Daniel 12:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Eghtɨ God gumazamizir avɨrir ovengeziba ua me fɨtɨ me ua dɨkavam. Men marazi zurara itir ikɨrɨmɨrir aghuim iniam. Eghtɨ men tarazi bar aghumsɨghɨva kamaghɨra ikɨvɨra ikiam.

Daniel 12:2 ပူးပေါင်းရင်းမြစ်များ

Aisaia 26:19

O Ikiavɨra Itir God, nɨ uan gumazamizir oveaghuezibar amutɨ, me ua dɨkavigham. Nɨ uan gumazamizir ovengezibar kuabar amutɨ, me gɨn ua angamɨra ikiam. Ia mozimɨn itir kuaba, ia ua osegh dɨmɨva bar akuegh ighiabar amuam! O Ikiavɨra Itir God, nɨ mati dɨmagarimɨn ghuariam nguazir mɨsɨngizim girima, oghevsevir igiaba a bativi moghɨn, nɨ gumazamizir oveaghuezibar amutɨ, me nguazim ategh ua dɨkavam.

Matyu 25:46

Eghtɨ gumazamizir kamaghɨn amiziba mangɨ, ivezir kuram iniam, kar mɨzazir gɨvan koghamim. Eghtɨ gumazamizir aghuiba mangɨ, ikɨrɨmɨrir aghuir zurara itim iniam.”

Esekiel 37:12

Kamaghɨn amizɨ, nɨ nan akam me mɨkɨnasa kɨ ifonge, egh kamaghɨn me mɨkɨm suam: O nan gumazamiziba, kɨ Ikiavɨra Itir Godɨn Ekiam, kɨ ian gumazir kuaba afezir mozibagh kuigh, ia inigh azenan izegh, egh ia inigh ua Israelian nguazimɨn mangam, kar ian nguazim.

Akar Mogomem 20:12

Ezɨ kɨ gumazamizir ovengezir ziaba itiba ko ziaba puvatɨzibar gari, me bar iti. Me atrivir dabirabimɨn guamɨn tuivighav iti, ezɨ akɨnafarir gumazamizibar araziba itiba kuiaghire. Ezɨ me akɨnafarir igharazim uaghan akui, kar akɨnafarir God gumazamizir ikɨrɨmɨrir zurara itim iniamin ziaba osirizim. Ezɨ gumazir atrivir dabirabir kam gaperazim, akar akɨnafarir kabar itibar gara gumazamizir ovengezibar araziba tuisɨsi.

Aposel 24:15

Ezɨ kɨ nɨghnɨzir gavgavim Godɨn ikia kamaghɨn fo, a gumazir ovengezibar amutɨ me ua dɨkavam. Gumazir aghuiba ko kuraba sara. A damuamin bizim, kɨ a bagha mɨzuai. Ezɨ akam na gasir gumaziba uaghan bizir kam bagha mɨzuai iti.

1 Tesalonika 4:14

E kamaghɨn nɨghnɨzir gavgavim iti. Iesus aremegha ua dɨkafi. Kamaghɨn amizɨ, en nɨghnɨzir gavgavim kamakɨn, God gumazir nɨghnɨzir gavgavim an ikiava ovengezibar amightɨ, me ua dɨkavigh egh Iesus ko ua izam.

Aisaia 66:24

“Me nan Dɨpenim ategha zuir dughiamɨn, me gumazir nan akaba munasa na barazir puvatɨzibar kuabar gantɨ, me ireghɨv ikiam. Me ariaghiregha gɨvagha pura tintinibar nguazim gireghav iti. Ezɨ apizir muziariba men kuaba amɨvɨra ikɨ mangɨ da gɨvaghan kogham. Eghtɨ avir men kuabar isim uaghan mungeghan kogham. Men kuaba bar bizir kuribar mɨn gantɨ, gumazamiziba bar dar aghuagham.”

Jeremaia 20:11

Ezɨ Ikiavɨra Itir God, mati mɨdorozir gumazir bar gavgavir mam, a nan akurvaghasa nan boroghɨn tughav iti. Eghtɨ gumazir izɨ pazɨ na damuamin kaba, bizir kuram me batoghtɨ me daghiregham. Egh me bar aghumsɨghtɨ, men aghumsɨzir kam ikɨ mamaghɨra ikɨ gɨvaghan kogham.

Hosea 13:14

Kɨ ti Gumazamizir Oveaghuezibar Nguibamɨn gavgavim da ua me inigham, a? Puvatɨgham. O ovevem, nɨ gumazamiziba dɨkabɨrir gavgavim managh iti? O ovevem, nɨ gumazamiziba mɨzazim me ganɨdir gavgavim managh iti? Apangkuvir arazim ti nan damazimɨn modogham.

Akɨnafarir Pol Romɨn Nguibar Ekiamɨn Itir Sios Bagha Osirizim 9:21

Nguazir mɨnemɨn ingarizir gumazim, a uan nɨghnɨzimɨn gɨn mangɨ mɨner pumuning ingarigham. A nguazitam inigh, mɨner pumuning ingarightɨ, tam dughiar ekiam bagh ikɨtɨ, igharazim, me pura bizir kuraba zuraram a mɨkɨnam. Kar an nɨghnɨzim.

Aposel 7:60

Egha a uan tevimning apɨrigha irɨgha pamtem dei, “Ekiam, nɨ men arazir kurar kam gɨnɨghnɨghan markɨ, a gɨn amadagh.” A kamaghɨn mɨkemegha areme.

Aghuzir Akaba 12:8

Gumazim nɨghnɨzir aghuim ikiam, eghtɨ gumazamiziba an ziam fam. Eghtɨ gumazimɨn nɨghnɨzim ikuvigham, eghtɨ me an ziam dɨkabɨragham.