Daniel 4:37 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁷ Egha datɨrɨghɨn kɨ Nebukatnesar, kɨ Atrivir Uan Nguibamɨn Itim bagha bar akonge, egha an ziam fa ziar ekiam a ganɨdi. Kɨ fo, bizir ana amiba bar voroghɨra ikia bar dera. Egha a gumazir uan ziaba feba da dɨkabɨri.

Daniel 4:37 ပူးပေါင်းရင်းမြစ်များ

1 Samuel 2:3

“E gumazamiziba, e kamaghɨn deragh fogham, Ikiavɨra Itir God bizir e amiba, a bar dagh fo, egha a en araziba tuisɨsi. Ezɨ ia gumazamizir pura tiariba akarava aruava uan ziaba feba, ia arazir kam ategh uan akaba dukuagh.

Godɨn Araziba 32:4

En God zurara kamaghɨra iti. A zurara guizɨn arazibaram ami. A mati dagɨar ekiar mamɨn mɨn gavgavigha kamaghɨra iti. A zurara uan akamɨn gɨn ghua egha ifarir puvatɨ. Ezɨ an araziba bar deragha egha voroghɨra iti. A guizɨn arazimɨn gɨn ghua biziba tuisɨgha egha ifarir puvatɨ.

Esekiel 16:63

Nɨ amizir arazir kuraba, kɨ bar ada gɨn amadagham, eghtɨ nɨ dagh nɨghnɨgh bar aghumsigh mɨkɨman akabagh asagham. Kɨ Ikiavɨra Itir Godɨn Ekiam, kɨ kamaghɨn mɨkemegha gɨfa.”

Onger Akaba 119:75

O, Ikiavɨra Itir God, kɨ fo bizir nɨ damuasa mɨkemeziba da bar guizbangɨra. Nɨ bar na gifuegha, nan araziba akɨrmɨghasa osɨmtɨzim na ganɨngi.

Ua Me Ini 18:11

Ezɨ kɨ datɨrɨghɨn fo, Ekiam bar godɨn igharazibagh afiragha kamaghɨn ami. Isipia akaba batoghava paza ia gamima, Ikiavɨra Itir God ian akura. Ezɨ kɨ datɨrɨghɨn fo, Ikiavɨra Itir God bar gavgavizɨ, an gavgavim godɨn igharazibar gavgavibagh afira.”

Aposel 17:24

“Godɨn mam iti, a nguazir kam ko an itir biziba bar dar ingari, anarɨra overiam ko nguazimɨn Ekiam. Egha a gumaziba dafaribar ingarir dɨpenibar itir puvatɨ.

Akar Mogomem 15:3

Egha me Godɨn ingangarir gumazim, Moses ko Sipsipɨn Nguzim, me aningɨn ighiam gamua kamaghɨn mɨgei: “Ekiam God, nɨ Godɨn Gavgaviba Bar Itim! Nɨ arazarazir igharagha garir ekiabagh ami, ezɨ e dar gara dɨgavir kurabagh ami! Gumazamiziba bar nɨ men atrivim! Nɨn araziba, da bar deragha bar guizbangɨra!

Matyu 11:25

Egha dughiar kamɨn Iesus kamaghɨn mɨgei, “Afeziam, nɨ nguazim ko overiam gativazir Ekiam! Nɨ fofozim ko nɨghnɨzir aghuiba itir gumazamiziba bizir kaba men modo, egha boribar mɨn itir gumazamizibar aka. Kamaghɨn kɨ nɨ mɨnabi.

Daniel 4:34

Gɨn 7plan azeniba gɨvazɨ, kɨ Nebukatnesar, kɨ kogha Godɨn nguibamɨn gara, egha nan nɨghnɨziba ua dera. Egha kɨ Godɨn Bar Pɨn Itim bagha bar akonge. A Godɨn ikia mamaghɨra itim, kamaghɨn, kɨ an ziam fam. Egha kɨ kamaghɨn mɨgei: God atrivimɨn ikɨ mamaghɨra ikiam. Eghtɨ an atrivir kam dughiabar ikɨvɨra ikiam.

Aisaia 5:16

Ikiavɨra Itir Godɨn Gavgaviba Bar Itim uan arazir aghuimɨn gumazamiziba akɨr men akagham, egh a uabɨ ziar ekiam iniam. Egh a uabɨ gumazamizibar akagh suam, a Godɨn arazir aghuiba ko arazir zuruzibaram amim.

Onger Akaba 99:4

Atrivir gavgavim, nɨ arazir aghuiba bagha ifonge. Nɨ arazir aghuimra Israelia e gamizɨ e an gɨn zui. Nɨ e gamizɨ, e kotɨn aven deragha gumazamizibar araziba tuisɨsi.

Akar Mogomem 16:7

Ezɨ kɨ orazi tiarir mam Godɨn ofa gamir dakozimɨn aven otogha pamten diagha ghaze: “Ekiam, nɨ Godɨn Gavgaviba Bar Itim. Nɨ kotɨn gumazamizibar araziba bar guizbangɨra da tuisɨsi, ezɨ nɨn kotiam a bar guizbangɨra ghua egha bar dera.”

Daniel 5:4

Egha me wainɨn dɨpaba apa ikiava, aser me gol, ko silva, ko bras, ko ain, ko temem, ko dagɨamɨn, ingarizir marvir guabar ziaba fe.

Daniel 4:3

God arazarazir bar ekiabar en aka! Egha bar gavgavigha mirakel bagh ami! God ikɨ mamaghɨra ikiam; an atrivimɨn dughiaba zurara ikɨvɨra ikiam.

Esekiel 16:56

Dughiar kɨ tɨghar nɨ gasɨghasɨghamimɨn, nɨ gavgavigha ifaghata uabɨ fa, egha Sodom dɨpova ghaze, Sodom bar ikufi.

2 Eghaghaniba 33:19

Ezɨ Atrivim Manasen eghaghanir maba akɨnafarir me kamaghɨn dɨborimɨn iti, Godɨn Akam Inigha Izir Gumazibar Eghaghaniba. Akɨnafarir kam, Manasen arazir kurabagh eghara, an akɨrim ragha God gasarazir arazim geghara, an asebar ziaba fer danganir a ingarizibagh eghara, egha a ingarizir guarir akɨnir aser amizim Aseran nedazim itibagh eghara, egha marvir guar a ingarigha dar ziaba febar eghaghanibagh eghari. Akɨnafarir kam uaghan, a navim giragha uabɨ abɨrazir arazim ko, a God ko mɨgeima, God an dɨmdiam baraghizir bizibagh eghari.

Aisaia 23:9

Kar Ikiavɨra Itir Godɨn Gavgaviba Bar Itim mɨgeima, arazir kam oto. Gumazir uan gavgaviba ko, uan ziar ekiaba fa bar akongeziba, Ikiavɨra Itir God me dɨkabɨnasa. Egha a uaghan gumazir ziar ekiaba itibar ziaba dɨkabɨnasa, bizir kam gami.

Jeremaia 50:29

Ikiavɨra Itir God kamaghɨn Babilonɨn apanibav keme: “Babilon bar puvɨra ifaghata na batoke, kɨ Israelian Godɨn Bar Zuezim. Kamaghɨn amizɨ, ia gumazir barir pibar asa foziba, ia izɨ Babilon mɨsogh. Ia Babilon korogh deragh anevɨnigh. Egh ia Babilonɨn tav ateghtɨ an arɨ mangan markɨ. Me igharaz darazigh asɨghasɨghizɨ moghɨn, Ia pazɨ me damuva, bar me gasɨghasɨkigh.

Daniel 4:26

Nɨ ensel barazi, a temer dakam ateghtɨ a nguazimɨn aven ikiasa mɨkeme. Bizir kamɨn mɨngarim kamakɨn, nɨ bar kamaghɨn fogh mɨkɨm, God Uabɨra Nguazimɨn Biziba Bar Dagh Atifa. Nɨ fogha gɨfa, egha gɨn nɨ uam atrivimɨn otivam.

Ua Me Ini 8:4

Egh da uari akunɨva, nɨ ko nɨn gumazamiziba, ko nɨn ingangarir gumaziba, da bar ian ghuavanangam.’ ”

Esta 6:10

Ezɨ atrivim akar kam baregha Haman mɨgɨa ghaze, “Bar dera! Nɨ zuamɨra mangɨ korotiam ko hoziam inigh, egh ziar ekiam Judabar gumazim Mordekai danɨngigh, a gumazir nan dɨpenir tiar akamɨn ingarim. Egh bizir nɨ mɨkemeziba, nɨ bar dar amigh.”