Daniel 2:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ezɨ mɨdorozir gumaziba ghua, Daniel uan namakaba ko me mɨsueghtɨ me aremeghasa me buriagha arui.

Daniel 2:13 ပူးပေါင်းရင်းမြစ်များ

Aisaia 10:1

Iavzika! Ia gumazamizir kamagh amiba, ia bar ikuvigham. Ia gumazir onganarazibagh amibagh ifar men biziba iniasa arazir igiar igharagha garir avɨriba arigha, da osirigha me gasɨghasɨsi. Ia arazir kurar kaba arigha dar gɨn zuima, nan gumazamizir onganaraziba kotɨn aven, uan biziba bagha mɨkɨmasa izima, ia guizɨn araziba ategha arazir kurar ia arɨzir kabar, me dɨkabɨrima, me bizir me iniamba isir puvatɨ. Egha arazir kamra, ia amizir paba oveaghuezibar biziba okɨava, borir ameboghfeziaba oveaghuezibar biziba saram okei.

Onger Akaba 94:20

Gumazamizir kurar kaba, gumazamiziba arazir kurabar amuasa, me bagha akar gavgaviba akɨri. Nɨ gumazir kamaghɨn amiba ko ingarir puvatɨ.

Daniel 2:24

Egha Daniel Ariok bagha ghu, gumazir kam atrivim Babilonɨn fofozir gumazibav sueghtɨ me aremeghasa anemɨsefe. Ezɨ Daniel kamaghɨn a mɨgei, “Nɨ fofozir gumazibav sueghtɨ me aremeghan markɨ. Nɨ na inigh atrivim bagh mangɨ, eghtɨ kɨ irebamɨn a geghanɨva irebamɨn mɨngarimɨn gun a mɨkɨmam.”

Daniel 5:19

A gavgavir bar ekiam iti, kamaghɨn amizɨ, nguibaba bar dar gumazamiziba ko, kantriba bar dar gumazamiziba ko, nguibabar akaba bar, me an atiatigha egha nɨsi. Eghtɨ a gumazitam mɨsueghtɨ an aremeghsɨ an aremegham. Eghtɨ a gumazitam ateghtɨ a ikɨsɨ, a ikiam. Egha a kamaghɨn ami, a gumazitamɨn ziam fɨsɨ, a fam. Eghtɨ a gumazitam dɨkabɨragh a gasɨghasɨghsɨ, ana damuam.