Daniel 5:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ezɨ datɨrɨghɨn Belsasar atrivir igiamɨn otogha, dɨmagarir mamɨn a isar ekiar mam gamua, egha uan gumazir ekiar tausen plan diazɨ me isar kamɨn izegha, a ko wainɨn dɨpam api.

Daniel 5:1 ပူးပေါင်းရင်းမြစ်များ

Esta 1:3

An atrivimɨn azenir namba 3ɨn dughiam, a uan ingangaribar faragha zuir gumaziba ko, gavmanɨn gumazir ekiaba isar ekiam bagha men dia. Ezɨ Persian kantri ko Midian kantrin mɨdorozir gumazir dapaniba ko provinsbar garir gumaziba ko gumazir ekiaba me bar izegha a ko iti.

Aisaia 22:14

Ikiavɨra Itir Godɨn Gavgaviba Bar Itim, a uabɨ na batogha mɨgɨrɨgɨar kam nan kuarim gatɨ, “Kɨ ian arazir kurar kam gɨn amadaghan kogh, mamaghɨra ikɨ mangɨ ia aremeghtɨmra gɨvagham.” Kar Ikiavɨra Itir God, Godɨn Gavgaviba Bar Itim, a nan Ekiam, an akam.

Aisaia 22:12

Egha bizir kaba otivir dughiamɨn, Ikiavɨra Itir Godɨn Gavgaviba Bar Itim, nan Ekiam, a kamaghɨn ifonge, Ia aziv arang kuarkuv, egh uan dapaniba bar dagh isegh, egh azir korotiabar aghuigh.

Nahum 1:10

Ia mati gumazim dɨpar onganim amegha bar ongani, eghtɨ a bar ia agɨvagham, mati avim benir dɨkoniba ko, grazir bar mɨsɨngizibar isi.

Jeremaia 51:57

Atrivir kam, an ziam, Ikiavɨra Itir Godɨn Gavgaviba Bar Itim, kamaghɨn mɨkeme: “Kɨ Babilonɨn gumazir dapanibar amightɨ, me wainɨn dɨpabar ameghɨva onganigham. Kar fofozir gumaziba ko, gumazir ekiaba ko, gavmanba ko, mɨdorozir gumaziba. Me daku onganigh, ua dɨkavighan kogham.

Jeremaia 51:39

Ezɨ kɨ Ikiavɨra Itir God, kɨ guizbangɨra mɨgei: Men naviba arazir kurabar amusɨ dɨkavamin dughiamɨn, kɨ isar ekiatam me bagh a damightɨ, me dɨpar onganir avɨribar amɨva, bar ikuvigham. Egh me gɨn dakuv onganigh, egh ua dɨkavighan kogham.

Jenesis 40:20

Ezɨ namba 3ɨn dughiam Isipɨn atrivim uan ingangarir gumaziba bagha isar ekiam gami, me isar kamɨn ikɨ amebam a batezir dughiam gɨnɨghnɨgham. Ezɨ a gumazir wainɨn ingarim ko bretɨn ingarim inigha uan ingangarir gumazibar guamɨn aning asara.

Jeremaia 50:35

Ikiavɨra Itir God kamaghɨn mɨgei: “Babilonɨn kantri ikuvigham. Eghtɨ Babilonɨn gumazamiziba ko gumazir dapaniba ko, fofozir gumaziba sara ikuvigham.

Daniel 5:30

Ezɨ dɨmagarir kamra, Midian kantrin gumaziba iza Babilonɨn Atrivim Belsasarɨn mɨsoghezɨ ana areme.