Daniel 4:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Kɨ Nebukatnesar, nɨmɨra uan dɨpenimɨn aperaghav ikia uan ingangaribar garima, da bar deragha oto. Egha kɨ bizir avɨrim ikia, egha bar akuegha iti.

Daniel 4:4 ပူးပေါင်းရင်းမြစ်များ

Sefanaia 1:12

Dughiar kamɨn, kɨ lamba inigh Jerusalemɨn averiam buriam. Gumazir nan arazibagh ifongezir puvatɨziba, me ghaze me uari biziba bar dar amuam. Me ghaze God pura iti. A gumazir aghuibar akurvazir puvatɨgha, gumazir kurabar araziba ikarvazir puvatɨ. Eghtɨ kɨ gumazir kabagh asɨghasigham.

Esekiel 29:3

Nɨ kamaghɨn a mɨkɨm suam: “Kɨ Ikiavɨra Itir Godɨn Ekiam, kɨ kamaghɨn Isipɨn atrivimɨn mɨgɨa ghaze, Kɨ nɨn apanim gami. Nɨ mati, goar bar dafar Isipɨn dɨpabar itim. Nɨ ghaze, Nailɨn Fanem, nɨ ua bagha an ingarizɨ a nɨn bizimra.

Esekiel 28:17

Nɨ ganganir bar aghuim gamua, uabɨ uabɨ fe. Egha fofozir aghuim ikia ghaze, fofozir kam ziar ekiam ko gavgavim nɨ danɨngam. Kamaghɨn amizɨ, kɨ nɨ kavkɨnizɨ nɨ nguazim girɨ. Kɨ nɨ isɨ azenara atrivir igharazibar damazim datɨghtɨ, me nɨn irɨrim deragh an ganam.

Jeremaia 48:11

Ikiavɨra Itir God kamaghɨn mɨgei: “Moapɨn kantri fomɨra igiamra ikegha iza datɨrɨghɨn dughiar kamɨn tu, apanitam iza a gasɨghasɨghizir puvatɨ, egha gumazamiziba inigha ghua kantrin igharazimɨn me isa kalabus gatɨzir puvatɨ. Moap mati wainɨn aghuim, gumaziba an ingarigha, anetaghizɨ a iti. Me dɨpar mɨsevir tabar a ruizir puvatɨ. Ezɨ an isɨngtɨzim kamaghɨra ikia, egha an mughuriam dera.

Aisaia 56:12

Me uari akuvazir dughiamɨn, me vaghvagha kamaghɨn uariv gɨa ghaze, ‘Aria, ia izɨ, kɨ wainɨn dɨpam inigh, e anemɨ mangɨ e uan ifongiaba agɨvaka. Egh e, gurumzaraghan uam uari akuvagh bar an dafam damuam.’ ”

Daniel 4:19

Ezɨ Daniel irebamɨn mɨngarim gɨfogha gɨfa, kamaghɨn amizɨma a bar osemegha dɨgavir kuram gamigha, atrivimɨn mɨkɨman atiati. Ezɨ atrivim kamaghɨn a mɨgei, “Beltesasar, irebar kam ko an mɨngarim nɨ damutɨ nɨ osɨmɨva atiatingan markɨ.” Ezɨ Beltesasar a ikara, “Atrivim, kɨ irebar kam mɨkemezir biziba nɨ bativan kɨ ifongezir puvatɨ. Da nɨn apanibara otivasa kɨ ifonge!

Daniel 2:11

Atrivim, bizir nɨ en azangsɨziba, e dav kɨman ibura. Ezɨ gumazitam dar amighan kogham. Aseba dar amuam. Egha aser kaba da gumaziba ko itir puvatɨ.”

Daniel 5:8

Ezɨ fofozir gumaziba aven izegha gɨvazɨ, atrivim akar kam bar me mɨkemez, men tav akar kam dɨponan ibura. Egha men tav akar kamɨn mɨngarimɨn gun atrivim mɨkemezir puvatɨ.