Daniel 5:25 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁵ Akar kam kamakɨn: ‘Dɨpon, dɨpon, tuisɨgh, abɨkigh.’

Daniel 5:25 ပူးပေါင်းရင်းမြစ်များ

Daniel 5:24

Kamaghɨn amizɨ, God dafarir kam amadazɨ an akar kaba osiri.

Daniel 5:26

“Akar kamɨn mɨngarim, ‘Dɨpon,’ a kamakɨn, God nɨ atrivimɨn ikiamin dughiaba dɨponsɨ. Datɨrɨghɨn nɨn dughiar abuananam.

1 Samuel 28:19

Egha bizir kamnaghɨra puvatɨ, a nɨ ko Israelia isɨ Filistiabar agharim darɨgham. Nɨ gurumzaraghan uan otariba ko aremegh izɨ, na ko Gumazamizir Oveaghuezibar Nguibamɨn ikiam. Eghtɨ Ikiavɨra Itir God Filistiabar amamangatɨghtɨ, me Israelian mɨdorozir gumaziba bar me abɨragham.”

2 Eghaghaniba 21:12

Dughiar mam, Godɨn akam inigha izir gumazim Elaija, Atrivim Jehoram bagha akɨnafarir mam osirigha anemaga ghaze, “Ikiavɨra Itir God, a nɨn ovavim Devitɨn God, akam kamaghɨn nɨn iti: Nɨ uan afeziam Atrivim Jehosafat ko nɨn inazim Atrivim Asa, nɨ aningɨn arazir aghuibar gɨntɨzir puvatɨ.

Aisaia 14:11

“Nɨ fomɨra kurkazir aghuibar uabɨn kurtima, gumazamiziba gitaba mɨsogha, ighiabagh amua, nɨn ziar ekiam fe. Ezɨ datɨrɨghɨn, nɨ Gumazamizir Oveaghuezibar Nguibamɨn itima, nguazimɨn apiziba nɨn dakozim gavagham. Eghtɨ nɨ me gisɨn dakuam. Eghtɨ kuruzir muziariba blanketɨn inimɨn mɨn nɨ avaragham.

Aisaia 47:11

Dughiar bar kuram nɨ batogham, eghtɨ nɨ akavsiamɨn gavgavimɨn a gitavɨraghan kogham. Osɨmtɨzir dafam zuamɨra nɨ batogham, eghtɨ nɨ an tuavim apɨramin bizitam damuan kogham. Bizir bar kurar nɨ nɨghnɨzi da nɨ bativan koghamiba, da nɨ batogh bar nɨ gasɨghasigham.

Jeremaia 27:7

Kantriba bar an apengan ikɨ, egh uaghan an otarim ko, an igiav otarir gɨn otivamim sara men apengan ikiam. Me Babilonɨn apengan ikɨ mangɨ, kɨ Babilon gasɨghasɨghamin dughiar kɨ mɨsevezimɨn tugham. Dughiar kamɨn, kantrin avɨriba ko atrivir gavgaviba Babilonɨn dɨkabɨragh, me damutɨ me pura men ingangarir gumazir kɨnibar otivigham.

Habakuk 2:7

Ia gumazir igharaz darazi abɨniziba, ia uari gumazir munamɨn bizim inigh, egh uam a ikarvaghamin osɨmtɨzir ekiaba ikiam. Eghtɨ igharaz darazi zuamɨra ia bagh izɨ, ia mɨkɨm suam, arazir gumazir munamɨn bizim inigha uam a ikarvaghamin, ia zuamɨram a ikaragh. Guizbangɨra, apaniba izɨ ian bizibagh eku, da ater mangam.

Luk Osirizir Akar Aghuim 1:51

A uan dafarimɨn bizir bar gavgavibagh ami. Gumazamizir uarira uan ziaba feba, a men agɨrazɨ me are.

Luk Osirizir Akar Aghuim 12:20

“Ezɨ God a mɨgɨa ghaze, ‘Nɨ gumazir onganim. Dɨmagarir kamra kɨ nɨn ikɨrɨmɨrim inightɨ, nɨ aremegham. Eghtɨ nɨ ua bagha arɨghizir biziba, tina da iniam?’