Daniel 4:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁷ Kamaghɨn amizɨ, atrivim, nɨ datɨrɨghɨn kɨ nɨ mɨkɨmamin akamɨn gɨn mangam: Nɨ arazir kurabar amuan koghɨva, arazir aghuibar amu, egh gumazamizir onganarazibar apangkuf. Nɨ kamaghɨn damuva, egh nɨ ti deraghvɨra ikɨtɨ, bizir nɨ amiba bar deravɨram otivam.”

Daniel 4:27 ပူးပေါင်းရင်းမြစ်များ

Jona 3:9

E kamaghɨn damightɨma, God ti ua uan nɨghnɨzim giragh, egh uam ataran koghtɨ, e ovengan kogham.”

Aposel 8:22

Kɨ nɨn garima, nɨ navim ikufi, egha uaghan arazir kuraba nɨn ike. Kamaghɨn amizɨ, nɨ navim giragh arazir kuraba ateghɨva, Ekiam ko mɨkɨm. Eghtɨ a ti nɨghnɨzir kurar nɨn navir averiamɨn itiba gɨn amadagham.”

Luk Osirizir Akar Aghuim 11:41

Eghtɨ ia bizir itaribar averiabar itiba isɨva gumazir onganarazibar anɨng, eghtɨ ian biziba bar zuegham.

Efesus 4:28

Okɨmakɨar gumaziba uam okɨman markɨ. Me uari uan dafaribar ingangarir aghuibar amu. Egh uaghan gumazamizir onganarazibar akurvaghsɨ, ingarɨva bizitaba inigh me danɨng.

Galesia 5:13

Nan adarasi, ia fɨrighɨrasa God ifonge, egha kamaghɨn a ian dia. Eghtɨ ia ua Moses Osirizir Arazibar apengan ikian kogh kamaghɨn nɨghnɨghan markɨ suam, “Moses Osirizir Araziba e ikiagharɨghizɨ, e arazir kaba ategha fɨriaghɨre. Egh e navir ghurimɨn arazibar amuam.” Moses Osirizir Arazibar mɨgɨrɨgɨaba, da bar uari inigha akar vamɨran iti, “Nɨ uabɨra uabɨ gifongezɨ moghɨn, gumazamizir igharazibagh ifongegh.” Ia bar Godɨn gumazamizibar ingangarir gumazamizibar mɨn ikɨ, uarira uarigh ifongegh. Egh ia uarir atar pura tintinibar uariv sogh, egh deravɨra nɨghnɨgh. Ia uarigh asɨghasɨgham.

Aghuzir Akaba 16:6

Gumazim Ikiavɨra Itir God bar a gifuegha, bar an poro, Ikiavɨra Itir God an arazir kuraba gɨn amangam. Gumazim Ikiavɨra Itir Godɨn atiating an apengan ikɨ, egh an arazir kurabagh itagham.

1 Pita 4:8

Nɨ igharaz tav gifueghtɨ, an arazir kuratam nɨ damightɨ, nɨ zuamɨra an arazir kurar kam gɨn amadagham. Kamaghɨn ia Kraisɨn adarasi, uan navir averiabar uarira uarigh ifongegh. Arazir kam an araziba bar dagh afira.

Matyu 3:8

Ia navim gɨrazir arazibar amu.

Esekiel 18:7

Egha a igharaz darazi abɨra arazir kurabar me gamir puvatɨ. Egha gumazir igharazibar biziba okeir puvatɨ. Egha a uan namakamɨn amamangatɨzɨ, a pura ada dagɨar kaba ini, ezɨ namakam ua da ikarvaghamin ababanimɨn mɨn a uan biziba isa a ganɨngi. Egha gɨn namakar kam iza uan dagɨar kaba ikarvaghasa, ezɨ gumazir aghuir kam ua namakamɨn bizim a ganɨdi. Egha gumazir aghuir kam, mɨtiriaba azir darasi, a dagheba isa me ganɨdi. Egha korotiaba puvatɨzir darasi, a korotiaba isa me ganɨdi.

Aghuzir Akaba 28:13

Gumazim uan arazir kuram modogh, an amir ingangaritam deragh otoghan kogham. Ezɨ gumazim uan arazir kuraba bar da ghurigh, akɨrim ragh arazir kurar kabagh asaraghtɨ, God an apangkuvigham.

1 Atriviba 21:29

“Datɨrɨghɨn Ahap nan damazimɨn uabɨ abɨra. Nɨ an arazir kamɨn gari, o puvatɨ? An arazir kam gami, kamaghɨn amizɨ, dughiar an angamɨra itimɨn, kɨ an adarazigh asɨghasighan kogham. Puvatɨgham. An otarim atrivimɨn ikiamin dughiamɨn, kɨ an adarazigh asɨghasigham.”

Aposel 26:20

Egha kɨ faragha Damaskusɨn nguibamɨn akam akuni, egha Jerusalemɨn akam akunigha, Judan nguibaba bar dar akam akurava, uaghan Kantrin Igharazibar Gumazamiziba sara akam me mɨkɨra ghaze, ‘Ia uan navibagh iragh ua God bagh izɨ. Eghtɨ ian arazir ia amiba, ian gun mɨkɨm suam, ia navibagh iragha gɨfa.’

Onger Akaba 119:46

Kɨ aghumsɨghan kogh nɨn akabar gun atrivibav kɨmam.

Galesia 5:22

Ezɨ Godɨn Duam arazir aghuir kabar amuasava en naviba fe: arazir bar igharaz darazigh ifongezim, bar akongezim, navir amɨrizim, dughorir amɨrazim, gumazibar akurvagha arazir aghuibar me gami. Egha guizbangɨra mɨgɨa deravɨra bizibagh amua, gumazibar asughasusi, egha navir ghurimɨn araziba dɨkabɨri. Moses Osirizir Arazitam arazir kabar anogoroghezir puvatɨ.

2 Korin 5:11

Egha e Ekiamɨn atiatiava an apengan iti. Kamaghɨn, gumazamiziba nɨghnɨzir gavgavim Godɨn ikiasa, e men nɨghnɨziba fa me gakaghori. God guizbangɨra bar en nɨghnɨziba ko arazibagh fo. Kɨ uaghan kamaghɨn nɨghnɨsi, ia en araziba tuisɨgha fo, e ingangarir aghuim gami.

Aposel 24:25

Ezɨ Pol Godɨn damazimɨn derazir arazimɨn mɨgɨrɨgɨam gamua navir ghurimɨn arazim dɨkabɨrir arazimɨn mɨgɨrɨgɨam gamua, Godɨn Kotiar Gɨn Izamin mɨgɨrɨgɨabagh ami. Ezɨ Feliks bizir kam baregha atiatigha ghaze, “Kamaghɨra tuzɨ, nɨ mangɨ. Kɨ gɨn dughiatam ikɨ ua nɨn diagham.”

Joel 2:14

Ia ua Ikiavɨra Itir God, ian God, ia a bagh izɨtɨ, a ti uan nɨghnɨzim giragh, deraghvɨra ia damuam, egh dagher avɨriba ia danɨngam. Eghtɨ ia a bagh ofa damuamin dagheba ko wainba ikiam.

Godɨn Araziba 24:13

Aruem ghuaghirir dughiamra, ia an inim inigh izɨ uam a danɨngigh, eghtɨ a dɨmangan dakusɨ uan mɨkarzim avam. Eghtɨ gumazir kam ia mɨnabaghtɨ, Ikiavɨra Itir God, ian God, ian arazibagh ifuegham.

Jeremaia 29:7

Kɨ ian akua nguibar ekiar ia datɨrɨghɨn itir kamɨn ghu. Eghtɨ ia nguibar ekiar kam bagh pamten ingar deragh a damutɨ an amɨraghɨrɨgh deraghvɨra ikiam. Eghtɨ ia a bagh Ikiavɨra Itir God ko mɨkɨmtɨ, a nguibar ekiar kam deraghvɨram a damuam. Guizbangɨra, nguibar kam amɨraghɨrɨgh deraghvɨra ikɨtɨ, ia uaghan amɨraghɨrɨgh deraghvɨra ikiam.

Jeremaia 38:20

Ezɨ Jeremaia ghaze, “Me nɨ isɨ Judabar dafarim datɨghan kogham. Puvatɨ. Nɨ Ikiavɨra Itir God nan akam garugha nɨ ganɨngizir akaba bar adar gɨn mangɨ, egh nɨ deraghvɨra ikɨtɨ, me nɨ mɨsueghtɨ nɨ aremeghan kogham.

Jenesis 11:4

Egha me ghaze, “E datɨrɨghɨn uari uari bagh nguibar ekiatamɨn ingaram, egh an aven tauan bar ruaritam asaraghtɨ, an ruarim mangɨ overiamɨn suiragham. Egh kamagh, e uari abɨgh mangɨ tintinibar nguazimɨn nguibar igharazibar ikian kogham. E kamaghɨn damutɨ, gumazamiziba bar ziar bar ekiam e danɨngam.”

Godɨn Araziba 8:17

Eghtɨ ia kamaghɨn nɨghnɨghan markɨ, e bizir aghuir kaba uan gavgavimɨn dagh amizɨ, da otifi. Puvatɨ.

Godɨn Araziba 32:27

Egha kɨ fo, kɨ kamaghɨn aghua. Apaniba kamaghɨn ganigh ua uari fɨ suam, E uan gavgavibar Ikiavɨra Itir Godɨn gumazamizibav sogha me abɨni. Men God bizir kam gamizir puvatɨ. Erara Israelia mɨsogha me abɨni.’

Aghuzir Akaba 11:2

Gumazir uarira uan ziaba feba bar aghumsɨzir ekiam iniam. Ezɨ gumazir nɨghnɨzir aghuim itiba, me uari dɨkabɨri.

Aisaia 10:13

Ekiam orasi, Asirian atrivim uabɨra uabɨ fa, kamaghɨn mɨgei: “Kɨ bizibar amuamin nɨghnɨzir bar aghuim iti. Kamaghɨn amizɨ, nan gavgavim ko fofozimɨn, kɨ bizir kabagh ami. Kɨ kantribar mɨtaghniaba akaragharigha gɨfa, ezɨ da bar nan apengan iti. Egha bizir bar aghuir me akumakua arɨghiziba, kɨ da ini. Kɨ bar gumazir gavgavim, kamaghɨn kɨ kantrin kabar atrivibagh afiragha, me dɨkabɨni, mati bulmakaun apurir ekiam mɨsosi.

Aisaia 47:8

“Nɨ dughiar aghuim baghavɨra nɨghnɨzir amizim, nɨ akar kam baragh! Nɨ ti ghaze, nɨ deravɨra ikɨtɨ, bizir kuratam nɨ batoghan kogham. Egha nɨ kamaghɨn uabɨ mɨgɨa ghaze, ‘Kɨ uabɨra kɨ gavgaviba bar iti, ezɨ tav nan mɨn itir puvatɨ. Kɨ amizir pam ko boriba ariaghirezimɨn mɨn otoghan kogham.’

Aisaia 47:10

“Nɨ ti kamaghɨn nɨghnɨsi, Nɨn arazir kuraba nɨ damutɨ, nɨ mɨtɨgh gavgavigham. Egha nɨ kamaghɨn nɨghnɨsi, Nɨ amir bizir kaba, gumazitam dar garir puvatɨ. Nɨn fofozir bizir guar avɨribar ingariba, nɨn nɨghnɨzim adavizɨma, nɨ kamaghɨn uabɨn mɨgɨa ghaze, ‘Kɨ uabɨra, kɨ gavgavim iti, ezɨ tav nan mɨn itir puvatɨ.’

Esekiel 29:3

Nɨ kamaghɨn a mɨkɨm suam: “Kɨ Ikiavɨra Itir Godɨn Ekiam, kɨ kamaghɨn Isipɨn atrivimɨn mɨgɨa ghaze, Kɨ nɨn apanim gami. Nɨ mati, goar bar dafar Isipɨn dɨpabar itim. Nɨ ghaze, Nailɨn Fanem, nɨ ua bagha an ingarizɨ a nɨn bizimra.

Esekiel 29:9

Eghtɨ Isipɨn kantri, a ikuvigh nguazir kɨnir biziba puvatɨzimɨn mɨn ikiam. Eghtɨ ia kamagh fogh suam, kɨ Ikiavɨra Itir God. “Atrivim, nɨ ghaze, Nailɨn Fanem, nɨ ua bagha an ingarizɨ a nɨn bizimra.

Amos 6:13

Ia mɨdorozim gamua Lodebarɨn nguibam ini, egha bizir kam bagha bar akongegha uari fa iti. Egha ia uaghan ghaze, Ia uan gavgavimɨn Karnaimɨn nguibam ini.

Habakuk 1:11

Me mɨdorozim zuamɨram anegɨvagha, ivegha zuamɨra danganir igharazimɨn ghue, mati amɨnim va iza zui. Gumazir kaba, me godɨn tamɨn gɨntɨzir puvatɨ. Me uari fa uan ifongiam ko, gavgavimɨn gɨntɨsi, egha me bar osɨmtɨzir dafam iti.”

Sefanaia 2:15

Niniven adarazi nɨghnɨgha ghaze, me gavgavir ekiam iti, me ikuvighan kogham, kamaghɨn amizɨ, me bar akonge. Egha me ghaze, men nguibar ekiam a uabɨra kantrin igharazibar nguibar ekiaba, bar dagh afira. Ezɨ bar puvatɨ. Bizir kurar kaba Ninive bato. Ezɨ nguibam ikuvigha kamaghɨra ikia, asɨzir atiabar danganim gava. Gumazir an boroghɨn zuiba me atiatiava dapaniba roava bar an aghua.