Daniel 11:30 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁰ Eghtɨ Romɨn gumazamiziba kuribar izɨva a mɨsogham, eghtɨ a bar atiatigham. Egh a bar puv atarɨva uamategh mangɨ, gumazamizir Godɨn ziam fer arazim gasɨghasɨghsɨ damuam. Egh a gumazamizir akɨrim ragha God gasaraziba men mɨgɨrɨgɨaba ko nɨghnɨzibar gɨn mangam.

Daniel 11:30 ပူးပေါင်းရင်းမြစ်များ

Jenesis 10:4

Ezɨ Javanɨn otaribar ziabar kara: Elisa, Tarsis, ko Saiprusɨn gumaziba, ko Dodania.

Dɨboboniba 24:24

Saiprusɨn mɨdorozir gumaziba uan kurir ekiaba inigh izɨ, Asuria ko Eberia mɨsogh me abɨragham. Egh Saiprusba uaghan bar gɨvagham.”

Daniel 11:28

Egh Sirian atrivim, bizir a mɨdorozimɨn iniziba, bar da inigh izam, egh a ua uan nguibamɨn mangam. Egh gumazamiziba Godɨn ziam fer arazim gasɨghasɨghsɨ nɨghnɨzir tam damuam. Ezɨ bizir a damuasa ifongeziba, a pura dar amuam. Egh gɨn a uamategh uan nguibamɨn mangam.

Jeremaia 2:10

Ia kurim inigh mangɨ Saiprusɨn Arighatɨzimɨn mangɨ, an aruem ghuaghiri naghɨn iti. Egh ia Saiprusian arazibar ganigh. Egh ia uaghan gumaziba amadaghtɨ, me aruem anadi naghɨn amadaghan Arebian nguazimɨn mangɨ, egh bar deraghvɨra men arazibar ganigh. Ia gantɨ arazir ia amir kaba, men tarazir dar amuam ti? Bar puvatɨgham.

Aisaia 23:12

A kamaghɨn mɨgei: “O Saidonɨn nguibar ekiar dirim, gumaka! Nɨ uabɨn akurvaghan kogham. Nɨn bar akongezir arazim gɨvagh ua ikian kogham. Nɨ bar ikuvigh, egh deravɨra ikian kogham. Kamaghɨn amizɨ, ia Saidonian gumazamiziba, ia dɨkavigh arɨ Saiprusɨn Arighatɨzimɨn mangɨ. Egh ia uaghan avughsamin danganiba puvatɨgham.”

Aisaia 23:1

Bizir Tairɨn nguibar ekiamɨn otivamiba, Ikiavɨra Itir God, dar akam anɨdi: O ia gumazir kurir ekiabar ongarim garuiba, iavzika! Ian nguibar ekiam Tair, a bar ikuvigha gɨfa, ezɨ tam uam an itir puvatɨ. Ia Tarsisɨn nguazimɨn ikegha, uamategha iza Saiprusɨn Arighatɨzim ategha, uan nguibam bagha izi, egha dughiar kamɨn ia asɨghasɨghizir arazir kam baraki. Kamaghɨn amizɨ, ia naviba ikuvigh aziv arang.

Akar Mogomem 12:12

Kamagh amizɨ, ia Godɨn Nguibam ko an itir darazi bar, ia bar akongegh! Ezɨ nguazim ko ongarim, guavzika, gua bar ikuvigham. Satan fo, a ikiamin dughiam bar otefe, kamaghɨn amizɨ a guan anɨngaghɨ gua gasɨghasɨghasa gua bagha izaghirɨ. Kamaghɨn amizɨ, guan aven itir darasi, iavzika.”

Matyu 24:10

Egh dughiar kamɨn gumazamizir avɨriba, me uan nɨghnɨzir gavgavir nan itim ategham. Egh pazɨ uarira uarir amuva, uari isɨ apanibar agharim darɨgham.

Daniel 7:25

Eghtɨ an akar kurabar Godɨn Bar Pɨn Itim mɨkɨmɨva, egh an gumazamiziba dɨkabɨnam. Egh me Arazir God Me Ganɨngiziba ko, dughiar ekiar Godɨn ziam feba, da batoghsɨ damuam. Egh an azenir pumuning ko mɨkezim ko akuamɨn Godɨn gumazamizibagh ativagh men ganam.

Esekiel 27:6

Egha me Basanɨn nguazimɨn ghua temer okɨn aghuiba inigha an pulbar ingari. Egha Saiprusɨn Arighatɨzimɨn ghua temer aghuiba inigha, kurimɨn ghuriamɨn ingari. Egha elefanɨn atariba inigha an ghuriam asɨngi.

Nehemia 6:12

Egha gɨn kɨ nɨghnɨgha ghua, egha kamaghɨn fo, Ikiavɨra Itir God akar kam Semaia ganɨngizir puvatɨ. Guizbangɨra, Tobia ko Senbalat mɨgɨrɨgɨar kam damuasa a givese.

1 Eghaghaniba 1:7

Ezɨ Javanɨn otaribar ziabar kara: Elisa, Tarsis, ko Saiprus, ko Rodes.

Daniel 11:29

“Eghtɨ dughiar God inabazimɨn, Sirian atrivim Isipɨn mangɨghɨva ua Isip ko mɨsogham, egh a dughiar kamɨn a faragha me mɨsogha me abɨnizɨ moghɨn, ua kamaghɨn damighan kogham.