Daniel 5:23 - Godɨn Eghaghanim: Akar Gavgavir Dɨkɨrɨzir Ghurim ko Igiam

²³ Nɨ uabɨ uan ziam fasa nɨghnɨgha, Ekiar Uan Nguibamɨn Itim, nɨ nan ziam dɨkabɨra. Egha uan ingangarir gumazibav kemezɨ me kavɨn nɨn afeziam Godɨn Dɨpenimɨn iniziba inigha ize. Egha nɨ uan gumazir ekiaba ko uan amuiba ko nɨn amuir doziba ko, ia bar kavɨn kabar wainɨn dɨpaba api. Egha ia marvir guar me gol ko, silva ko, bras ko, ain ko, temeba ko, dagɨamɨn ingarizibar ziaba fe. Ezɨ marvir guar kaba me garir puvatɨgha mɨgɨrɨgɨaba barazir puvatɨgha bizitam gɨfozir puvatɨ. God uabɨra nɨn ikɨrɨmɨrim ko nɨ amir biziba bar dar gara dagh atifa. Ezɨ nɨ an ziam fer puvatɨ.

Daniel 5:23 ပူးပေါင်းရင်းမြစ်များ

Jopɨn Akɨnafarim 12:10

Gumazamizibar ikɨrɨmɨrim ko bizir a ingarizir igharaziba sara, da bar an dafarimɨn iti.

Daniel 4:37

Egha datɨrɨghɨn kɨ Nebukatnesar, kɨ Atrivir Uan Nguibamɨn Itim bagha bar akonge, egha an ziam fa ziar ekiam a ganɨdi. Kɨ fo, bizir ana amiba bar voroghɨra ikia bar dera. Egha a gumazir uan ziaba feba da dɨkabɨri.

Jeremaia 10:23

O Ikiavɨra Itir God, kɨ fo, e gumazamiziba uari uan daroriba gativaghan kogham. E mangamin tuaviba, e deragha dar garir puvatɨ.

Aisaia 37:23

Nɨ uabɨra uan ziam fa, egha nɨ tinara akar kuraba ko dɨbovibar a gami? Nɨ tinara pamtemɨn tiraghtirazir akabar a mɨgei? Nɨ tinara dɨkabɨnasa arazir kabagh ami? Kɨrara, kɨ Israelian Godɨn Bar Zuezim, nɨ bizir kabar na gami!

Aisaia 2:12

Ikiavɨra Itir Godɨn Gavgaviba Bar Itim uabɨ gumazamizir uarira uan ziaba feba abɨnasa dughiar kam amɨsefe. Egh dughiar kamra, bizir ekiar gumazamiziba gara bar akuegha uan ziaba feba, a bar dagh asɨghasɨgham.

Jeremaia 50:29

Ikiavɨra Itir God kamaghɨn Babilonɨn apanibav keme: “Babilon bar puvɨra ifaghata na batoke, kɨ Israelian Godɨn Bar Zuezim. Kamaghɨn amizɨ, ia gumazir barir pibar asa foziba, ia izɨ Babilon mɨsogh. Ia Babilon korogh deragh anevɨnigh. Egh ia Babilonɨn tav ateghtɨ an arɨ mangan markɨ. Me igharaz darazigh asɨghasɨghizɨ moghɨn, Ia pazɨ me damuva, bar me gasɨghasɨkigh.

Aghuzir Akaba 20:24

E nguazir kamɨn itir dughiamɨn, Ikiavɨra Itir God e bagha tuaviba bar adagh inabazɨ da iti. Ezɨ e manmaghɨn tuavir kabagh fogham, da managh zui? Bar puvatɨ.

Jopɨn Akɨnafarim 31:4

God bar nan arazibagh fogha, nan daroribar gari.

Hibru 4:13

Ezɨ bizir God ingariziba, tam Godɨn damazimɨn modoghan kogham. Bar puvatɨ. Ezɨ biziba bar kuiaghiregha Godɨn damazimɨn bar azenara ikiam. Eghtɨ Godra arazir e amiba tuisɨghtɨma e dar a geghanam.

Aisaia 37:19

Egha atrivir kaba, kantrin kabar marvir guaba sarama asɨghasigha da isa avimɨn da tue. Men marvir guar kaba, da guizɨn godba puvatɨ, me temeba ko dagɨaba isa uan dafaribar dar kɨri. Kamaghɨn amizɨ, Asiriaba bar moghɨra dagh asɨghasigha, dagh apongezɨ da isi.

Onger Akaba 139:3

Nɨ nan gari kɨ ingari, o kɨ akui, kɨ amir araziba, nɨ bar dagh fo.

2 Atriviba 14:10

Jehoas akar isɨn zuir kam gamua, ua kamaghɨn Amasia mɨgei, “Kɨ fo, bar guizbangɨra, nɨ Idomia mɨsogha bar me abɨra. Kamaghɨn amizɨ, nɨ bar akuegha uan ziam bar a fe. Nɨ mɨdorozir kamɨn ziar ekiam ini. Egh nɨ datɨrɨghɨn bar akuegh, deraghvɨra uan nguibamɨn ikɨ. Egh nɨ ua e mɨsoghsɨ mɨdorozim foran markɨ. Puvatɨghtɨma, nɨ ko Judan gumazamiziba bar, ia pazavɨra iregh bar ikuvigham.”

1 Timoti 3:6

Gumazamizir datɨrɨghɨra nɨghnɨzir gavgavim Iesusɨn itiba, me Godɨn siosɨn ganan kogham. Me kamaghɨn nɨghnɨgh suam, e gumazamizir aghuiba, egh uan ziaba fam. Eghtɨ God ivezir kuram Satan ganɨngizɨ moghɨn ivezir kuram me danɨngam.

1 Korin 8:4

Ezɨ, asɨzir me marvir guabar ofa gamua apir arazim, kɨ a mɨkɨmasa. E fo, marvir guam, a guizɨn bizim puvatɨ, a nedazir kɨnim. Godɨn avɨriba puvatɨ. Godɨn bar vamɨra iti.

Aposel 17:25

Godɨn kam a uabɨ ikɨrɨmɨrim ko biziba bar gumazamizibagh anɨngi. Egha a bizitamɨn otevezir puvatɨ. Kamaghɨn, e uan dafaribar an akurvagh bizitam damighan kogham.

Habakuk 2:4

Akar kam kamakɨn, ‘Gumazamizir kurar uan navir averiabar aven, uarira uari fa akaba batoziba, me iregham. Ezɨ gumazamizir Godɨn Akar Gavgavibar gɨn zuiba, me nɨghnɨzir gavgavim Godɨn ikɨ, me zurara ikɨvɨra ikiam.’ ”

Esekiel 31:10

“Ezɨ datɨrɨghɨn, kɨ Ikiavɨra Itir Godɨn Ekiam, kɨ kamaghɨn mɨgei: Temer kam bar ruaragha ghuariabar suiragha, uabɨ fa ghaze, bizir tizitam na batogham?

Esekiel 28:17

Nɨ ganganir bar aghuim gamua, uabɨ uabɨ fe. Egha fofozir aghuim ikia ghaze, fofozir kam ziar ekiam ko gavgavim nɨ danɨngam. Kamaghɨn amizɨ, kɨ nɨ kavkɨnizɨ nɨ nguazim girɨ. Kɨ nɨ isɨ azenara atrivir igharazibar damazim datɨghtɨ, me nɨn irɨrim deragh an ganam.

Esekiel 28:5

Nɨ fofozir bar aghuir dagɨar ingangaribagh amiba ikia, egha dagɨar avɨriba uam ada isi. Egha uan dagɨar avɨrir kaba bagha uabɨ fa, uan navir averiamɨn aven puvɨra ifaghati.

Esekiel 28:2

“O nguazir kamɨn gumazim, nɨ Tairɨn atrivim mɨkɨm suam: “Kɨ Ikiavɨra Itir Godɨn Ekiam kamaghɨn a mɨgei: Nɨ puvɨra uabɨ fa, uabɨ mɨgɨa ghaze, nɨ godɨn mam. Nɨ ghaze, nɨ godɨn mamɨn mɨn atrivir dabirabim gaperaghav iti, ezɨ ongarim nɨ ekɨaru. Nɨ ghaze, nɨn nɨghnɨzim godɨn mamɨn nɨghnɨzim ko magh ghu. Ezɨ puvatɨ! Nɨ pura nguazir kamɨn gumazir kɨnim! Nɨ god puvatɨ.

Aisaia 42:5

Ikiavɨra Itir God, an overiamɨn ingarigha a isa inimɨn mɨn an onegha anetɨ. Egha nguazir kamɨn ingarigha, an itir biziba bar dar ingarigha dagh amizɨ, da otivigha aghui. Egha angamɨra ikiamin amɨnim ko gavgavim isa nguazir kamɨn gumazamizibagh anɨngi. Godɨn kamra, uan ingangarir gumazim mɨgɨa ghaze,

Aisaia 33:10

Ikiavɨra Itir God kamaghɨn mɨgei, “Kɨ datɨrɨghɨn dɨkavigh ingangarim damuam, eghtɨ gumazamiziba ganigh nan ziar ekiam fam.

Onger Akaba 146:4

Me arɨmɨghiregh pura ua nguazim gavagh, bizir me damuasa mɨkemeziba, me dar amighan kogham.

Onger Akaba 115:16

Nguibar bar pɨn itim, kar Ikiavɨra Godɨn bizimra. A nguazir kam isa gumazamizibagh anɨngi.

Onger Akaba 104:29

Guizbangɨra, nɨ akɨrim ragha me gasarazɨ me atiati. Men angamɨra itir ikɨrɨmɨrim, nɨ me dama a inizɨ me ariaghire, egha men mɨkarziba ua nguazir mɨnemniamɨn oto.

Gumazir Dapaniba 16:23

Ezɨ dughiar mamɨn Filistiabar atriviba iza uari akuvagha, isar ekiar mam gamua uan asem Dagon bagha ofa gami. Egha me bar akongegha kamaghɨn mɨgei, “En asem en akurazɨma e uan apanim Samsonɨn suiragha anebɨra.”

Jenesis 14:19

Egha bizir bar aghuimɨn Abram gamua kamaghɨn mɨgɨa ghaze, “Godɨn Bar Pɨn Itim overiam ko nguazimɨn ingari, a bar deragh nɨ damu.

Jenesis 2:7

Egha gɨn Ikiavɨra Itir Godɨn Gavgavim nguazim inigha gumazir mamɨn ingari. Egha uan ikɨrɨmɨrir angamɨra itim anɨdir amɨnim isa, gumazimɨn atinimɨn a giverezɨma, an an aven ghu, ezɨ gumazim angamɨra iti.

Akar Mogomem 9:20

Ezɨ gumazamizir igharazir me mɨsoghezɨ, ariaghirezir puvatɨziba, me navibagh irazir puvatɨgha, akɨrim ragha marvir guar me uari ingarizibagh asarazir puvatɨ. Me aseba ko marvir guaba ataghizir puvatɨ. Marvir guar kaba, gumaziba silva ko gol ko bras ko dagɨaba ko temebar dar ingari, da bizibar garir puvatɨgha akaba barazir puvatɨgha aruir puvatɨziba. Me marvir guabar ziaba fer arazim ataghizir puvatɨ.

Aisaia 13:11

Ikiavɨra Itir God kamaghɨn mɨgei, “Gumazamizibar arazir kuraba nguazir kam gizɨfa, kamaghɨn amizɨ, kɨ men arazir kuraba ikarvagh, puv me damigham. Gumazamizir uarira uan ziaba feba, kɨ me dɨkabɨragham. Gumazamizir igharaz darazi paza me gamua uari feba, kɨ pazɨ me damigh men ifaghatir arazim agɨvagham.

Aisaia 14:13

Nɨ ti kamaghɨn nɨghnɨsi, ‘Kɨ mɨkovezibagh afiragh, bar pɨn mar overiamɨn mavanabogham. Egh kɨ uan atrivir dabirabim isɨ, Godɨn mɨkovezibagh isɨn bar pɨn mar anefagham. Egh kɨ uaghan izɨ, notɨn amadaghan itir mɨghsɨar aseba iza uari akuvi naghɨn, a gisɨn bar pɨn mar daperaghɨv ikiam.

Jeremaia 48:26

Ikiavɨra Itir God kamaghɨn mɨgei: “Moap na batoke, kamaghɨn amizɨ, apaniba a dɨkabɨnasa kɨ ifonge. Egh a damightɨ a mati gumazim dɨpar onganim amezɨ moghɨn otogham. A uan mimizibagh isɨn daku, egh tintinibar poghpogham, eghtɨ gumazamiziba an ingarɨva akam.

1 Samuel 17:26

Ezɨ Devit deragha akar kam baraghizir puvatɨgha kamaghɨn an boroghɨn itir gumazibar azai, “Gumazir manatam Filistian gumazir kam mɨsueghtɨ, an aremeghtɨ, Israelian aghumsɨzir kam gɨvagham, eghtɨ atrivim manmaghɨn a damuam? Kɨ kamaghɨn gari, Filistian kam, a gumazir God gɨfozir puvatɨzim, egha uan mɨkarzir mogomemɨn inim atuzir puvatɨ. A uabɨ fava dɨbovir akabar Godɨn Zurara Itimɨn mɨdorozir gumazibav gei.”

1 Samuel 17:36

O atrivim, Filistian gumazir Ikiavɨra Itir God gɨfozir puvatɨzir kam, a gumazir uan mɨkarzir mogomemɨn inim atuzɨ puvatɨzim, a dɨbovir akaba Godɨn mɨdorozir gumazibav gei. Ezɨ kɨ laionba ko beabav soghezɨ moghɨn, arazir kamra, kɨ a damuam.

Jeremaia 50:28

Ia bar oragh! Israelia ko Judan marasi, me Babilon ategha ara uamategha Saionɨn izi. Me kamaghɨn mɨkɨmasa izi, “Ikiavɨra Itir God, en God, a ivezir kuram isa gumazir an Dɨpenim gasɨghasɨziba ikarvasi.”

Daniel 8:11

Egha komɨn kam uaghan Godɨn Nguibamɨn mɨdorozir gumazibar atrivim dɨkabɨnasa. An atrivim bagha zurara ofa gamir arazim agɨvagha, Godɨn Dɨpenim gasɨghasɨgha a gamima a bar mɨze.

Daniel 11:12

Egh a mɨdorozir kam dɨkabɨragh, egh kamaghɨn a bar akuegh uan ziam fam. A tausenplan mɨdorozir gumazir avɨrim mɨsueghtɨ me arɨghiregham, eghtɨ an gavgavim dughiar ruarimɨn ikian kogham.