Daniel 4:35 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁵ A gari, nguazimɨn itir gumazamiziba mati pura biziba. An Nguibamɨn itir enselba ko nguazimɨn itir gumazamiziba an apengan iti, a bar me gatifa. Egh a bizitam damusɨ an a damuam, eghtɨ gumazitam an anogoreghan kogham. Guizbangɨra, gumazitam kamaghɨn an azangsɨghan kogham, Nɨ bizir tizim gami. Bar puvatɨ.

Daniel 4:35 ပူးပေါင်းရင်းမြစ်များ

Onger Akaba 135:6

An overiam ko, nguazim ko, ongarim, ko ongarir konimɨn bizim damuasa, an a gami.

Jopɨn Akɨnafarim 42:2

“Kɨ datɨrɨghɨn fo, nɨrara biziba bar dar amuamin gavgavim iti. Egha nɨ uan ifongiamɨn gɨn ghuava amir ingangariba, tav dar anogoreghan kogham.

Onger Akaba 115:3

Me kamagh fozir puvatɨ, en God uan Nguibamɨn iti, egha a bizir tizim uan ifongiamɨn a damusɨ ifuegh, ana damuam.

Efesus 1:11

God uan ifongiam ko nɨghnɨzimɨn gɨn ghua, bizibagh amima da otifi. A faraghavɨra uan nɨghnɨzimɨn gɨn ghua, e Krais ko porogh an gumazamizibar mɨn ikiasa, an e amɨsefe.

Aisaia 43:13

Datɨrɨghɨn ko dughiabar zurara, kɨ guizɨn Godɨn ikiam. Kɨ gumazamizitabar suiraghtɨ me nan agharimɨn ikɨtɨ, tina nan gavgavim iriagh, nan agharimɨn me batuegham? Bar puvatɨgham. Egh kɨ ingangaritam damutɨ, gumazitam nan ingangarim tɨvaghan kogham.”

Aposel 4:28

Nɨ fomɨram otivasa mɨkemezir biziba, me nɨn gavgavim ko nɨn nɨghnɨzimɨn gɨn ghua dagh ami.

1 Korin 10:22

E ti Ekiam damightɨ, an navim ikuvigham o? En gavgavim ekevegha, Ekiamɨn gavgavim gafiras? Bar puvatɨ!

1 Korin 2:16

Godɨn Akɨnafarim kamaghɨn mɨgei: “Tina Ekiamɨn nɨghnɨzim gɨfo? Gumazitam bizibar amuamin fofozim Ekiamɨn sure damuan kogham.” Ezɨ erara, Kraisɨn nɨghnɨzim en iti.

Jopɨn Akɨnafarim 40:2

“Jop, kɨ Godɨn Gavgaviba Bar Itim, nɨn mɨgɨrɨgɨaba na ko mɨsosi? Egha nɨ akam na gasa ghaze, kɨ arazir kuram gami. Ezɨ datɨrɨghɨn nɨ nan azangsɨziba ikarvaghasa kɨ nɨ mɨzuai.”

Jopɨn Akɨnafarim 23:13

“Ezɨ God uabɨra, a bizitam damusɨ nɨghnɨghtɨ, tinara an nɨghnɨzim otevkɨnigham? Bar puvatɨgham. A iti moghɨra iti. Egh a bizitam damusɨ ifuegh, a puram a damuam.

Jopɨn Akɨnafarim 34:29

God nɨmɨra ikɨ bizitam damuan koghtɨ, tinara suam God arazir kuram gami? Egh a uan guam modoghtɨ, tina an boroghɨn mangɨ an guamɨn ganam? Bar puvatɨ. God gumazamiziba ko kantribagh ativagha bar dar gari, eghtɨ gumazir kuratam atrivimɨn otoghan kogh, egh gumazamizibagh asɨghasɨghan kogham, mati gumazim asɨzimɨn suighasa azuazimɨn ingari.

Jopɨn Akɨnafarim 9:4

God nɨghnɨzir aghuim ko fofozim ko gavgavir ekiam iti. Kamaghɨn, tinara a batuegh a gafiragham? Gumaziba puvatɨ.

1 Samuel 3:18

Kamaghɨn amizɨ, Samuel Ikiavɨra Itir Godɨn akaba bar dar gun a mɨkeme, egha bizitam an ghuarazir pu. Bar puvatɨ. Ezɨ Eli oregha kamaghɨn mɨgei, “A uabɨ Ikiavɨra Itir God, a bizir tizim damuasa ifonge ana damu.”

Aposel 5:39

Egh me Godɨn tugh bizim damutɨ, ia men anogoroghan kogham. Ia fogh suam, ia God ko mɨsosi.”

Aghuzir Akaba 21:30

Nɨ nɨghnɨzir aghuim ko fofozir aghuim ko bizibar amuamin fofozim ikɨ, egh nɨ Ikiavɨra Itir Godɨn apanimɨn ikɨtɨ, nɨn fofozir aghuir kam nɨn akuraghan kogham.

Aposel 9:5

Ezɨ Sol azara, “Ekiam, nɨ tina?” Ezɨ a kamaghɨn a mɨgei, “Kɨ Iesus, nɨ na gasɨghasɨsi.

Aisaia 26:9

Dɨmagaribar mɨtiriam nan azi moghɨn, nan nɨghnɨzim nɨrara iti. Egha mɨzarazibar, kɨ uan navir averiamɨn aven nɨ ko ikiasa bar ifonge. Kɨ fo, nɨ nguazir kamɨn itir gumazamizibar araziba tuisɨsi, eghtɨ me ganɨva guizɨn nɨn araziba deraghvɨra dagh fogham.

Aposel 11:17

E fo, e faragha nɨghnɨzir gavgavim Ekiam Krais Iesusɨn itima, Godra uan Duam bizir aghuimɨn mɨn e ganɨngi. Egha kamaghɨra datɨrɨghɨn God Kantrin Igharazibar Gumazamiziba uaghan uan Duam, bizir aghuim mɨn me ganɨngi. Kamaghɨn amizɨ, kɨ tina, kɨ God me ko ingaramin ingangarimɨn anogoregham?”

Onger Akaba 49:1

Ia bar moghɨra bizir kam baragh. Ia nguazir kamɨn itir gumazamiziba, ia bar kuariba arigh deragh nan akam baragh.

Onger Akaba 33:14

A uan Nguibamɨn ikia, egha nguazimɨn bar deragha en gari.

Onger Akaba 39:5

Nɨ ti nan ikɨrɨmɨrimɨn dughiabagh amizɨ da bar otefe. Nan ikɨrɨmɨrimɨn dughiar kam nɨn damazimɨn a pura bizimɨn oto. Gumazamiziba bar, men ikɨrɨmɨrim mati gumazim akamɨn amɨnim giverazɨ a zui. (Ighiam gamua an suiam atugha avughsegha ua ighiam gami.)

Fofozir Gumazim 8:4

E bar fo, atrivim mɨkɨmtɨma, gumazamiziba bar an akamɨn gɨn mangɨ. Eghtɨ gumazitam kamaghɨn an azangsɨghan kogham, “Nɨ tizim bagha kamaghɨn ami?”

Aisaia 19:17

Egh dughiar kamɨn, Isipian gumazamiziba oraghtɨ, me kantri Judan ziam dɨboroghtɨ, me Ikiavɨra Itir Godɨn Gavgaviba Bar Itim ko a damuamin bizibagh nɨghnɨgh, bar moghɨram an atiating nɨgham.

Daniel 6:27

A gumazamizibar akurvagha ua me isi; an arazaraziba ko mirakelba overiam ko nguazimɨn dagh ami. Bar guizbangɨra, a Danielɨn akurazɨ laionba a gasɨghasɨghizir puvatɨ.”

Jona 1:14

Egha me Ikiavɨra Itir God diava arai, “O Jonan Ekiam, e nɨn dei! E gumazir kam ongarim mɨkɨnightɨ, nɨ an ovevem ikaraghtɨ e ovengan kogham. Nɨ gumazir osɨmtɨziba puvatɨzir kamɨn ovevem e gasan markɨ. O Ikiavɨra Itir God, nɨ uabɨ ifongezɨ bizir kaba otifi, nɨ uabɨ dar amu.”

Josua 2:2

Ezɨ gumazir maba aning baregha ghua kamaghɨn Jerikon atrivim mɨgɨa ghaze, “Nɨ deravɨra ganigh. Israelian gumazir maba datɨrɨghɨn dɨmangan iza en nguibamɨn aven ikiava mogomemɨn an gari.”