Daniel 6:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ezɨ e bar, nɨn gumazir ekiar nɨn kantri gativamiba, e gavmanɨn gumazir dapaniba, ko gavmanɨn faragha zuir gumaziba, ko distrighɨn faragha zuir gumaziba, e bar, nɨ akar bar gavgavitam damuasa, e akam akɨrigha gɨfa. En ifongiam kamakɨn, nɨ gumazamiziba bar me mɨkɨm, eghtɨ 30plan dughiaba me bizitam bagh ase tam o gumazitam ko mɨkɨman markɨ. Me nɨrara nɨ ko mɨkɨm. Eghtɨ gumazitam akar gavgavir kam batueghtɨ, nɨ anekunightɨ a laionba itir mozimɨn magɨrɨ.

Daniel 6:7 ပူးပေါင်းရင်းမြစ်များ

Onger Akaba 59:3

Nɨ gan, gumazir kurar mɨsoziba na mɨsueghtɨ kɨ aremeghasa, uari akuvagha zuamɨra ghua uan danganibar mueghav ikia na bagha gari. O Ikiavɨra Itir God, kɨ arazir kuratam gamizir puvatɨ.

Daniel 3:27

Ezɨ gavmanɨn faragha zuir gumaziba ko, gumazir dapaniba ko, gumazir aruar faragh zuiba ko, gumazir nɨghnɨzir aghuiba atrivim ganɨdiba, me iza Judan gumazir 3plan kabar ganasa uari akufa. Me gara fo, me isizir puvatɨ. Egha avim men dapanir arɨziba ko korotiabar isizir puvatɨ, egha me mɨkarzitam isigha mughazir puvatɨ, egha avir mughuriar tam zuir puvatɨ.

Daniel 3:6

Eghtɨ gumazitam tevimning apɨrigh aviragh, marvir guamɨn ziam fan koghtɨ, e zuamɨra a inigh danganir ekiar avir bar pamten isimɨn aven anekunigham.”

Daniel 3:2

Ezɨ me anetɨgha gɨvazɨma, atrivim uan gavman gumazir dapaniba bar me mɨgɨa ghaze, me izɨ uari akufagh. Eghtɨ gavmanɨn faragha zuir gumaziba ko, gumazir dapaniba ko, gumazir ekiar faragh zuiba ko, nguibamɨn gavmanɨn garir gumaziba ko, dagɨabar garir gumaziba ko, jasba ko, nguibabar gavmanɨn gumaziba me izɨ uari akufagh. Me izɨ, marvir guar Atrivim Nebukatnesar asarazir kam bagh, dughiar faragha zuimɨn an ziam fɨsɨ izam.

Onger Akaba 62:4

Kɨ ziar ekiam iti, eghtɨ ia na abɨragh nan ziar ekiar kam gasɨghasɨghasa. Ia ifavarir arazim bar a gifonge. Ia uan akabar God deragh na damuasa ia a mɨgei, ezɨ ian navir averiaba ghaze, “God a gasɨghasɨkigh.” (Ighiam gamua an suiam atugha avughsegha ua ighiam gami.)

Jon Osirizir Akar Aghuim 12:10

Kamaghɨn amizɨ, ofa gamir gumazir ekiaba uaghan Lasarus mɨsueghtɨ an aremeghasa akam mɨsosi.

Mak Osirizir Akar Aghuim 15:1

Egha bar mɨzaraghara, ofa gamir gumazir ekiaba, ko Judabar gumazir aruaba, ko Judan Arazibagh fozir gumaziba, ko Judan kotɨn aven itir gumazir igharaziba sara, me nɨghnɨzir mam bato. Egha me Iesusɨn dafariba ikegha an akua ghua Pailat ganɨngi.

Matyu 26:4

Egha me arazir mogometamɨn Iesusɨn suiragh a mɨsueghtɨ an aremeghasa tuaviba buria, akabav sosi.

Matyu 12:14

Ezɨ Farisiba dɨkavigha God ko mɨgeir dɨpenim ategha uari akuvagha Iesus mɨsoghasa tuaviba buri.

Onger Akaba 10:9

A laionɨn mɨn uan torimɨn modogha gara iti. A modogh ikɨ egh gumazir onganarazibagh amibar suighasa. A uan iver ekiamɨn men pɨgha men suigha me amɨkɨrvagha zui.

Maika 6:5

O nan gumazamiziba, ia Moapian Atrivim Balak faragha ia gamizir arazir kuram gɨnɨghnɨgh. Beorɨn otarim Balam, ia Balak mɨkemezir akam gɨnɨghnɨgh. Egha ia Sitimɨn nguibam ategha ghua Gilgalɨn zuir dughiamɨn, kɨ amizir bizir ekiabagh nɨghnɨgh. Ia bizir kabagh nɨghnɨgh fogh suam, kɨ ian akurvaghasava bizir aghuibagh ami.”

Daniel 3:11

Eghtɨ gumazitam tevimning apɨrigh aviragh marvir guamɨn ziam fan koghtɨ, nɨ zuamɨra a inigh danganir ekiar avir bar pamten isimɨn aven anekunigham.

Onger Akaba 94:20

Gumazamizir kurar kaba, gumazamiziba arazir kurabar amuasa, me bagha akar gavgaviba akɨri. Nɨ gumazir kamaghɨn amiba ko ingarir puvatɨ.

Onger Akaba 2:2

Nguazir kamɨn itir atriviba, mɨdorozim bagha uari akufi. Ikiavɨra Itir God ko atrivir a ua bagha inabazim, gumazir dapaniba aning dɨkabɨnasa tuaviba buri. Me kamaghɨn mɨgɨa ghaze,

Onger Akaba 83:5

Kantrin kaba Israel abɨnasa uari akuvagha, nɨghnɨzir vamɨram amigha akam mɨsoke.

Daniel 6:16

Ezɨ atrivim gumazibav geima, me Daniel inigha laionbar mozimɨn anekunizɨ a iraghu. Ezɨ a kamaghɨn Daniel mɨgei, “Nɨn Godɨn nɨ nɨghnɨzir gavgavim an ikia egha zurara teviba apɨra an ziam fer kam, a nɨn akuragh.”

Onger Akaba 59:5

O Ikiavɨra Itir Godɨn Gavgaviba Bar Itim, nɨ Israelian God. Nɨ dɨkavigh zuamɨra izɨ ivezir kuram isɨ Kantrin Igharazibar Gumazamizibar anɨng. Gumazir uan namakaba isa apanibar dafaribagh arɨziba, nɨ men apangkuvan markɨ, nɨ bar me gasɨghasɨkigh. (Ighiam gamua an suiam atugha avughsegha ua ighiam gami.)

Daniel 2:4

Egha me kamaghɨn Aramɨn akamɨn atrivimɨn akam ikaragha ghaze, “Atrivim, nɨ bar deraghvɨra ikɨ mamaghɨra ikɨ. E ghaze, nɨ faragh uan irebamɨn e mɨkemeghtɨ, e an mɨngarimɨn gun nɨ mɨkɨmam.”

Daniel 6:22

God uan ensel amadazɨ a iza laionbar akabar kuazɨ da na gasɨghasɨghizir puvatɨ. A fo kɨ deraghavɨra ikia, egha arazir kuratam nɨ gamizir puvatɨ. Kamaghɨn, a nan akura.”