Daniel 5:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Egha a uan ziam fava, akaba batogha, arazir igharazibagh amima, Godɨn Ikiavɨra Itim, atrivimɨn ikian a batoke, ezɨ an ziar ekiam iraghuzɨ, a uan danganim ataki.

Daniel 5:20 ပူးပေါင်းရင်းမြစ်များ

Hibru 3:13

Ezɨ ia kamaghɨn damuan markɨ, ia kamaghɨn damu, ia zurara dughiabar ia vaghvagh Godɨn gumazamizir igharaziba ko ia, akar aghuim uari danɨng uarir akurvagh egh uan naviba gavgavim dar anɨng. Kamaghɨn arazir kuram tav gifaraghtɨ, a Godɨn gɨn zuir tuavim ateghan kogham. Godɨn Akɨnafarim ghaze, “Datɨrɨghɨn,” e fo, e datɨrɨghɨn ingangarir kam damuam.

Jeremaia 13:18

Ikiavɨra Itir God kamaghɨn na mɨgɨa ghaze: “Nɨ mangɨ akar kam isɨ atrivim uan amebam ko aningɨn mɨkɨm suam, Gua gɨn ua kantri gativaghan kogham. Guan atrivir dapanir asuar dirimning, pura bizir kɨnimningɨn mɨn otogham. Kamaghɨn amizɨ, gua atrivir dabirabimning atakigh.

2 Eghaghaniba 36:13

Sedekaia bar akaba barazi puvatɨgha, navim giraghan aghuagha, Ikiavɨra Itir God, Israelian God bagh, uamategh izan aghua. Nebukatnesar faragha uabɨn gɨn mangasa Akar Gavgavimɨn Sedekaia gamizɨ, a pura Godɨn ziam dɨbora ghaze, a zurara Nebukatnesarɨn akamɨn gɨntɨgham. Egha Sedekaia uaghan Atrivim Nebukatnesarɨn akaba barazir puvatɨgha, uam an apengan itir puvatɨ.

2 Atriviba 17:14

Ezɨ Israelian dapaniba gavgavigha Godɨn akam barazir puvatɨ, egha an akam batuegha uan inazir afeziabar arazibar gɨn zui. Inazir afeziar kaba, me nɨghnɨzir gavgavim Ikiavɨra Itir Godɨn ikian aghua, a men God.

Ua Me Ini 9:17

Egha nɨ uabɨ uan ziam favɨra ikia nan gumazamiziba dɨkabɨragha, mangasa men amamangarɨzir puvatɨ.

Aghuzir Akaba 16:18

Ifaghatir arazim ko uabɨra uan ziam fer arazim, aning nɨ damightɨ nɨ irɨgh bar ikuvigham.

Luk Osirizir Akar Aghuim 18:14

Kamaghɨn amizɨ kɨ guizbangɨra ia mɨgei, gumazir dagɨaba isir kam, a Godɨn damazimɨn dera, egha dɨpenimɨn ghu. Ezɨ igharazim puvatɨ. Gumazamizir uan ziaba feba, God me abɨnam. Eghtɨ gumazamizir uari abɨriba, God me feghtɨ me ziar ekiaba iniam.”

Jeremaia 19:15

“Ikiavɨra Itir Godɨn Gavgaviba Bar Itim, a Israelian God, a kamaghɨn mɨgei, ‘Ia deravɨram oragh! Ia akaba batogha, nan akam baraghan aghua. Ezɨ kamaghɨn bizir kurar kɨ ia damuasa mɨkemeziba, kɨ dar amightɨ, da bar ian nguibar ekiam ko an boroghɨn itir nguibar dozibar otivam.’ ”

Aghuzir Akaba 16:5

Ikiavɨra Itir God, gumazir ifaghata uari uan ziaba feba bar men aghua. Ezɨ e kamaghɨn fo, Ikiavɨra Itir God, me ateghtɨ me pura mangeghan kogham. Puvatɨ. A ivezir kuram me danɨngam.

Daniel 4:37

Egha datɨrɨghɨn kɨ Nebukatnesar, kɨ Atrivir Uan Nguibamɨn Itim bagha bar akonge, egha an ziam fa ziar ekiam a ganɨdi. Kɨ fo, bizir ana amiba bar voroghɨra ikia bar dera. Egha a gumazir uan ziaba feba da dɨkabɨri.

Esekiel 30:6

“Kɨ Ikiavɨra Itir God kɨ kamaghɨn mɨgei: Gumazir manaba Isipian akurvagha me bagha mɨsosi, me bar arɨmɨghiregham. Egh notɨn amadaghan Mikdolɨn nguibamɨn ikegh mangɨ, Sautɨn amadaghan Aswanɨn nguibamɨn tugham. Eghtɨ Isipɨn mɨdorozir gumazir gavgavir ikia uari feba, me bar arɨmɨghiregham. Kɨ Ikiavɨra Itir Godɨn Ekiam, kɨ kamaghɨn mɨkeme.

Jeremaia 48:18

“Gumazir Moap gasɨghasɨghamin ingangarim itim, a ia batogh ian dɨvazir gavgavibagh asɨghasigham. Kamaghɨn amizɨ, ia Dibonɨn nguibar ekiamɨn gumazamiziba, ia mati atrivimɨn guivir dirim uan ziam fe, egh ia uan ziar ekiaba gɨn amadagh, gumazir kɨnibar mɨn nguazir mɨdiarim dapiagh.

Aisaia 47:1

Ikiavɨra Itir God kamaghɨn Babilonian nguibar ekiam mɨgei, “O Babilon, nɨ fomɨra mati atrivir amizim uan atrivir dabirabim gaperaghav iti moghɨn, ziar ekiam iti. Nɨ nguibar bar aghuimɨn mɨn itima, kantrin igharazitamɨn mɨdorozir gumaziba nɨ dɨkabɨrazir puvatɨ, kamaghɨn amizɨ, nɨ mati amizir bar igiar patamɨn itir puvatɨzim mɨn, bar deravɨra iti. Ezɨ datɨrɨghɨn puvatɨ. Nɨn gavgavim gɨvaghtɨ, nɨ uan atrivir dabirabim ategh nguazir kɨnim dapiam. Nɨn mɨkarzim fomɨra deragha iti moghɨn, ua ikian kogham. Egh gumaziba ua nɨn gantɨ, nɨ deragh kurkegh daruan kogham. Bar puvatɨ.

1 Samuel 6:6

Ia ti Isipian atrivim ko an gumazamiziba fomɨra God baraghizir puvatɨzɨ moghɨn damuam, o markiam. God bizir kuraba me ganɨga me gamima, me onganigha Israelia ataghizɨ, me Isipɨn kantri ategha ghue. Ia arazir kam gɨnɨghnɨghɨva, akɨrim ragh God gasan markɨ.

Ua Me Ini 18:11

Ezɨ kɨ datɨrɨghɨn fo, Ekiam bar godɨn igharazibagh afiragha kamaghɨn ami. Isipia akaba batoghava paza ia gamima, Ikiavɨra Itir God ian akura. Ezɨ kɨ datɨrɨghɨn fo, Ikiavɨra Itir God bar gavgavizɨ, an gavgavim godɨn igharazibar gavgavibagh afira.”

Esekiel 31:10

“Ezɨ datɨrɨghɨn, kɨ Ikiavɨra Itir Godɨn Ekiam, kɨ kamaghɨn mɨgei: Temer kam bar ruaragha ghuariabar suiragha, uabɨ fa ghaze, bizir tizitam na batogham?

Daniel 8:8

Egha memen kam bar puvɨra ifaghata, uan gavgavim akakasi. Egha an gavgavim bar ekevezir dughiamɨn, an komɨn ekiam dɨpɨri. Ezɨ an danganimɨn 4plan komɨn igharaziba otifi. Egha da bar ekefe. Ezɨ komɨn 4plan kaba nguazimɨn 4plan ruaghateviba bar dar gari.

Daniel 11:36

“Eghtɨ Sirian atrivir kam uan ifongiamɨn bizibar amuam. Egh a uabɨ uan ziam fɨva kamaghɨn mɨkɨm suam, kɨ aseba bar dagh afira. Egh an akar dɨbovibav kɨmɨva, Godɨn Bar Pɨn Itimɨn ziam dɨkabɨnam. A kamaghɨra damu mangɨvɨra ikɨ mangɨtɨ Godɨn anɨngagharimɨn dughiam otogham. Guizbangɨra, God uan nɨghnɨzimɨn gɨn mangɨ, biziba bar dar amuam.

Ua Me Ini 9:7

Ezɨ atrivim uan gumazir maba amadagha men azara, “Israelian asɨziba deragha iti, o puvatɨ?” Ezɨ gumazir kaba uamategha kamaghɨn a mɨgei, “Are, da bar deraghvɨra iti. Tam aremezir puvatɨ.” Ezɨ an navim ua gavgavizɨ, a gumazamiziba ateghtɨ me mangan an aghua.

2 Eghaghaniba 32:25

Hesekian arɨmariam gɨn gɨvazɨ, a Ikiavɨra Itir God, an akurazir bizir ekiar kam gɨnɨghnɨzir puvatɨ. A uabɨ fava, Ikiavɨra Itir God mɨnabazir puvatɨ. Kamaghɨn amizɨ, Ikiavɨra Itir God an anɨngaghegha, a ko, Juda ko, Jerusalemɨn gumazamizibagh asɨghasɨghasava ami.

Daniel 4:26

Nɨ ensel barazi, a temer dakam ateghtɨ a nguazimɨn aven ikiasa mɨkeme. Bizir kamɨn mɨngarim kamakɨn, nɨ bar kamaghɨn fogh mɨkɨm, God Uabɨra Nguazimɨn Biziba Bar Dagh Atifa. Nɨ fogha gɨfa, egha gɨn nɨ uam atrivimɨn otivam.

Daniel 4:28

Ezɨ Daniel mɨkemezɨ moghɨra, bizir kaba bar Atrivim Nebukatnesar batifi.