Daniel 2:39 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁹ “Eghtɨ atrivir mam nɨn gɨn otivam, egh a nɨn mɨn gavgavighan kogham. Egh gɨn atrivir mɨkezim otoghɨva, nguazir oteviba bar dagh ativagham. Ezɨ atrivir kam mati bras.

Daniel 2:39 ပူးပေါင်းရင်းမြစ်များ

Daniel 2:32

Me golɨn puvɨra taghtazimɨn an dapanimɨn ingari. Egha an evarim ko agharimning, me silvan aningɨn ingari, egha an ivariam me brasɨn dar ingari.

Aisaia 44:28

Kɨ ghaze, kɨrara atrivimɨn ikiasa Sairus amɨsefe. Eghtɨ a nan gumazamiziba deraghvɨra men ganam, mati sipsipbagh eghuvir gumazim uan sipsipba deravɨra me geghufi. Eghtɨ a ingangarir kɨ ifongezibar amuam. A mɨkɨmtɨ, me Jerusalem uam an ingarɨva, nan Dɨpenim uam anesam.”

Daniel 10:20

Ezɨ a kamaghɨn na mɨgei, “Nɨ fo, kɨ tizim bagha nɨ bagha ize? Kɨ Guizɨn Akar Akɨnafarimɨn aven osirizir, akar mabar gun deraghvɨra nɨ mɨkɨmasa ize. Egh kɨ dughiar ruarimɨn ikeghan kogham. Kɨ zuamɨra uamategh mangɨva, aser kurar Persian kantrin garim ko mɨsogham. Eghtɨ mɨdorozir kam gɨvaghtɨ, Grighɨn kantrin garir aser kuram otogham. Tav nan akurazir puvatɨ. Ensel Maikel, a Israelia ian gari, egha a uabɨra nan akura.”

Daniel 8:20

“Sipsipɨn apurir komɨn pumuning itir nɨ ganizim, a kantri Midia ko kantri Persian ababanim.

Sekaraia 6:6

Hoziar pɨziba mɨkɨrvazir karis, a notɨn amadaghan itir kantrin zui. Ezɨ hoziar ghurghuriba mɨkɨrvazir karis, a kantrin aruem ghuaghiri naghɨn itimɨn zui. Ezɨ baghɨraviba dukumizir hoziaba mɨkɨrvazir karis, a sautɨn amadaghan itir kantrin zui.

Sekaraia 6:3

Ezɨ aningɨn gɨrara izir karis, hoziar ghurghuriba a kurvasi. Ezɨ bar dar gɨn izir karis, baghɨraviba dukumizir hoziaba a kurvasi. Ezɨ hoziar kaba gavgaviba dar iti.

Daniel 7:23

Ezɨ gumazir kɨ azarazir kam, a kamaghɨn na mɨkeme, “Irebar kamɨn mɨngarim kamakɨn, namba 4ɨn asɨzir kam, a namba 4ɨn kantrin ababanim gami. Egh a kantrin igharazibar mɨn ganan kogham. A kantrin igharaziba bar dagh asɨghasɨgh da dɨkabɨragh egh da gɨvagham.

Daniel 2:38

Egha nɨ gamima, gumazamiziba bar, ko asɨziba, ko kuaraziba bar, nɨ me gatifa. Ezɨ nɨ dapanir me golɨn ingarizimɨn mɨn iti.

Daniel 2:40

Eghtɨ ua gɨn namba 4ɨn atrivim otivam. An ainɨn mɨn gavgavigham. E fo, ain bizibav sozima da bɨgha mɨnemniaba iri. Ezɨ kamaghɨra atrivir kam kantrin fomɨra ikezibar gavgaviba bar dagh afiragh ada gɨvagham.

Daniel 8:21

Ezɨ memen apurir nɨ ganizim, a kantri Grikɨn ababanim. Egha an damazimningɨn tongɨn tughav tir komɨn ekiar kam, a kantri Grikɨn faragha itir atrivimɨn ababanim.