Daniel 4:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ gɨn Daniel izi. (An ziar mam Beltesasar, ziar kam nan asemɨn ziam. Guizbangɨra, aser bar gavgavibar duaba nɨghnɨzim Daniel ganɨngi.) Ezɨ kɨ uan irebamɨn gun a mɨgei. Kɨ kamaghɨn a mɨgei:

Daniel 4:8 ပူးပေါင်းရင်းမြစ်များ

Daniel 1:7

Egha Aspenas ziar igiaba me garɨki. Daniel a Beltesasar a gatɨ, egha Hanania a Satrak a gatɨ, egha Misael a Mesak a gatɨ, egha Asaria an Abetnego a gatɨ.

Daniel 5:14

Kɨ kamaghɨn oraki, aser bar gavgavibar duaba nɨghnɨzim nɨ ganɨngi, ezɨ nɨ fofozir ekiaba ko nɨghnɨzir aghuiba iti.

Daniel 4:18

Egha kɨ ua kamaghɨn Daniel mɨgei, kɨ uan irebam nɨ mɨkemegha gɨfa. Nan fofozir gumaziba irebamɨn mɨngarimɨn gun na mɨkɨman ibura. Kamaghɨn amizɨ, Beltesasar, nɨ datɨrɨghɨn an mɨngarimɨn gun na mɨkɨmam. Kɨ fo, aser bar gavgavibar duaba nɨghnɨzim nɨ ganɨngi, kamaghɨn nɨrara na mɨkɨmam.

Daniel 4:9

“Beltesasar, fofozir gumazibar gumazir dapanim, kɨ fo, aser bar gavgavibar duaba, nɨghnɨzim nɨ ganɨngizɨ, ezɨ bizitam nɨn pɨn kogh, nɨn modoghan kogham. Ezɨ nɨ datɨrɨghɨn nan irebam baragh, egh an mɨngarimɨn gun na mɨkɨm.

Daniel 2:11

Atrivim, bizir nɨ en azangsɨziba, e dav kɨman ibura. Ezɨ gumazitam dar amighan kogham. Aseba dar amuam. Egha aser kaba da gumaziba ko itir puvatɨ.”

Jeremaia 50:2

“Nɨ Kantrin Igharazibar Gumazamiziba bagh mangɨ, akam me mɨkɨn. Nɨ nir avɨzim fegh ghuanang, eghtɨ gumazamiziba an ganigh, izɨ akam baragh. Egh akam mongan markɨ. Nɨ mangɨ kamaghɨn me mɨkemegh, ‘Apaniba Babilonɨn nguibam inigha gɨfa. Babilonɨn aser kam, Bel, a bar aghumsɨki. Ezɨ asem Marduk dɨgavir kuram gami. Ezɨ Babilonɨn asebar marvir guaba bar aghumsɨki, ezɨ dar nedazir kuriba dɨgavir kuram gami.’ ”

Aisaia 63:11

Egha me gɨn God fomɨram amizir bizibagh nɨghnɨsi. Men nɨghnɨzim uamategha Moses ko an gumazamizibar ghua kamaghɨn mɨgei: “Ikiavɨra Itir God managh iti? A fomɨra uan gumazamiziba ko, men gumazir dapaniba inigha izima, me iza ongarim abigha vongɨn oto. Ikiavɨra Itir God managh iti? A fomɨram uan Duam amadazɨ, a men tongɨn iti.

Aisaia 46:1

Ikiavɨra Itir God kamaghɨn mɨgei, “Ia Babilonia, ian aser kamning, Bel ko Nebo, ia aningɨn ziamning fava, egha aningɨn marvir guamning atera, aningɨn ziamning famin dughiar ekiabagh arui. Eghtɨ aningɨn ziar ekiamning gɨvaghtɨ, ia aningɨn gantɨ, aning uaningɨn akurvaghamin gavgaviba puvatɨgham. Egh apaniba izɨ Babilonɨn nguibar ekiam gasɨghasɨghtɨ, ia donkibar aning ikegham. Eghtɨ donkiba, mevzika, da ingangarir dafam damu, aning ater mangɨ ia ko kantrin igharazimɨn kalabusɨn ikiam.

Jenesis 41:38

Egha atrivim uan gumazir dapaniba kamaghɨn me mɨgei, “Godɨn Duam gumazir kamɨn aven iti. Ezɨ ingangarir kam damuamin gumazitam an mɨn itir puvatɨ.”

Daniel 2:26

Ezɨ Daniel, an ziar mam Beltesasar, atrivim kamaghɨn an azara, “Nɨ nan irebam ko an mɨngarim mɨkɨmamin fofozim iti?”

Daniel 3:14

Me izegha gɨvazɨma a kamaghɨn men azai, “Satrak ko Mesak ko Abetnego, me ghaze ia nan aseba ko godɨn marvir guar kɨ asarazir kam ia uaghan teviba apɨra aviragha an ziam fer puvatɨ. Guizbangɨra, o?