Daniel 6:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Egha gɨn atrivim uamategha uan dɨpenimɨn ghu. Egha dɨmagarir kamɨn daghetam amezir puvatɨgha, gumazamizibar diazɨ me iza a koma aperazir puvatɨ. Egha a uaghan akuava avenge. Bar puvatɨ.

Daniel 6:18 ပူးပေါင်းရင်းမြစ်များ

Daniel 2:1

Nebukatnesar azenir pumuning uan kantrin garava an atrivimɨn iti. Egha dɨmagarir mam, a irebamɨn gani. Ezɨ irebar kam a gamima a bar osemegha akuava avenge.

Esta 6:1

Ezɨ dɨmagarir kamra atrivim deravɨrama akuizir puvatɨ. Egha akɨnafarimɨn aven eghaghanir bizir an kantrin otivizɨ me osiriziba bagha me mɨgei, eghtɨ me da inigh izɨ a bagh dar ponam.

Onger Akaba 77:4

God na gamima kɨ dɨmagaribar akuir puvatɨ. Nan navim bar na basemezɨ kɨ mɨkɨman asa.

Akar Mogomem 18:22

O Babilon! Gitan arareba ko marvibar arareba ko, sɨghaba ko, ararer aghuir igharazir maba ua nɨn aven otivan kogham. Eghtɨ fofozir gumazamizir ingangarir guar igharagha garibagh amiba, me ua nɨn ikian kogham! Eghtɨ dagɨar witba mɨrmɨrimɨn ararem ua nɨn aven otivan kogham!

Fofozir Gumazim 2:8

Kɨ ua bagha gol ko silvan dagɨar avɨriba isi. Ezɨ kantrin igharazibar atriviba ko provinsɨn igharazibar gumazir dapaniba, me uan dagɨaba isa na bagha da amadi. Ezɨ kɨ ighiabagh amir gumazamiziba, me na bagha ighiabagh ami. Egha kɨ amuir dozir avɨriba iti, ezɨ me na damutɨ nan navim bar deragham. Gumaziba bar, arazir kam bagh bar akongegham.

Onger Akaba 137:2

E uan gitabav sozir puvatɨ, e purama da isa en boroghɨn itir temer aguabar da gui.

Jopɨn Akɨnafarim 21:12

Gumazir maba gitaba ko buabav sogha marvibagh ivima, da ararer aghuibagh amima, borir kaba bar akongegha ighiabagh ami.

1 Atriviba 21:27

Ezɨ Ahap, Elaijan akam baregha gɨvagha bar oseme. Egha uan korotiam abigha, azirakar korotiam arugha uan dakozim girɨghav ikia, dagheba ataki. A nɨghnɨzir avɨribagh amua, egha deragha uan ingangaribagh amir puvatɨ.

2 Samuel 19:24

Ezɨ Solɨn igiavotarim Mefiboset uaghan iza Devit bato. Dughiar Devit Jerusalem ataghizimɨn ikegha iza datɨrɨghɨn, atrivim uamategha deragha izezimɨn, Mefiboset uan dagariba ko korotiaba ruezir puvatɨ, egha a uaghan uan ghuamasɨzim gɨsezir puvatɨ.

Daniel 6:19

Ezɨ amɨnim tirazɨma bar mɨzaraghara atrivim dɨkavigha zuamɨra ghua mozimɨn ghu.

Daniel 10:3

Egha dagher isɨngtɨzitam amezir puvatɨgha, asɨzitam ko wainɨn dɨpatam nan akatorim giraghuzir puvatɨ. Egha boretam uabɨ gaghua egha uan dapanir arɨzim akɨrizir pu, bar puvatɨ, ezɨ wighɨn pumuning ko mɨkezim gɨfa.