Daniel 3:25 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁵ Ezɨ a ghaze, “Manmaghɨn amizɨ kɨ 4plan gumazibar garima me avimɨn torimɨn arui? Egha benir e me ikeziba, ua men namnabar itir puvatɨ. Egha avim uaghan men isir puvatɨ. Ezɨ namba 4ɨn gumazim asebar borimɨn mɨn gari.”

Daniel 3:25 ပူးပေါင်းရင်းမြစ်များ

Aisaia 43:2

Ia dɨpar konibagh irɨ mangɨtɨ, kɨ ia ko mangam. Ia faneba abɨgh vongɨn mangɨtɨ, da ia avan kogham. Eghtɨ ia avir ekiar puvɨra isimɨn aven mangɨtɨ, a ian isian kogham.

Aposel 28:5

Ezɨ Pol kuruzim kavkɨnizɨ an avim giraghu. Ezɨ bizitam Pol batozir puvatɨ.

Jopɨn Akɨnafarim 1:6

Dughiar mamɨn Godɨn Nguibamɨn itir enselba iza Ikiavɨra Itir Godɨn damazimɨn uari akufa. Ezɨ Satan uaghan iza men tongɨn iti.

Daniel 3:28

Ezɨ atrivim kamaghɨn mɨgei, “E bar Satrak, Mesak, ko Abetnego, men Godɨn ziam fam. God uan ensel amadazɨ a 3plan gumazir an ziam fa egha nɨghnɨzir gavgavim an itibar akura. Me nan akam batuegha ovengan atiatingizir puvatɨ. Egha godɨn igharazitam tevimning apɨrigha an ziam feir puvatɨ. Me uan Godɨn ziamra fe.

Onger Akaba 34:7

Ikiavɨra Itir Godɨn ensel, gumazamizir an atiatia an apengan itiba, a me apaza men akurvasi. Eghtɨ osɨmtɨziba me gasɨghasɨghan kogham.

1 Pita 3:13

Ia arazir aghuibar amusɨ bar ifueghtɨ, tina arazir kuratam ia damuam? Dughiar avɨriba ti puvatɨgham.

Daniel 3:18

Eghtɨ an en akuraghan koghtɨ, nɨ bizir kam gɨfogh, e nɨn asebar ziaba fan koghɨva, egh uaghan teviba pɨrighɨva aviragh golɨn marvir guar nɨ asarazir kamɨn ziam fan kogham.”

Jopɨn Akɨnafarim 38:7

Ingangarir kam otozir dughiamɨn, mɨkoveziba an ganigha bar akongegha ighiabagh amima, enselba dia bar akonge.

Akɨnafarir Pol Romɨn Nguibar Ekiamɨn Itir Sios Bagha Osirizim 1:4

Egha Godɨn Duamɨn gavgavimɨn tuavimɨn, God a gamizɨ a ua dɨkavigha kamaghɨn en aka, a gavgavim itir Godɨn Otarim: A Krais Iesus, en Ekiam.

Luk Osirizir Akar Aghuim 1:35

Ezɨ ensel an akam ikaragha kamaghɨn mɨgei, “Godɨn Duam nɨ bagh izeghtɨ Godɨn Bar Pɨn Itimɨn gavgavim nɨ avaragham. Eghtɨ borim Godɨn damazimɨn zueghtɨ me Godɨn Otarim a darɨgham.

Aghuzir Akaba 30:4

Tinara Godɨn Nguibamɨn ghuavanabogha an ganigha ua izaghira bizir a ganizibar gun mɨgei? Ezɨ tinara uan dafarimningɨn amɨnimɨn suira? Ezɨ tinara dɨpam isa overiamɨn itir ghuariabar anetɨ, mati gumazim bizim inigha inim gatɨgha, a nomke? Ezɨ tinara nguazibar mɨtaghniaba akɨra da arɨghizɨ da iti? Gumazir kamɨn ziam tina? Ezɨ an otarimɨn ziam tina? Nɨ na mɨkɨm! Nɨ ti foz, o? Puvatɨ.

Jeremaia 1:8

Kɨ nɨ ko ikɨ egh nɨn akurvagham. Kamaghɨn, nɨ men atiatingan markɨ. Kɨ Ikiavɨra Itir God, kɨ nɨ mɨkemegha gɨfa.”

Jeremaia 1:19

Kɨ Ikiavɨra Itir God, kɨ mɨkemegha gɨfa, Kɨ uabɨ nɨ ko ikɨ nɨn akurvagham. Eghtɨ gumazir kaba nɨn apanimɨn ikɨva, nɨ dɨkabɨragh nɨ abɨnsɨ damuva avegham.”

Jeremaia 15:21

Kɨ gumazir arazir kurabagh amiba ko apangkuviba puvatɨzir gumaziba, men agharim da ua nɨ inightɨ, me ua nɨ gasɨghasighan kogham.”

Daniel 3:24

Ezɨ Atrivim Nebukatnesar men ganigha dɨgavir kuram gamigha zuamɨra dɨkavigha tu. Egha kamaghɨn gumazir nɨghnɨzir aghuiba a ganɨdibar azara, “E 3plan gumaziba ikegha me isa avim mɨkɨni, o puvatɨ?” Ezɨ me a ikara, “Are, atrivim, e manmaghɨram ami.”

Daniel 6:23

Ezɨ atrivim bar akuegha laionbar mozimɨn Daniel gekuigh azenim darɨghasa gumazibav gei. Me mozimɨn a gekuigha azenim gatɨgha gɨvagha, an garima, Daniel guizbangɨra nɨghnɨzir gavgavim Ikiavɨra Itir Godɨn iti, kamaghɨn amizɨ, laionba duatam a gatɨzir puvatɨ.

Jopɨn Akɨnafarim 5:19

Dughiar bar avɨriba, a nɨn gantɨ, nɨ osɨmtɨzimɨn aven ikɨtɨ, a nɨn akuragham. Eghtɨ bizir kuratam nɨ gasɨghasighan kogham.