemɨn ikiam. Egh Judan nguibar ekiaba me uamategh dar ingaram. Nguibar apaniba asɨghasɨghiziba, kɨ uamategh da feghtɨ, da dɨkavigh tuivigham.

Jopɨn Akɨnafarim 12:17

Gumazir nɨghnɨzir aghuiba atrivibagh anɨdiba, God men nɨghnɨzir aghuariba batozima, me onganigha bibiabaram arui. Egha a uaghan jasbagh amima, me ongani.

Akɨnafarir Pol Romɨn Nguibar Ekiamɨn Itir Sios Bagha Osirizim 15:8

Kɨ ia mɨgei, Krais Judabar ingangarir gumazimɨn oto. An arazir kam kamaghɨn aka, God mɨkemezir akaba da bar guizbangɨra. Da kamakɨn, God en ovaviba ko amizir akar dɨkɨrɨziba, da guizbangɨra otivigham.

Luk Osirizir Akar Aghuim 21:22

Kar osɨmtɨzibar dughiam, God da isɨ Israelia danɨngɨva, men arazir kuraba ikarvagham. A fomɨra osirizɨ moghɨn otogham.

Matyu 24:21

Dughiar izamin kaba, da osɨmtɨzir ekiabar dughiaba. God nguazim ko overiamɨn ingarizir dughiamɨn iza datɨrɨkɨn, egh ua kamaghɨn dughiatam otoghan kogham.

Matyu 5:18

Kɨ bar guizbangɨra ia mɨgei, Moses Osirizir Arazibar akar muziaritam gɨvaghan kogh, mangɨ nguazim ko overiam gɨvaghamin dughiam otogham. Dar osizirir otevir muziariba ko ababanir me osiriziba, da kamaghɨra ikɨ mangɨ bizir otivamiba bar otivigham.

Sekaraia 1:8

Kɨ dɨmangan irebamɨn mɨn garir bizir mamɨn garima, Ikiavɨra Itir Godɨn enselɨn mam, hoziar aghevim gaperagha izi. A iza danganir zarir mamɨn tevsevibar tongɨn tughav itima, an akɨrangɨn hoziar agheviba ko, baghɨraviba dukumiziba koma, ghurghuriba tuivighav iti. Ezɨ enselɨn maba hoziar kabagh apiaghav iti.

Sekaraia 1:6

Nan akam inigha izir gumaziba, kar nan ingangarir gumaziba, me nan akaba ko, arazir kɨ ifongeziba isa ian ovavibagh anɨngizɨ, me me baraghan aghuagha osɨmtɨzibar aven zui. Egha gɨn me navibagh iragha fogha ghaze, Ikiavɨra Itir Godɨn Gavgaviba Bar Itim, fomɨra mɨkemezɨ moghɨn, en arazir kurar kaba bangɨn ivezir kuram e ganɨngi.

Amos 3:2

A kamaghɨn mɨgei: “Ikɨzir avɨriba nguazir kamɨn iti. Ezɨ kɨ men tongɨn iarara inabazɨ, ia nan gumazamizibara iti, ezɨ kɨ bar deravɨra ia geghufi. Kamaghɨn amizɨ, kɨ ian gantɨ, ia arazir kurabar amutɨ, kɨ bar ada ikarvagh ivezir kuram isɨ ia danɨngam.”

Joel 2:2

Ikiavɨra Itir Godɨn Dughiar Ekiar kam, a bar mɨtarmegham, eghtɨ ghuariar pɨzir avɨriba overiam apazagham. Odezir bɨzir ekiam, mati mɨdorozir gumazibar bɨzir bar ekiam, zuamɨra mɨghsɨabar otifi, mati amɨnim tiasava amua bar mɨtarmangi. Bizir kamaghɨn garitam fomɨram otozir puvatɨgha iza datɨrɨghɨn, egh bizir kamaghɨn garitam gɨn uam otivan kogham.

Esekiel 13:6

Akam inigha izir gumazir ifavarir kaba, me irebabar mɨn garir bizibar aven itir biziba, da bizir ifavariba. Me gɨn otivamin bizibar mɨgɨrɨgɨabav gei, ezɨ da guizbangɨra puvatɨ. Me ghaze, me Ikiavɨra Itir Godɨn akabav gei. Ezɨ puvatɨ, Ikiavɨra Itir God me amadazir puvatɨ. Egha me ti manmaghɨn nɨghnigha ghaze, men mɨgɨrɨgɨabar dagheba otivam? Bar puvatɨgham.

Onger Akaba 148:11

Ia nguazir kamɨn itir atriviba, ko kantriba ko gavmanɨn gumaziba ko gumazir dapaniba ko

Onger Akaba 2:10

Kamaghɨn amizɨ, ia atriviba, ia kuariba arigh oregh nɨghnɨzir aghuim iniam. Ia nguazimɨn gumazir dapaniba, ia akar kam baregh deravɨra uari bagh ganam.

1 Atriviba 3:9

Kamaghɨn amizɨ, nɨ nɨghnɨzir aghuim ko fofozim na danightɨ, kɨ deraghvɨra nɨn gumazamizibagh ativagh men ganam. Egh kɨ fogham, arazir manam a dera, manam ikufi. Puvatɨghtɨ, kɨ manmaghɨra nɨn gumazamizir avɨrir kam gativagh men ganam? Guizbangɨra, gumazitam uabɨ me gativan iburagham. Kɨ uabɨ kɨ fofoziba bar puvatɨ.”

Jeremaia 30:7

Iavzika! Dughiar bar kurar mam otivasava ami. Egha dughiar kam bar dughiar kurar maba bar adagh afira. Nan gumazamiziba, Israelia, me dughiar kamɨn osɨmtɨzir bar ekiam iniam. Eghtɨ kɨ ua me iniam.”

Jeremaia 32:23

Me nguazir kam inigha an ikia, egha nɨn akaba ko Arazir Nɨ Me Ganɨngiziba, me dar gɨn zuir puvatɨ. Me nɨn akam batuegha nɨn Arazibar ikiavkɨni. Kamaghɨn amizɨ, nɨ bizir kurar kabagh amizɨ, da me batifi.

Jeremaia 39:16

“Nɨ Itiopian gumazim Ebetmelek bagh mangɨ, kamaghɨn a mɨkɨm suam: Ikiavɨra Itir Godɨn Gavgaviba Bar Itim, a Israelian God, a kamaghɨn mɨkeme, Kɨ fomɨra nguibar ekiar kam gasɨghasɨghasa, ezɨ datɨrɨghɨn nan akamɨn daghem otogham. Kɨ nguibar ekiar kam deraghvɨra a damuan kogham. Ezɨ nɨ uabɨ bizir kɨ damuasa mɨkemezibar ganam.

Jeremaia 44:23

Ia aseba bagha ofan mɨgharir mughuriar aghuim zuibagh amua, egha arazir kuraba, Ikiavɨra Itir Godɨn damazimɨn dagh ami. Egha ia an Araziba ko an arazir a ifongeziba batuegha, an akabar gɨn zuir puvatɨ. Kamaghɨn amizɨ, dughiar kurar ia batozim ikiavɨra iti.”

Daniel 12:1

Ezɨ enselɨn korotiar ghurghurim aruzim, kamaghɨn mɨgei, “Dughiar kam otivam, enselɨn bar ekiam Maikel, kar Israelɨn gumazamizibar garir ensel, an otogham. Eghtɨ dughiar kamɨn osɨmtɨzir bar ekiam otivam. Egha fomɨra osɨmtɨzir kamaghɨn garitam nguazir kamɨn nguibatamɨn otozir puvatɨ. Ezɨ dughiar osɨmtɨzir kam otivamim, Israelian gumazamizir men ziaba Godɨn akɨnafarimɨn aven itiba God ua me iniam.

Sekaraia 7:12

Guizbangɨra, me uan dapanibagh amizɨ da dagɨabar mɨn gavgafi. Me nan akam baraghan aghua, kɨ Ikiavɨra Itir Godɨn Gavgaviba Bar Itim. Nan Duam akar kam me bagha a isa nan akam inigha izir gumazibagh anɨngi. Ezɨ me akar kamɨn gɨn zuir puvatɨ, ezɨ kɨ puvɨra men atari.

2 Atriviba 22:16

‘Kɨ Ikiavɨra Itir God, kɨ atrivim garir Akɨnafarimɨn itir Akar kaba bar dar gɨn mangɨ, egh kɨ Jerusalem ko an itir gumazamiziba saram asɨghasigham.

Aisaia 43:28

Kamaghɨn amizɨ, ian ofa gamir gumazibar dapaniba, kɨ me gamizɨ, me nan damazimɨn mɨzegha bar aghumsɨki. Ia Jekopɨn anabamɨn adarasi, ia bar moghɨra ikuvighasa kɨ ian amamangatɨs. Gumazamizir igharaziba ia dɨpov ian ingarav akasa, kɨ men amamangatɨ.