Daniel 11:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁷ Egh gɨn atrivir kamning uaning inigh daperagh damam. Egh aningɨn nɨghnɨziba bar ikuvightɨ, aning akam gitɨva, akar ifavarir avɨribar uaning mɨkɨmam. Egh bizir aning damuasa ifongeziba, aning dar amighan kogham. God bizir kabar amuasa inabazim dughiam a tɨghar otivam.

Daniel 11:27 ပူးပေါင်းရင်းမြစ်များ

Onger Akaba 12:2

Gumazamiziba bar, gumazamizir igharaziba ko ifavaribagh ami. Me asuir akaba uariv gɨa egha uarira uarigh ifari.

Habakuk 2:3

Bizir kam otivamim dughiam, a tɨghar maghɨn izɨ guizɨn otivam. Kamaghɨn amizɨ, bizir kɨ nɨn akaghamin kaba, nɨ da osirightɨ da ikɨ. Bizir kɨ nɨn akakaghamiba, da bar guizbangɨra kɨran oveghangɨn otivigham. Nɨ ti ghaze, da zuamɨra otoghan kogham, puvatɨ, nɨ pura mɨzuam ikɨ, bizir kam bar aghumra izɨva otogham.

Daniel 11:35

Eghtɨ apaniba gumazir dapanir tabav soghtɨ me arɨghiram. Eghtɨ men osɨmtɨzir kam gavgavim gumazamizir mabar anɨngam. Me arazir aghuibar amuva, Godɨn damazimɨn bar zuegham. Eghtɨ arazir kam gɨvaghan kogham. A kamaghɨra ikɨ mangɨ God inabazir dughiar abuananamɨn tugham.

Onger Akaba 64:6

Me arazir kurabar amuasa akam mɨsuegha gɨvagha ghaze, “E arazir kuram damuasa nɨghnɨzir aghuir mam batogha gɨfa. E damuasa amir bizir kam, gumazitam bar a gɨfozir puvatɨ.” Guizbangɨra, e gumazibar nɨghnɨziba ko navir averiabagh fozir puvatɨ, da bar modo.

Daniel 11:40

“Eghtɨ dughiar abuananam roghɨra izɨtɨ, Isipɨn atrivim izɨ a ko aning uaning mɨsogham. Eghtɨ Sirian atrivim karisba ko hoziaba ko kuriba inigh, zuamɨra mangɨ Isipɨn atrivim ko pamtem mɨsogham. Egh kantrin avɨriba aperiar dafamɨn mɨn otogh me arigham.

Daniel 8:19

Ezɨ a mɨgei, “Kɨ Godɨn anɨngagharim gɨvaghamim dughiamɨn, nɨ mɨkɨmasa. Kar God inabazir dughiar abuananam. Bizir kaba nɨ irebamɨn ganizɨ moghɨn otivam.

Aghuzir Akaba 26:23

Gumazim arazir aghuim damuasa mɨghɨghavɨra mɨgɨa, an nɨghnɨzimɨn, ana arazir kuram damuasa, a mati nguazir mɨnem, me silvan a nomkezɨma, an ganganim bar dera.

Aghuzir Akaba 12:20

Gumazamizir arazir kurabar amuasa nɨghnɨziba, me uarira uarigh ifari. Ezɨ gumazir gumazamizibar akurvaghtɨ me navir amɨrizimɨn ikiasa nɨghnɨzim, a uabɨ bar akongegham.

Onger Akaba 58:2

Ian nɨghnɨziba arazir kurabara damuasa dɨkafi. Ia nguazimɨn gumazamizibagh asɨghasɨghasavɨram ami.

Onger Akaba 52:1

O gumazir ekiam, nɨ manmaghsua uabɨ fa, arazir kurar nɨ Godɨn gumazamizibagh amiziba bagha bar akonge? Godɨn apangkuvim men ikia mamaghɨra iti.

1 Tesalonika 5:1

En adarasi, e biziba otivamin dughiatam dɨborogh ia bagh an osirighan kogham.

Aposel 17:31

God gumazamizibar arazir kuraba bagh me tuisɨghamin dughiam akɨrigha gɨfa. An arazir aghuimɨn mɨrara a inabazir gumazim, nguazir kamɨn gumazamiziba tuisɨgham. Gumazir kam aremezɨ God a gamizɨ a ua dɨkafi. Bizir kamɨn God e tuisɨghamin ingangarim gumazamiziba bar men akazɨ, me fo, a guizbangɨram otogham.”

Aposel 1:7

Ezɨ Iesus kamaghɨn me mɨgei, “Biziba otivamin dughiaba, nan afeziam uabɨ uan gavgavimɨn da atɨ. Ezɨ ia tizim bagh dughiar an atɨzir kam gɨfoghasa. Kar ian bizim puvatɨ.

Daniel 11:29

“Eghtɨ dughiar God inabazimɨn, Sirian atrivim Isipɨn mangɨghɨva ua Isip ko mɨsogham, egh a dughiar kamɨn a faragha me mɨsogha me abɨnizɨ moghɨn, ua kamaghɨn damighan kogham.

Daniel 10:1

Ezɨ Sairus 3plan azenibar kantri Persian atrivim itima, God akam aghurigha Daniel ganɨngi. Danielɨn ziar mam Beltesasar. Ezɨ akar kam bar guizbangɨra, egha mong bar pɨn kozɨ, an osemegha ghaze, a manmaghɨn a gɨfogham? Ezɨ God irebamɨn an gun mɨgei.

Esekiel 17:9

“Kamaghɨn amizɨ, kɨ Ikiavɨra Itir Godɨn Ekiam kamaghɨn nɨn azai, Wainɨn kam deravɨra ikɨva aghungam? Ti puvatɨgham. Kuarazir bagar faragha izim ti izɨ biba sarama anesigh an ovɨziba adegh, an aghariba apɨrigh da ateghtɨ da mɨsɨngigham. Gavgaviba puvatɨzir gumazim o gumazir kɨnir puningra, me ti wainɨn ikarɨzir kam asighɨrafagham.

Aghuzir Akaba 19:21

Gumazamiziba bizir avɨribar amuasa nɨghnɨsi. Ezɨ bizir Ikiavɨra Itir God damuasa nɨghnɨzim, bizir kamram otivam.

Onger Akaba 62:9

Gumazir kɨniba mati, amɨnim pura akamɨn otiva zui. Gumazir ziaba itiba, me uaghan pura biziba. E men osɨmtɨziba tuisɨgh fogham, me guizbangɨrama osemes ti. Men osɨmtɨziba akamɨn otivir amɨnim ko magh ghue.

2 Samuel 13:26

Ezɨ Apsalom a mɨgɨa ghaze, “Ia mamaghɨn izan aghuaghɨva, nan aveghbuam Amnon amadaghtɨ, an e bagh izɨ.” Ezɨ atrivim a ikaragha ghaze, “A bizir tizim baghvɨra nɨn gɨn mangam?”

Daniel 11:28

Egh Sirian atrivim, bizir a mɨdorozimɨn iniziba, bar da inigh izam, egh a ua uan nguibamɨn mangam. Egh gumazamiziba Godɨn ziam fer arazim gasɨghasɨghsɨ nɨghnɨzir tam damuam. Ezɨ bizir a damuasa ifongeziba, a pura dar amuam. Egh gɨn a uamategh uan nguibamɨn mangam.

Daniel 8:17

Ezɨ Gebriel iza nan boroghɨn tuzɨ, kɨ bar atiatigha, nguazim girɨgha fuaghav iti. Ezɨ Gebriel kamaghɨn na mɨgei, “Nɨ pura nguazimɨn gumazim, ezɨ kɨ kamaghsua, nɨ irebar kamɨn mɨngarim gɨfogh. Irebar kam, nguazim gɨvaghamin bizibar mɨgɨrɨgɨam an ti.”