Daniel 5:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Egha a bar atiatigha, an atiatir guam asaragha, an gavgavim gɨvazɨ, an soroghafariba a ginɨsi.

Daniel 5:6 ပူးပေါင်းရင်းမြစ်များ

Nahum 2:10

Ninive bar ikuvigha, pura danganir kɨnir gumazamiziba puvatɨzimɨn mɨn iti. Gumazamiziba nguibar ekiam ategha tintinibar are. Me puvɨram aguava bar atiatigha, men sueroghofariba nɨsi. Men gavgaviba bar gɨvazɨma, men naviba me gɨghaghirima, men damaziba atiaghiregha guaba bar ghuari.

Daniel 7:28

Kar irebar kɨ ganizimɨn eghaghanim, a kamaghɨra tu. Ezɨ kɨ Daniel, kɨ bar atiatingi, egha atiatir guam asara, egha kɨ bizir kaba puvɨram a dagh nɨghnɨsi.

Esekiel 7:17

Eghtɨ men aghariba men amɨragh gavgaviba puvatɨghtɨ, men teviba me gɨnuighnuigham.

Daniel 4:5

Ezɨ dɨmagarir mamɨn kɨ irebamɨn ganigha bar puvɨram atiatingi. Kɨ irebamɨn aven ganizir biziba na gamizɨ kɨ dɨgavir kuram gami.

Esekiel 21:7

Eghtɨ me ti nɨn azaragham, nɨ tizim bagha tiarim akarava arai? Eghtɨ nɨ kamaghɨn me mɨkɨm suam, ia bativamin bizimɨn mɨgɨrɨgɨam izegha gɨfa. Dughiar kurar kam, izɨ otoghtɨ, atiatim ian navibagh izɨvaghtɨ, ian agharapaniba ian amɨraghtɨ ia gavgaviba puvatɨghtɨ, ian sueba inɨghɨva akongam. Ia deraghvɨram oragh, dughiar kuram otivasav ami. Kɨ Ikiavɨra Itir Godɨn Ekiam kamaghɨn mɨkeme.”

Onger Akaba 69:23

Nɨ men damazibar amightɨ amɨnim men pɨrightɨ, me ua ganan kogham. Nɨ men akɨragharibar amightɨ, me tugh gavgavighsɨ damuva avegham.

Daniel 4:19

Ezɨ Daniel irebamɨn mɨngarim gɨfogha gɨfa, kamaghɨn amizɨma a bar osemegha dɨgavir kuram gamigha, atrivimɨn mɨkɨman atiati. Ezɨ atrivim kamaghɨn a mɨgei, “Beltesasar, irebar kam ko an mɨngarim nɨ damutɨ nɨ osɨmɨva atiatingan markɨ.” Ezɨ Beltesasar a ikara, “Atrivim, kɨ irebar kam mɨkemezir biziba nɨ bativan kɨ ifongezir puvatɨ. Da nɨn apanibara otivasa kɨ ifonge!

Hibru 12:12

Eghtɨ ian aghariba gavgaviba puvatɨgh egh amɨragh ikɨtɨ, ia da fegh ingangarim damu. Eghtɨ ian sueba aremegh pura ikɨtɨ,

Daniel 3:19

Nebukatnesar akar kam baregha egha bar Satrak, Mesak ko Abetnego men anɨngaghegha, an damazimning bar aghefe. Egha a uan ingangarir gumazibav kemeghtɨ me avim atɨghtɨ a puvɨra isiam. Avim faragha kamaghɨn isizir puvatɨ.

Daniel 2:1

Nebukatnesar azenir pumuning uan kantrin garava an atrivimɨn iti. Egha dɨmagarir mam, a irebamɨn gani. Ezɨ irebar kam a gamima a bar osemegha akuava avenge.

Aisaia 35:3

Ia atiatim itir gumazamizibar amutɨ, me atiatingan kogh tuivigh gavgavigh ikɨ. Egh gavgaviba puvatɨzir gumazamiziba gavgavim me danɨng.

Aisaia 5:27

Mɨdorozir gumazir kaba, me bar gumazir gavgavibara. Men tav, an suem a gamima, a irasa amir puvatɨ. Men tav, an damazim akuir puvatɨ. Men tav, uan mɨtem bar deravɨram an amɨghɨnizɨ a fɨriaghɨrɨzir puvatɨ. Men tav, dagarir asuar bar gavgavimning aruzɨ aningɨn beniba dɨghoraghirezir puvatɨ.

Onger Akaba 22:14

Nan gavgaviba bar gɨfa, mati me dɨpam nguazim gingezɨ a ghua pura gɨfa. Nan namnamɨn aghariba bar nan apunapuni. Kendel purama emɨra uaghiri moghɨn, nan navir averiam purama amɨragha uaghiri.

Daniel 5:5

Me kamaghɨn amima, gumazimɨn dafarim zuamɨra bɨrimɨn otogha bɨrim gisɨn osiri. Danganir kamɨn lam isia an angazangarim bar ekefe, ezɨ atrivim bar deraghavɨra dafarir kamɨn garima, an osiri.

Jeremaia 50:43

Babilonɨn atrivim apanir kabar eghaghanim baraghtɨ me izɨtɨ, an atiatigh egh agharapaniba bar an amɨragham. An atiatigh nɨghnɨghɨva avegh, egh an ararem mati, amizim borim batasa mɨzazir ekiam isava arai.