Daniel 7:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ezɨ farazim laionɨn mɨn gara, avɨzimning ikia taragiar ekiamɨn mɨn gari. Kɨ garavɨra itima me an avɨzimning asigha an suemning asarazɨ a gumazim mɨn tughav iti. Ezɨ me gumazibar nɨghnɨzim a ganɨngi.

Daniel 7:4 ပူးပေါင်းရင်းမြစ်များ

Jeremaia 4:7

Apanir kaba uan nguibam ategha mati laion uan mogomer danganir itim ataki. Apanir kaba nguibar avɨribagh asɨghasɨgha izi. Me izɨ Judan kantri bar a gasɨghasightɨ a bar ikuvightɨ, gumazamiziba ua nguibar kabar ikian kogham.”

Esekiel 17:3

Nɨ kamaghɨn Israelia mɨkɨm suam: “Kɨ Ikiavɨra Itir Godɨn Ekiam, kɨ kamaghɨn mɨgɨa ghaze: Bar maburan kuarazir bagar mam iti, an avɨziba bar ekevegha arɨziba bar ruarigha dirir aghuiba ikia ganganir bar aghuim gami. A mɨghegha Lebanonɨn Mɨghsɨabar ghua temer sidan mamɨn ghuam apɨri.

Matyu 24:28

“Gumazir kuaba iti naghɨn, taragiaba uari akuvagham. Kamaghɨra, Gumazamizibar Otarim izɨtɨma, gumazamiziba bar an ganam.”

Daniel 4:36

Ezɨ kɨ mɨgɨrɨgɨar kam gamir dughiamɨn, nan nɨghnɨzim ua dera, ezɨ kɨ ua uan ziar ekiam ini. Egha datɨrɨghɨn kɨ kantrin faragha ativazim, kɨ uam a gativagh an ganamin gavgavim ini. Ezɨ gumazir nɨghnɨzir aghuiba na ganɨdiba, ko nan gumazir ekiaba, me ua iza na ko iti. Ezɨ kɨ uam atrivimɨn ikia, egha ziar bar ekiam iti, a ziar ekiar kɨ faragha inizim gafira.

Esekiel 28:9

Me izɨ nɨ mɨsoghamin dughiamɨn, nɨ ti kamaghɨn me mɨkɨm suam, kɨ godɨn mam. Nɨ mɨsoghamin adarazi izɨtɨ, nɨ men guamɨn gumazir kɨnimɨn otogh aremegh uam angamɨra ikian kogham. Dughiar kamɨn nɨ fogh suam, nɨ pura nguazir kamɨn gumazir kɨnim! Nɨ god puvatɨ.

Esekiel 28:2

“O nguazir kamɨn gumazim, nɨ Tairɨn atrivim mɨkɨm suam: “Kɨ Ikiavɨra Itir Godɨn Ekiam kamaghɨn a mɨgei: Nɨ puvɨra uabɨ fa, uabɨ mɨgɨa ghaze, nɨ godɨn mam. Nɨ ghaze, nɨ godɨn mamɨn mɨn atrivir dabirabim gaperaghav iti, ezɨ ongarim nɨ ekɨaru. Nɨ ghaze, nɨn nɨghnɨzim godɨn mamɨn nɨghnɨzim ko magh ghu. Ezɨ puvatɨ! Nɨ pura nguazir kamɨn gumazir kɨnim! Nɨ god puvatɨ.

Jeremaia 48:40

Ikiavɨra Itir God kamaghɨn mɨgei: “Ia gan. Apaniba Moap gasɨghasɨghasa bar puvɨra izi, mati kuarazir isam asɨzim iniasa, uan avɨzimning onegha tuigha iraghu.

Jeremaia 25:38

Ikiavɨra Itir God dɨkavigha, laionɨn mɨn uan danganir mogomem ataki. Ikiavɨra Itir God bar anɨngaghegha apaniba amangizɨ, me iza Judabav sosi. Ezɨ men nguazim bar ikuvigha, danganir kɨnim gava.

Jeremaia 4:13

Ezɨ kɨ Jeremaia, kɨ Ikiavɨra Itir Godɨn akamɨn, kamaghɨn gumazamizibav gei, “Ia gan! Apaniba ghuariar pɨzimɨn mɨn pɨghatome, men mɨdorozir gumazibar karisba, mati amɨnir bizibagh asɨghasɨzim pamten iza tɨngagha nɨdi, ezɨ men hoziaba mati kuarazir bagabar mɨn akɨzɨrɨgha bar puvɨra izi. Evzika! E datɨrɨghɨn bar ikuvigha gɨfa.

Onger Akaba 9:20

O Ikiavɨra Itir God, nɨ me damightɨ me bar atiatingigh. Nɨ Kantrin Igharazibar Gumazamiziba kamaghɨn me damightɨ, me bar fogh suam me gavgaviba puvatɨ, me pura bizir kɨniba. (Ighiam gamua an suiam atugha avughsegha ua ighiam gami.)

Jopɨn Akɨnafarim 25:6

Kamaghɨn amizɨ guizbangɨra, e nguazir kamɨn itir gumazamiziba, an damazimɨn zuezir puvatɨ. E mati nguazimɨn aghuvɨziba. E pura bizir kɨniba.”

2 Samuel 1:23

Gumazamiziba bar Sol ko Jonatan gifonge. Aning gumazir bar aghuimning. Aning zurara roroamningɨn mɨn uaningɨn poroghav ikia, kamaghɨra ikia ghuava areme. Aning pamtemɨn uan apanibar agɨntɨsi, egha aning kuarazir isaba asɨzibar agɨntɨzir ivemarir arazim gafira. Egha aning gavgavir ekiam ikia laionɨn gavgavim gafira.

Godɨn Araziba 28:49

Ikiavɨra Itir God, kantrin bar saghuiamɨn itir mamɨn gumaziba inigh izam. Gumazamizir kaba mɨgeir akam, ia a gɨfozir puvatɨ. Me kuarazir bagabar mɨn zuamɨra mɨghegh ia bagh izɨghirɨgham.

Akar Mogomem 13:2

Asɨzir atiar kɨ datɨrɨghɨn garir kam, a kaziar atiar ekiar me kamaghɨn dɨborim lepat, an an mɨn gari. Ezɨ an sueba, asɨzir atiar kurar me kamaghɨn dɨborim bea, an an suebar mɨn gari. Ezɨ an akam laionɨn akamɨn mɨn gari. Ezɨ asɨzir atiar kam, kuruzim uan gavgavim ko atrivir dabirabim ko bizibagh ativamin gavgavir ekiam a ganɨngi.

Daniel 7:5

Ezɨ kɨ garima naba 2ɨn asɨzim, a bean mɨrara gara uan suemningɨn tu. Egha an asɨzir mamɨn iviragharir 3pla uan akamɨn da isaghvɨra, ezɨ tiarir mam a mɨgɨa ghaze, “Aria, nɨ asɨzir tuzir avɨribar amɨ!”

Jeremaia 49:19

Kɨ zuamɨra Idomian nguazimɨn me batuegham, mati laionba sipsipbagh ami mokɨn. Laion Jordanɨn Fanemɨn boroghɨn itir ruarir pɨzimɨn ikegha otogha ghua, sipsipba graziba apa itir danganir aghuimɨn men gɨntɨki. Ezɨ kɨ gumazitam amɨseveghtɨ, a nguazir kam gativagh an ganam. Kɨ kamaghɨn damuamin dughiamɨn, gumazir manam na ko ga akamɨn uaning mɨsogham? Ezɨ tina nan mɨn gavgavir kam iti? Eghtɨ gumazir sipsipbar garir manam na ko apanim damuam? Bar puvatɨgham.

Daniel 2:38

Egha nɨ gamima, gumazamiziba bar, ko asɨziba, ko kuaraziba bar, nɨ me gatifa. Ezɨ nɨ dapanir me golɨn ingarizimɨn mɨn iti.

Daniel 7:12

Ezɨ 3plan asɨzir ikiavɨra itir kaba, me dar gavgaviba agɨfa, eghtɨ da ua bizibagh ativagh dar ganan kogham. Egha me zuamɨra dav soghezɨ da ariaghirezir puvatɨ. Me da ataghizɨma da dughiar bar otevimɨn ike.