Daniel 3:28 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁸ Ezɨ atrivim kamaghɨn mɨgei, “E bar Satrak, Mesak, ko Abetnego, men Godɨn ziam fam. God uan ensel amadazɨ a 3plan gumazir an ziam fa egha nɨghnɨzir gavgavim an itibar akura. Me nan akam batuegha ovengan atiatingizir puvatɨ. Egha godɨn igharazitam tevimning apɨrigha an ziam feir puvatɨ. Me uan Godɨn ziamra fe.

Daniel 3:28 ပူးပေါင်းရင်းမြစ်များ

Ua Me Ini 20:5

Ia asetam ko marvir guatamɨn itevibar pɨrɨva an ziam fan markɨ. Guizbangɨra, kɨ Ikiavɨra Itir God, kɨ ian God. Egh godɨn ifavaritamɨn amamangatɨghtɨ, a nan danganim inian kogham. Bar puvatɨ. Gumazamizir nan aghuaziba, me osɨmtɨzim iti, ezɨ kɨ ivezir kuram me ko men ikɨzim danɨng mangɨvɨra ikɨtɨ, men ikɨzimɨn igiar boriba ko azɨziba otogham.

Akar Mogomem 12:11

Kraisɨn adarasi, dughiar gumazamiziba me mɨsozima me ariaghirim, dughiar kamɨn me uan mɨkarzibagh nɨghnɨzir pu. Bar puvatɨ. Me ghaze, pura bizim. Kamaghɨn amizɨ, me Sipsipɨn Nguzimɨn ghuzim ko guizɨn akar me gun mɨgeimɨn, me Satanɨn mɨsuegha anebɨra.

Akɨnafarir Pol Romɨn Nguibar Ekiamɨn Itir Sios Bagha Osirizim 12:1

Kamaghɨn amizɨ, nan adarasi, kɨ Godɨn apangkuvir ekiam gɨnɨghnɨgha, kamaghɨn ia gakaghori: Ia uari uan inivafɨziba isɨ angamɨra itir ofan mɨn God danɨngvɨra ikɨ. Egh a baghvɨra ikɨva an ingangarim damu. Egh ia God damutɨ, a bizir kam bagh bar akuegham. Ia uari isɨ God danɨngamin arazir kam, kar guizɨn arazir Godɨn ziam fem.

Onger Akaba 147:11

A gumazamizir an atiatiava, nɨghnɨzir gavgavim an apangkuvir arazimɨn itiba, a me baghavɨra bar akonge.

Aposel 5:19

Me kalabusɨn itima, dɨmangan Ekiamɨn ensel tiaba kuigha me inigha azenan ize.

Daniel 3:25

Ezɨ a ghaze, “Manmaghɨn amizɨ kɨ 4plan gumazibar garima me avimɨn torimɨn arui? Egha benir e me ikeziba, ua men namnabar itir puvatɨ. Egha avim uaghan men isir puvatɨ. Ezɨ namba 4ɨn gumazim asebar borimɨn mɨn gari.”

Matyu 4:10

Ezɨ Iesus a mɨgɨa ghaze, “Satan nɨ na gitagh! Godɨn Akɨnafarim kamaghɨn mɨgei, ‘Nɨ uan Ekiam God, nɨ an apengara ikɨ an ziamra fam.’ ”

Daniel 2:47

Ezɨ atrivim kamaghɨn Daniel mɨgei, “Nɨ irebar modozir kamɨn gun mɨkemegha gɨfa. Kamaghɨn amizɨ, kɨ kamaghɨn fo, nɨn God a godɨn igharazibagh afira. Ana atriviba bar dar ekiam, egha bizir mogomeba azenim garɨsi.”

Onger Akaba 62:8

Nan adarasi, ia zurara nɨghnɨzir gavgavim Godɨn ikɨ. Egh osɨmtɨzir ia itiba ko nɨghnɨzir ia itiba, ia bar da isɨ a danɨng. E ia a bagh mangɨ an aven mongegh deraghvɨra ikiam. (Ighiam gamua an suiam atugha avughsegha ua ighiam gami.)

Filipai 1:20

Egha nan nɨghnɨzir bar ekiam kamakɨn, kɨ arazir derazir puvatɨzitam damuva an aghumsɨzim inian kogham. Puvatɨ. Nan nɨghnɨzim kamakɨn, datɨrɨghɨn ko gɨn, kɨ zuraram ami moghɨn, atiatingan koghɨva tugh gavgavigh arazir aghuibara damuam. Ezɨ kɨ angamɨra ikiam o kɨ aremegham, bizir kɨ amiba bar, ziar ekiam Krais danɨngam.

Aisaia 37:36

Egha dɨmagarir kamra, Ikiavɨra Itir Godɨn enselɨn mam dɨkavigha ghua, Asiriabar mɨdorozir gumaziba itir danganimɨn, men 185,000plan mɨdorozir gumazibav soghezɨ, me ariaghire. Ezɨ amɨnim tirazɨ bar mɨzaraghara, gumazamiziba dɨkavigha mɨdorozir gumazir kabar kuabar gari.

2 Eghaghaniba 32:21

Ikiavɨra Itir God aningɨn dɨmdiam baregha enselɨn mam amadazɨ, a Asirian atrivimɨn mɨdorozir gumaziba itir danganimɨn ghua, gumazir dapaniba ko, mɨdorozir gumazir bar gavgaviba ko, mɨdorozir gumazibar garir gumazir dapanibav soghezɨ me bar ariaghire. Kamaghɨn amizɨ, Atrivim Senakerip bar aghumsigha, uamategha uan kantrin ghu. Egha gɨn, a uan asemɨn ziam fasa, an dɨpenimɨn aven ghuzɨ, an otarir maba iza mɨdorozir sababar a mɨsoghezɨ, an areme.

2 Eghaghaniba 20:20

Ezɨ bar mɨzaraghara, me dɨkavigha Tekoan nguibar ekiamɨn boroghɨn itir gumazamiziba puvatɨzir danganimɨn mangasava amua iti. Me tɨghar Jerusalem ataghɨraghamin dughiamɨn, Atrivim Jehosafat kamaghɨn me mɨgei, “Ia Judaba ko Jerusalemia, ia oragh! Ia nɨghnɨzir gavgavim Ikiavɨra Itir God, ian Godɨn ikɨ, egh tuivigh gavgafigh. Egh ia Godɨn akam inigha izir gumazibar akaba nɨghnɨzir gavgavim dar ikɨ, egh ia uan apaniba abɨragham.”

1 Pita 1:21

A ian akurazɨma ia nɨghnɨzir gavgavim Godɨn iti. God a gamizɨma a uam ovevemɨn dɨkafi, ezɨma God bar Krais isa bar pɨn anetɨ. Kamaghɨn amizɨ ia nɨghnɨzir gavgavim Godɨn ikɨ, egh ia a mɨkemezir bizir ia fogha iniamiba baghvɨra mɨzuam ikɨ.

Hibru 11:37

Apaniba dagɨabar marazigh inifi. Ezɨ marasi, apaniba soba inigha men namnaba abɨzi me akuabagh iri. Marazi, apaniba mɨdorozir sababar me mɨsozima me ariaghiri. Ezɨ gumazir nɨghnɨzir gavgavim itir maba, me sipsipɨn iniba ko memen iniba, me inibar mɨn da ikegha zui. Egha me onganarazibagh amua ikia biziba bar puvatɨ. Ezɨ gumaziba osɨmtɨziba ko mɨzaziba me ganɨga paza me gami.

Hibru 1:14

Guizbangɨra enselba me duaba, egha me Godɨn ingangarim gami. Ezɨ God gumazamizir a ua iniamibar akurvaghasa me amadi, me arui.

Aposel 4:19

Ezɨ Pita ko Jon men akam ikaragha mɨgei, “Ga uaning ganighava oraghizir bizibar ghuangsɨghan kogham, ga dar gun mɨkɨmvɨra ikiam. Ia uari nɨghnɨgh, arazir manam Godɨn damazimɨn dera, ga Godɨn akam baragham, o ga ian akam baragham?”

Daniel 6:26

Kɨ kamaghɨn ia mɨgei, ia nan kantrin gumazamizir kɨ ativaziba, ia ziar ekiam Danielɨn God danɨng, egh Godɨn kamɨn atiating an apengan ikɨ. “Kar Godɨn Ikia Mamaghɨra Itim, egh an atrivimɨn ikɨ mamaghɨra ikiam. An Dughiar an Atrivimɨn Ikiamim ko an gavgavim gɨvaghan kogham.

Daniel 4:34

Gɨn 7plan azeniba gɨvazɨ, kɨ Nebukatnesar, kɨ kogha Godɨn nguibamɨn gara, egha nan nɨghnɨziba ua dera. Egha kɨ Godɨn Bar Pɨn Itim bagha bar akonge. A Godɨn ikia mamaghɨra itim, kamaghɨn, kɨ an ziam fam. Egha kɨ kamaghɨn mɨgei: God atrivimɨn ikɨ mamaghɨra ikiam. Eghtɨ an atrivir kam dughiabar ikɨvɨra ikiam.

Onger Akaba 34:22

Ikiavɨra Itir Godɨn ingangarir gumazamiziba, a ua me iniam. Egh gumazamizir a bagha ghua an aven modiba, a deragh men gantɨ, me ovengan kogham.

Onger Akaba 33:21

E nɨghnɨzir gavgavim an ziar bar zuezimɨn iti. Kamaghɨn, e uan navir averiabar aven a bagh bar akongegham.

Onger Akaba 33:18

Ia oragh! Gumazamizir Ikiavɨra Itir Godɨn atiatia an apengan itiba, an damazim men iti. Gumazamizir kaba, me nɨghnɨzir gavgavim an apangkuvir arazimɨn iti.

Esra 6:11

“Kɨ akar gavgavim, ua kamaghɨn ia mɨgei. Tina akam baraghan kogham, gumazitaba an dɨpenir bɨrimɨn agharitam asigh, anemɨnegh, an namnam giniva anemɨkɨzagham. Egh me an dɨpenim gasɨghasɨgh a damutɨ, a mati me bizir bar mɨzɨrɨziba inigha tintinibar dar pozim mɨkɨni.

Esra 1:3

Eghtɨ gumazir manaba ian tongɨn ikɨ, God me ko ikɨtɨ, me ateghtɨ, me Jerusalemɨn mavanang Ikiavɨra Itir Godɨn Dɨpenimɨn ingar. A Israelian God, egha Jerusalemɨn itir God.

1 Eghaghaniba 5:20

Ezɨ mɨdorozimɨn dughiamɨn, Israelia uarir akurvaghasa Godɨn diagha an azai. Ezɨ God men akurazɨ me uan apanir kaba abɨra. Me bar uarir akurvaghasa nɨghnɨzir gavgavir ekiam Godɨn itima, God men akura.

Jenesis 9:26

Egha Noa ua kamaghɨn mɨgei, “E Ikiavɨra Itir Godɨn ziam fam, a Siemɨn God. Egha kɨ kamaghɨn Godɨn azai, Kenan pura Siemɨn ingangarir gumazimɨn ikiam.

Onger Akaba 103:20

Ia Ikiavɨra Itir Godɨn mɨdorozir enselba, ia gavgaviba iti. Ia kuariba arigha an akaba baragha dar gɨn zui. Ia an ziam fam.

1 Korin 13:3

Kɨ bizir itiba bar da isɨ onganarazibar anɨghɨva, uaghan uan inivafɨzim ateghtɨ, me nan suiragh nan inivafɨzim avimɨn na daboroghtɨ, kɨ igharaz darazigh ifongeghan koghtɨ, nan arazir kaba tong bar nan akuraghan kogham.

Aisaia 12:2

“Ia oragh! God nan akuragha ua na ini. Eghtɨ kɨ nɨghnɨzir gavgavim an ikɨva atiatingan kogham. Ikiavɨra Itir God, a Godra, a na gamima, kɨ gavgavigha iti. Guizbangɨra, a nan Akurvazir Gumazim, ezɨ kɨ an ziam fava onger akam gami.”

Aisaia 50:10

Ia Ikiavɨra Itir Godɨn atiatia an apengan ikia, an ingangarir gumazimɨn akabar gɨntɨziba, ia atiatingan markɨ. Ia angazangarim puvatɨgha mɨtarmemɨn arui darasi, ia nɨghnɨzir gavgavim Ikiavɨra Itir Godɨn ikɨva a mɨzuam ikɨ.

Daniel 6:16

Ezɨ atrivim gumazibav geima, me Daniel inigha laionbar mozimɨn anekunizɨ a iraghu. Ezɨ a kamaghɨn Daniel mɨgei, “Nɨn Godɨn nɨ nɨghnɨzir gavgavim an ikia egha zurara teviba apɨra an ziam fer kam, a nɨn akuragh.”