Daniel 8:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ezɨ komɨn dozir igiar mam, 4plan komɨn kabar mam gisɨn aghui. Egha komɨn igiar kamɨn gavgavim bar ekefegha ghuavɨra ikia gumazamizir sautɨn amadaghan itiba ko, aruem anadi naghɨn itiba ko, God uan gumazamizibagh anɨngizir nguazir aghuir kamɨn me dɨkabɨra.

Daniel 8:9 ပူးပေါင်းရင်းမြစ်များ

Daniel 11:16

Eghtɨ, Sirian atrivim uan ifongiamɨn bizibar me damuam. Eghtɨ gumazitam an anogoreghan kogham. Egh a nguazir aghuir God uan gumazamizibagh anɨngizir kam inigh, egh nguazir kam gasɨghasɨghamin gavgavim an dafarimɨn ikiam.

Daniel 7:8

Egha kɨ mɨghɨgha 10plan kom kabar gara, komɨn dozir mamɨn garima a mabar tongɨn oto. Ezɨ komɨn igiar kam 3plan komɨn faragha itiba asi. Ezɨ komɨn igiar kam gumazimɨn damazimning ko akam iti. Egha bar akongegha, uabɨ uan ziam fe.

Esekiel 20:15

Egha kɨ gumazamiziba puvatɨzir danganimɨn akar dɨkɨrɨzim gamua me mɨgɨa ghaze, kɨ me inigh nguazir kɨ me bagha inabazimɨn mangan kogham. Nguazir kam bar deragha, nguazir otevir maba bar dagh afira. Nguazir kam bar derazɨ, dagheba an ikia bar deraghavɨram aghui.

Esekiel 20:6

Dughiar kamɨn kɨ akar dɨkɨrɨzim gamua ghaze, kɨ Isipɨn nguazimɨn me inigh nguazir kɨ me bagha inabazimɨn mangam. Nguazir kam bar deragha, nguazir otevir maba bar dagh afira. Nguazir kam bar derazɨ dagheba an ikia, bar deraghavɨram aghui.

Onger Akaba 48:2

Saionɨn Mɨghsɨar kam, an ganganim bar deragha bar pɨn mar iti. A notɨn amadaghan iti, ezɨ atrivir ekiamɨn nguibam an iti. Ezɨ nguazimɨn gumazamiziba mɨghsɨar kam bagha bar ifonge.

Sekaraia 7:14

Bar guizbangɨra, kɨ me batoghezɨ, me ghua Kantrin Igharazibar Gumazamizibar tongɨn, pura guighav iti, mati amɨnir ekiam bizibagh ivara. Ezɨ men nguazir aghuir kam, danganir kuramɨn mɨn otozɨ, gumazitam uam a garuir puvatɨ.”

Daniel 11:21

Ezɨ ensel ghua kamaghɨn Daniel mɨgei, “Eghtɨ gɨn atrivir tam Sirian kantrin otogh, egh an araziba bar ikuvigham. Gumazir kam, Sirian gumazamizibar ifongiamɨn atrivimɨn otoghan kogham, a uan nɨghnɨzimɨn atrivimɨn otogham. Egh a zuamɨra otogh akar asuibav kɨmɨva akar ifavaribar amu, egh Sirian atrivimɨn ikiam.

Jeremaia 3:19

Kɨ Ikiavɨra God, kɨ ua kamaghɨn mɨgei, “Israelia, kɨ fomɨra ia damightɨ ia guizbangɨra nan boribar otivasa nɨghnɨsi. Egha nguazir bar aghuir kam ia danɨngasa bar akonge. Nguazir dirir kam, gumazamizir igharazibar nguaziba bar dagh afira. Eghtɨ ia an ikɨ mamaghɨra ikiam. Kɨ kamaghɨn ia gɨnɨghnɨgha ghaze, ia na dɨpon suam, Nɨ en Afeziam. Egh ia zurara nan gɨn izɨ, uamategh mangan markɨ.

Onger Akaba 105:24

Ikiavɨra Itir God uan adarazir akurazɨ, me borir avɨriba bate. A me gamizɨ, men dɨbobonim men apanibar dɨbobonim gafira.